San Lucas 2:49 - Ti Biblia (1973)

⁴⁹ Ket isu simmungbat cadacuada: Apayapay sinapsapuldac? Dicay ammo a masapul a sangoec dagiti banbanag ni Amac?

Ti Baro a Naimbag a Damag Biblia

⁴⁹ “Apay aya a binirbirokdak?” insungbat ni Jesus. “Diyo kadi ammo a masapul nga addaak iti balay ni Amak?”

San Lucas 2:49 Iomraidhean Croise

Dagiti Salmo 40:8

Pagragsacac nga aramiden ti pagayatam, O Diosco; wen, ti lintegmo adda iti uneg ti pusoc.

Malakias 3:1

Adtoy, ibaonco ti babaonec, ket isu isaganananto ti dalan iti sangoc: ket ti Apo a birukenyo, umayto iti apagdaricmat iti templona; ket ti babaonen ti tulag, isu a calicagumanyo, adtoy, umay, cuna ni Jehova dagiti buybuyot.

San Mateo 21:12

Ket simrec ni Jesus iti Templo ti Dios, ket pinaruarna dagiti isu-amin nga aglaclaco ken aggatgatang idiay Templo; ket tinuangna dagiti lamisaan dagiti agsucsucat ti pirac, ken dagiti tugaw dagiti aglaclaco cadagiti calapati;

San Lucas 2:48

Ket idi nakitadan, nagsiddaawda, ket kinuna kencuana ni inana; Anac, apayapay a casta ti inaramidmo cadacami? Adtoy ni amam ken siac silaladingitcami a nagsapsapul kenca.

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 5:17

Ngem ni Jesus simmungbat cadacuada: Ni Amac agingga ita agar-aramid, ket agararamidac met.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

San Juan 8:29

Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

San Juan 9:4

Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.