San Lucas 2:40 - Ti Biblia (1973)

⁴⁰ Ket daydi ubing dimmackel ken pimmigsa, ken napno ti sirib; ket ti gracia ti Dios adda idi kencuana.

Ti Baro a Naimbag a Damag Biblia

⁴⁰ Dimmakkel ken pimmigsa ti ubing. Napnoan iti sirib ket adda kenkuana ti parabur ti Dios.

San Lucas 2:40 Iomraidhean Croise

Dagiti Salmo 22:9

Ngem sica ti nangaon caniac iti tian; pinagcammatalecnac idi addaac iti barucong ni inac.

Dagiti Salmo 45:2

Nasaysayaatca ngem dagiti annac dagiti tattao; ti gracia naibuyat cadagiti bibigmo: Anansata ti Dios binendicionannaca nga agnanayon.

San Lucas 1:80

Ket di ubing dimmackel; ket bimmileg iti espiritu; ket nagnaed cadagiti letlet-ang aginga iti aldaw a panagparangna iti Israel.

San Lucas 2:47

Ket amin dagidi nacangngeg kencuana, nasnasdaawda iti saririt ti isipna ken cadagidi sungbatna.

San Lucas 2:52

Ket ni Jesus dimmackel iti kinasirib ken kinatayag, ken ti gundaway iti Dios ken cadagiti tao.

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

Dagiti Aramid 4:33

Ket dagidi apostol pinanecnecanda iti dackel a pannacabalin, ti panagungar ni Apo Jesus: ket adda dackel a parabur cadacuada amin.

Taga-Efeso 6:10

Panungpalanna, cacabsat, agsarikekedcayo iti Apo ken iti pigsa ti pannacabalinna.

2 Timoteo 2:1

Sica ngarud, anacco, bumilegca iti parabur nga adda ken Cristo Jesus.

Uk-ukom 13:24

Ket ti babai nangipasngay iti maysa nga anac a lalaki, ket isu pinanagananda iti Samson: ket ti ubing dimmackel, ket isu binendicionan ni Jehova.

1 Samuel 2:18

Ngem ni Samuel nagannong iti sango ni Jehova, idinto nga ubing, a nabaricsan iti maysa nga efod a lienzo.

1 Samuel 2:21

Ket ni Jehova sinarungcaranna ni Anna, iti casta a nagsicug, ket nangyanac iti tallo nga annac a lallaki ken dua nga annac a babbai. Ket ni ubing a Samuel dimmackel iti sango ni Jehova.

1 Samuel 2:26

Ket ni ubing a Samuel dimmackel, ken immadu kencuana ti parabur ni Jehova, ken casta met cadagiti tattao.

1 Samuel 3:19

Ket ni Samuel dimmackel, ket ni Jehova adda idi kencuana, ket dina impalubos a matnag iti daga ti uray no maysa cadagiti saona.