San Lucas 2:4 - Ti Biblia (1973)

⁴ Ket ni Jose naggapu idiay Galilea iti ili a Nazaret, simmang-at met sadi Judea, idiay ili ni David, a managan Bet-lehem, gapu ta nagtaud iti balay ken caputotan ni David;

Ti Baro a Naimbag a Damag Biblia

⁴ Agsipud ta nagtaud ni Jose iti kaputotan ni David, pimmanaw iti ili a Nazaret idiay Galilea, ket napan iti ili a Betlehem idiay Judea. Idiay Betlehem ti nakayanakan ni Ari David.

San Lucas 2:4 Iomraidhean Croise

Genesis 35:19

Ket ni Raquel natay ket naitabon iti dalan sadiay Efrata (daytoy isu ti Bethlehem).

Genesis 48:7

Ket siac, idi naggapuac idiay Padan-aram, natay ni Raquel iti arpadco iti dalan idiay daga a Canaan, idi adayu pay laeng bassit ti Ephrata: ket impoponco iti dalan a mapan sadiay Ephrata (nga isu ti Belen).

Mikias 5:2

Ngem sica, Belen Efrata, sica a bassitca cadagiti rinibribu ti Juda, kenca rumuarto ti maysa nga umay caniac nga agbalin nga agturay iti Israel; a dagiti iruruarna nanipudda idi ugma, nanipud iti kinaagnanayon.

San Mateo 1:20

Ngem idi ta panpanunutenna daytoy, adtoy, maysa nga angel ti Apo nagparang kencuana iti maysa a tagtagainep, a nagcuna: Jose, anac ni David, dica aduadua nga umawat ken Maria nga asawam; ta ti nabukel kencuana, aramid ti Espiritu Santo.

San Mateo 2:23

Ket immay, ket nagnaed idiay ili a managan Nazaret: tapno matungpal ti sinao dagiti mammadto, a managanto ti Nazareno.

San Lucas 2:3

Ket napanda amin idi a pinaipadron tunggal maysa iti ilina.

San Lucas 2:5

Tapno paipadron agraman ken Maria, a nakisacsi kencuana isu a masicog idi.

San Lucas 4:16

Ket immay sadi Nazaret, isu a dinackelanna; ket simrec cas ugalina iti aldaw a panaginana iti sinagoga, ket timmacder nga agbasa.

San Juan 1:46

Ket kinuna kencuana ni Natanel; Mabalin aya nga agtaud idiay Nazaret ti aniaman a banag a naimbag? Cuna kencuana ni Felipe: Umayca ket kitaem.

San Juan 7:42

Saan a kinuna aya ti Surat: Nga iti caputotan ni David ken idiay Bet-lehem, puroc a tinaudan ni David, ti paggapuan ti Cristo?

Ruth 1:19

Iti casta isuda a dua napanda agingga ti dimtengda iti Belen. Ket naaramid, nga idi a nacadanonda iti Belen, nga amin ti ili nagderraaw a gapu cadacuada, ket dagiti babbai kinunada, Isu daytoy ni Noemi?

Ruth 2:4

Ket, adtoy, ni Booz a naggapu iti Bet-lehem, ket kinunana cadagiti agan-ani, Ni Jehova adda coma cadacayo. Ket isuda simmungbatda kencuana, Ni Jehova bendicionannaca coma.

Ruth 4:11

Ket amin a tattao nga adda idi ruangan, ken dagiti lallacay, kinunada, Dacami dagiti macasacsi. Ni Jehova aramidenna coma ti babai a sumrec iti balaymo a cas ken Raquel ken cas ken Lea, isuda a dua idi dagiti namangon iti balay ni Israel: ket agaramidca a sitatacneng idiay Efrata, ken sica ti madaydayaw coma iti Bet-lehem:

Ruth 4:17

Ket dagiti caarrubana a babbai intedda kencuana ti maysa a nagan, a kinunada, Adda maysa nga anac a lalaki a nayanac ken Noemi; ket isuda impanaganda ti nagan nga Obed: Isu ti ama ni Jesse, nga ama ni David.

1 Samuel 16:1

Ket ni Jehova kinunana ken Samuel, Casano ti cabayag ti panangdungdung-awmo ken Saul, idinto nga isu binaybay-ac manipud iti panagarina iti Israel? punnoem ta saram iti lana, ket inca: ibaoncanto ken Isai a Betlehemita; ta nangisaganaac iti maysa nga ari cadagiti annacna a lallaki.

1 Samuel 16:4

Ket ni Samuel inaramidna daydi imbaga ni Jehova ket immay iti Betlehem. Ket dagiti lallacay ti ili immayda simmabet kencuana nga agpigpigergerda, ket kinunada, Umayca a sicacappia?

1 Samuel 17:12

Ket ni David nga anac ni Efrateo ti Betlehem ti Juda, a ti naganna Isai; ket addaan idi iti walo nga annac a lallaki: ket daydi lalaki lacayen idi cadagidi al-aldaw ni Saul, napacsuyan iti kinalacayna iti tengnga dagiti tattao.

1 Samuel 17:58

Ket ni Saul kinunana kencuana, Asino ti akinanac kenca, sica agtutubo a lalaki? Ket ni David simmungbat, Anacnac ni adipenmo a Isai a Betlehemita.

1 Samuel 20:6

No ni amam dillawenna ti caawanco iti apag-apaman, cunam ngarud, Ni David nagdawat a sigagagar unay ti ipapanawna caniac tapno tumaray coma a dumanon iti Betlehem nga ilina; ta adda tinawentawen a daton idiay a maipaay iti amin a familia.