San Lucas 2:32 - Ti Biblia (1973)

³² Maysa a silaw a manglawag cadagiti Gentil, Ken dayaw dagiti tattaom nga Israel;

Ti Baro a Naimbag a Damag Biblia

³² Maysa a silaw a mangipakaammo kadagiti Hentil ti pagayatam. Ken mangyeg iti dayaw iti ilim nga Israel.”

San Lucas 2:32 Iomraidhean Croise

Dagiti Salmo 85:9

Pudno a ti panangisalacanna asideg cadagiti agbuteng kencuana, tapno ti dayag agtaeng iti dagatayo.

Isaias 11:10

Ket maaramidto iti dayta nga aldaw, a ti ramut ni Jesse, a sitatacder nga apaay a maysa a wagayway cadagiti inilin-ili, isu ti sapulento dagiti nasnacion; ket ti paginanaanna nadayagto.

Isaias 4:2

Iti dayta nga aldaw ti saringit ni Jehova nasayaatto ken nadayag, ket ti bunga ti daga mangnibinibinto ken nataerto unay a maipaay cadagiti nailiclic iti Israel.

Isaias 45:25

Ken ni Jehova ti pacapalinteganto amin a bin-i ti Israel, ken paggloriaandanto.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 49:9

A cunaem cadagiti adda a nabalud, Rumuarcayo; cadagiti adda iti kinasipnget, Agparangcayo. Agarabdanto cadagiti daldalan, ken cadagiti nalucasan a pantoc ti pagpaarabandanto.

Isaias 51:4

Ipangagdac, O ilic; ken timudendac, O nacionco: ta maysa a bilin ti agtaudto caniac, ket isaadconto ti kinalintegco a maipaay a silaw dagiti inilin-ili.

Isaias 60:19

Ti init saanton nga isu ti lawagmo iti aldaw; uray ti raniag ti bulan dinanto itden ti lawagna kenca: no di ket ni Jehova isunto ti agnanayon a silawmo, ket ti Diosmo ti dayagmo.

Isaias 9:2

Ti umili a nagnagna iti casipngetan nacakita iti maysa a dackel a lawag; dagiti nagtaeng iti daga ti aniniwan ni patay, naglawag ti silaw cadacuada.

Jeremias 2:11

Adda maysa a nacion a binalbaliwanna dagiti didiosna, idinto nga isuda saanda a didios? Ngem ti ilic insucatna ti dayagda iti awan magungunana.

Zacarias 2:5

Ta siac, cuna ni Jehova, siacto kencuana ti maysa a bacud nga apuy iti aglicmut, ket siacto ti dayag iti nagtengngaanna.

San Mateo 4:16

Dagiti umili a nagtugaw cadagiti sipnget, Nacakitada ti dackel a lawag; Ket dagiti nagtugaw iti disso ken linong ni patay, Ti silaw linawaganna ida.

San Lucas 2:10

Ket di angel kinunana cadacuada: Dicay agbuteng, ta adtoy, yegancayo ti naimbag a damag ti dackel a ragsac, a maipaayto cadagiti amin a tattao:

San Lucas 2:31

Isu nga insaganam iti sangoanan dagiti amin a tattao;

Dagiti Aramid 26:23

A ni Cristo masapul coma nga agtuoc ket isu coma ti umuna gapu iti panagungarna cadagiti natay, a mangipacaammo ti lawag iti umili ti Israel ken castamet cadagiti Gentil.

Dagiti Aramid 28:28

Ammoenyo ngarud a daytoy a pangisalacan ti Dios: maipan cadagiti Gentil ket isuda dumngegdanto.

1 Taga-Corinto 1:31

Tapno, cas iti naisurat: Ti agrag-o agrag-o coma iti Apo.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.