San Lucas 2:14 - Ti Biblia (1973)

¹⁴ Dayaw iti Dios idiay cangatoan, Ken talna iti rabaw ti daga, naimbag a nakem cadagiti tattao,

Ti Baro a Naimbag a Damag Biblia

¹⁴ “Gloria iti Dios iti kangatoan a langit! Ket ditoy daga, kappia ken talna kadagiti tattao a pakaragsakanna!”

San Lucas 2:14 Iomraidhean Croise

Isaias 44:23

Agcantacayo, O langlangit, ta ni Jehova inaramidna daytoy; agriawcayo nababbaba a disdisso ti daga; pumgaaccayo nga agcanta dacayo a banbantay, O bakir, ken tunggal cayo kencuana: ta ni Jehova sinubbotna ni Jacob, ken mapadayawanto iti Israel.

Isaias 49:13

Agcantacayo, O langlangit; ken agragsacca O daga; ken pumgaaccayo iti panagcanta, O banbantay; ta ni Jehova liniwliwana ti ilina, ken caasiannanto dagiti naladingit a tattaona.

Isaias 57:19

Agparsuaac iti bunga dagiti bibig: Talna, talna, iti daydiay nga adda iti adayu ken iti daydiay nga adda iti asideg, cuna ni Jehova; ket isu agasacto.

Mikias 5:5

Ket daytoy a lalaki isunto ti talnatayo. Intono ti Asirio umayto iti dagatayo, ken intono bumaddec cadagiti palaciotayo, ibangontayto a bumusor kencuana pito a pastor, ken walo a panguloen a lallaki.

San Mateo 21:9

Ket dagiti adu a tattao a magmagna iti masangoananna, ken dagiti simmurot impuccawda a cuncunada: Hosanna iti Anac ni David! Bendito ti umay iti nagan ti Apo! Hosanna idiay cangatoan!

San Lucas 1:79

A manglawag cadagiti agtutugaw iti sipnget ken aniniwan ni patay; A mangidalan cadagiti sacsacatayo iti dalan ni talna.

San Lucas 19:38

A cuncunada: Naingasatan ti Ari, nga umay iti nagan ti Apo. Talna idiay langit, ket dayaw iti cangatoan.

San Lucas 2:13

Ket naigiddato nga adda a naicuyog idi angel ti maysa a dackel a bonggoy dagiti nailangitan nga buybuyot, a nagdaydayaw iti Dios, ket cuncunada.

San Lucas 2:15

Ket idi nga pinanawan ida dagidi angel a napanda sadi langit, dagidi paspastor nagsasaoda a kinunada: Intayo ngarud idiay Betlehem, ket kitaentayo daytoy a naaramid, nga impacaammo cadatayo ti Apo.

San Lucas 3:22

Ket bimmaba kencuana ti Espiritu Santo a nasimbubukel a cas la calapati, ket nangngeg ti maysa a timec ti langit: Sica ti Anacco a dungdungoen, maayayoac unay kenca:

San Juan 14:27

Ti talna ibatic cadacayo, ti talnac itdec cadacayo: saan a cas iti panangited ti lubong ti panangitedco cadacayo. Saan coma nga agpulcoc ti pusoyo ken di agbuteng.

San Juan 17:4

Siac indaydayawca ditoy daga: naturposco ti aramid nga intedmo nga aramidec.

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

Dagiti Aramid 10:36

Ti sao nga inturongna cadagiti annac ti Israel, ti panangicascasaba ti evangelio ti talna a maipoon ken Jesu-Cristo, (isu ti Apo dagiti isu-amin.)

Taga-Roma 5:1

Idinto ngarud a mapalintegtayo gapu iti pammati, addaantayo ti pannakicappia, iti Dios, gapu ken Apotayo a Jesu-Cristo:

Taga-Efeso 1:6

Tapno pacaidayawan ti dayag ti paraburna, nga imparaburna cadatayo iti Ay-ayatenna nga Anac:

Taga-Efeso 1:9

Nga impacaammona cadatayo ti palimed ti nakemna, cas iti pagayatanna, a pinanggepna kencuana,

Taga-Efeso 2:4

Ngem ti Dios, idinto a nabacnang iti caasi, gapu iti dackel nga ayatna a pinangayatna cadatayo,

Taga-Efeso 2:7

Tapno, cadagiti pannawen a mapasungad iparangarangna ti naindaclan a kinabacnang ti paraburna ti kinaimbag cadatayo ken Cristo Jesus:

Taga-Filipos 2:11

Ken amin a dila ipudnoda a ni Jesu-Cristo, isu ti Apo, tapno paca idayawan ti Dios Ama.

Taga-Filipos 2:13

Ta ti Dios ti mamagaramid cadacayo, ti panagayat ken casta met ti panagaramid ti mayalubog iti pagayatanna;

Taga-Colosas 1:20

Ket gapu kencuana maicappia kencuana met laeng dagiti isu-amin a banbanag, idinto nga inaramidna ti cappia a gapu iti darana iti cruz; gapu kencuana, cunac uray dagiti adda iti rabaw ti daga, uray dagiti adda sadi langit.

2 Taga-Tesalonica 2:16

Ket ni Apotayo a Jesu-Cristo met laeng, ken ti Dios nga Amatayo, isu a nagayat cadatayo, ket iniccannatayo iti agnanayon a liwliwa ken nasayaat nga inanama gapu iti parabur,

Paltiing 5:13

Ket isu-amin a naparsua idiay langit, ken iti rabaw ti daga, ken iti uneg ti daga, ken iti baybay, ken dagiti isu-amin nga adda cadacuada, nangngegco ida nga agcuncuna; Bendicion, ken dayaw ken dayag ken pannacabalin ti adda coma iti daydiay agtutugaw iti trono, ken iti Cordero, iti awan inggana.