San Lucas 2:11 - Ti Biblia (1973)

¹¹ Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

Ti Baro a Naimbag a Damag Biblia

¹¹ Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

San Lucas 2:11 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Genesis 49:10

Dinto umadayo ti cetro ken Juda, Uray ti sarucod ti agturay di umadayo iti baet dagiti sacsacana, Agingga iti di umay ni Mamagcacappia; ket isu ti tulnoganto dagiti il-ili.

Dagiti Salmo 2:2

Dagiti ar-ari ditoy daga pabilgenda dagiti bagida met laeng, ken dagiti turayen agpipinnatigmaanda, a maibusor ken Jehova ken maibusor met iti pinulotanna, a cuncunada,

Isaias 9:6

Ta nayanac ti maysa nga ubing cadatayo, maysa nga anac a lalaki ti naited cadatayo; ket ti panangituray maiparabawto iti abagana: ket ti naganna magaladanto iti Nacascasdaaw, Mamagbaga, Mannacabalin a Dios, Agnanayon nga Ama, Principe ti Cappia.

San Mateo 1:16

Ket ni Jacob pinutotna ni Jose, asawa ni Maria, a nacayanacan ni Jesus a managan ti Cristo.

San Mateo 1:21

Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Mateo 16:20

Idin imbilinna cadagiti adalanna nga awan ti pangibagaanda nga isu ti Cristo.

San Lucas 1:43

Ket adino ti naggapuan daytoy caniac a ti ina ti Apoc umay caniac?

San Lucas 1:69

Ket imbayogna ti maysa a sara ti pannangisalacan a maipaay cadatayo Iti balay ni David nga adipenna.

San Lucas 2:26

Ket impaltiing kencuana ti Espiritu Santo a dinanto makita ni patay agingga iti makitana ti Cristo ti Apo.

San Lucas 2:4

Ket ni Jose naggapu idiay Galilea iti ili a Nazaret, simmang-at met sadi Judea, idiay ili ni David, a managan Bet-lehem, gapu ta nagtaud iti balay ken caputotan ni David;

San Juan 1:41

Isu birukenna nga umuna ni cabsatna a Simon ket cunana kencuana: Nazaracanmi ti Mesias, (a no maipataros, Cristo).

San Juan 1:45

Ni Felipe sapulenna ni Natanael, ket cunana kencuana: Nasaracanmi daydi insurat ni Moises iti linteg, ken dagiti mammadto: Ni Jesus, a taga Nazaret nga anac ni Jose.

San Juan 11:27

Cunana kencuana: Wen, Apo; siac pinatic a sica ti Cristo, ti Anac ti Dios, nga umay ditoy lubong.

San Juan 20:31

Ngem dagitoy addada a naisurat, tapno patienyo a ni Jesus isu ti Cristo, ti Anac ti Dios; ken tapno gapu iti pammatiyo maaddaancayo ti biag iti naganna.

San Juan 4:25

Cuna kencuana ti babai: Ammoc a ti Mesias umay, isu a managan ti Cristo: Inton isu umay, ipalawagnanto cadatayo dagiti amin a banag.

San Juan 4:42

Ket kinunada iti babai: Ita mamaticami, saan a gapu iti saom; ta dacami met laeng nangngegmi, ket ammomi a pudno a daytoy ti Manangisalacan ti lubong.

San Juan 6:69

Ket dacami namaticami ket naammoanmi a sica ti Santo ti Dios.

San Juan 7:41

Dagiti sabsabali kinunada: Daytoy ti Cristo. Ngem kinuna dagiti dadduma: Ania! Idiay Galilea aya ti paggapuan ti Cristo?

Dagiti Aramid 10:36

Ti sao nga inturongna cadagiti annac ti Israel, ti panangicascasaba ti evangelio ti talna a maipoon ken Jesu-Cristo, (isu ti Apo dagiti isu-amin.)

Dagiti Aramid 13:23

Iti capuonan daytoy a tao, ti Dios cas ti carina, imbangonanna ti Israel ti maysa a Manangisalacan, nga isu ni Jesus;

Dagiti Aramid 17:3

Nga impalawagna ken imparangarangna a masapul nga agsagaba ni Cristo ket agungar cadagiti natay, ket daytoy Jesus, isu nga ipacaammoc cadacayo, kinunana, isu ti Cristo.

Dagiti Aramid 2:36

Ammoen ngarud nga awan duadua ti amin a balay ti Israel, a daytoy Jesus nga inlansayo iti cruz, inaramid ti Dios nga Apo ken Cristo.

Dagiti Aramid 5:31

Isu intan-oc ti Dios iti macanawanna a cas maysa a Principe ken Manangisalacan, tapno itdenna iti Israel ti panagbabawi ken ti panangiccat dagiti basbasol.

1 Taga-Corinto 15:47

Daydi immuna a tao nabukel iti daga, naidagaan; ngem daydi maicadua a tao nailangitan.

Taga-Filipos 2:11

Ken amin a dila ipudnoda a ni Jesu-Cristo, isu ti Apo, tapno paca idayawan ti Dios Ama.

Taga-Filipos 3:8

Nangnangrona pay, isu-amin dagiti banag ibilangco ida a pannacadadael, gapu iti napateg unay a pannacaammo ken Cristo Jesus, nga Apoc, a gapu kencuana pinucawco amin, ket ibilangco ida a rugit, tapno magun-odac ni Cristo,

Taga-Colosas 2:6

Idinto ngarud nga inawatyo ni Cristo Jesus nga Apo, agbiagcayo kencuana,

1 Juan 4:14

Ket dacami nakitami ket sacsianmi a ti Ama imbaonna ti Anac a Manangisalacan iti lubong.

1 Juan 5:1

Siasinoman a mamati a ni Jesus isu ti Cristo, nabukel iti Dios; ket siasinoman nga agayat iti nangbukel, ayatenna met ti nabukel kencuana.