San Lucas 2:10 - Ti Biblia (1973)

¹⁰ Ket di angel kinunana cadacuada: Dicay agbuteng, ta adtoy, yegancayo ti naimbag a damag ti dackel a ragsac, a maipaayto cadagiti amin a tattao:

Ti Baro a Naimbag a Damag Biblia

¹⁰ ngem kinuna ti anghel kadakuada, “Dikay agbuteng! Addaak ditoy a mangyeg kadakayo iti naimbag a damag a pakaragsakanyo, wen, dakayo ken dagiti amin a tattao.

San Lucas 2:10 Iomraidhean Croise

Genesis 12:3

Ket bendicionacto dagiti mamendicion kenca, ket ti mangilunod kenca ilunodconto: ket benditodanto kenca amin dagiti caputotan iti daga.

Isaias 40:9

O sica a mangibaga cadagiti naimbag a damdamag iti Sion, sumang-atca iti tapaw ti nangato a bantay; O sica a mangibaga cadagiti naimbag a damdamag iti Jerusalem, ipuccawmo ta timecmo a buyogen ti pigsa: ipigsam, dica abuteng; ibagam cadagiti il-ili ti Juda, Adtoy ti Diosyo!

Isaias 41:27

Siac ti umuna nga agsao iti Sion, Buyaenyo, buyaenyo ida; ipaayconto iti Jerusalem ti maysa a mangyeg cadagiti naimbag a damdamag.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 52:10

Ni Jehova linislisanna ti tackiagna a nasantoan cadagiti matmata dagiti amin a nasnacion; ken amin nga pungto ti daga nakitada ti panangisalacan ti Diostayo.

Isaias 52:7

Naglibnosen cadagidiay banbantay dagiti sacsaca ti mangyeg cadagiti naimbag a damdamag, a mangiwarnac iti talna, a mangyeg cadagiti naimbag a damdamag ti kinaimbag, a mangiwarragawag iti pannacaisalacan, a cunana iti Sion, Ti Diosmo agari!

Isaias 61:1

Ti Espiritu ni Apo Jehova adda caniac; ta ni Jehova pinulotannac a mangicasaba cadagiti naimbag a damdamag cadagiti naemma: imbaonnac a mamatapat iti puso a nadunor, a mangiwarragawag iti wayawaya cadagiti nacayawan, ken ti pannacaluc-at cadagiti nabalud;

Daniel 10:19

Ket kinunana, O tao a madongngo unay, dica abuteng: adda coma kenca ti talna, bumilegca, wen, bumilegca. Ket idi a nagsao caniac napapigsaac, ket kinunac, Agsao coma ti apoc; agsipud ta pinapigsanac.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Mateo 14:27

Ngem ni Jesus dagus a kinasaona ida a cuncunana: Agtalgedcayo; siac; dicay agbuteng.

San Mateo 28:18

Ket immasideg ni Jesus cadacuada, ket kinasaona ida, a cuncunana: Isu-amin a pannacabalin naited caniac idiay langit ken iti rabaw ti daga.

San Mateo 28:5

Ket simmungbat di angel ket kinunana cadagiti babbai: Dicay agbuteng: ta ammoc a sapsapulenyo ni Jesus, daydi nailansa iti cruz.

San Marcos 1:15

Ket cuncunana: Naturposen ti aldaw ket ti pagarian ti Dios asidegen: agbabawicayo ket patienyo ti evangelio.

San Marcos 16:15

Ket kinunana cadacuada: incay iti isu-amin a lubong, ket icasabayo ti evangelio iti isu-amin a parsua.

San Lucas 1:13

Ngem ti angel kinunana kencuana: Zacarias, dica agbuteng, ta naipangag ti cararagmo; ket ni asawam nga Elisabet ipasngayannacanto ti maysa nga anac a lalaki ket panaganamto ti Juan.

San Lucas 1:19

Ket simmungbat di angel a kinunana kencuana: Siac ni Gabriel nga agserservi iti sangoanan ti Dios; ket nabaonac a makisao ken mangyeg kenca itoy naimbag a damag.

San Lucas 1:30

Ket daydi angel kinunana kencuana: Maria, dica agbuteng, ta nacasaracca ti gracia ken Apo Dios.

San Lucas 2:11

Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

San Lucas 24:47

Ket maicascasaba ti naganna ti panagbabawi ken ti pannacasubbot dagiti basbasol cadagiti isu-amin a nacion, a mangrugi iti Jerusalem.

San Lucas 8:1

Ket naaramid iti calpasanna, nga isu magmagna cadagiti amin nga Il-ili ken purpuroc a mangascasaba ken ipacaammona ti naimbag a damag ti pagarian ti Dios; ket dagiti sangapulo ket dua cumuycuyogda kencuana,

Dagiti Aramid 13:32

Ket ipacaammomi cadacayo ti naimbag a damag daydi cari a naaramid cadagidi ammatayo,

Taga-Roma 10:15

Ket casano ti panangicascasabadanto, no saandanto a maibaon? cas adda a naisurat: Nagsayaat ketdin dagiti sacsaca dagiti mangyeg cadagiti naragsac a damdamag dagiti naimbag a banbanag!

Taga-Efeso 3:8

Caniac, a siac ti canomoan cadagiti isu-amin a sasanto, naited daytoy a parabur ti panangicascasabac cadagiti Gentil dagiti di matucod a kinabacnang ni Cristo;

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.