San Lucas 19:8 - Ti Biblia (1973)

⁸ Ket ni Zaqueo nagtacder, ket kinunana iti Apo: Adtoy, ti guddua dagiti cucuac Apo, itedco cadagiti napanglaw; ket no adda nangulbudac iti asinoman a tao, isublic ti maminpat pay nga caadu.

Ti Baro a Naimbag a Damag Biblia

⁸ Timmakder ni Zakeo ket kinunana iti Apo, “Denggem, Apo! Itedko kadagiti napanglaw ti kagudua ti sanikuak. No adda sinaurko, isublik kenkuana iti mamimpat a kaadu ti innalak.”

San Lucas 19:8 Iomraidhean Croise

2 Samuel 12:6

Ket isu isublinanto ti cordero iti maminpat, agsipud ta isu inaramidna daytoy a banag, ken agsipud ta awanan laeng idi iti caasi.

Dagiti Salmo 41:1

Bendito ti mangimatang iti napanglaw: ni Jehova ispalennanto intono aldaw ti dakes.

Exodo 20:16

Dica agsacsi iti ulbod a maibusor iti padam a tao.

Dagiti Proverbio 6:31

Ngem no masalamaan, isublinanto ti maminpito; itednanto amin a sanicta iti balayna.

Ezekiel 33:15

No ti nadangkes ipulangna ti salda, isublina daydiay innalana a tinacaw, magna cadagiti linlinteg ti biag, a saan nga agaramid iti kinadakes, isu agbiagto a di-bumurong, saanto a matay.

Numero 5:7

Ipudnonanto ngarud ti basolna nga inaramidna: ket aramidennanto ti panagipulang a naananay gapu iti basolna, ket inayonnanto pay ti apacalimana, ket itednanto ken nacabasolanna.

San Lucas 11:41

Nangrona pay, ti adda cadacayo ilimosyo; ket adtoy, dagiti amin a banag nadalusda cadacayo.

San Lucas 12:33

Ilacoyo dagiti cucuayo, ket mangtedcayo ti limos; agaramidcayo ti supsupotyo a di agdaan, maysa a gameng a saan nga mapucaw cadagiti langlangit, isu a di maasitgan ti mannanacaw ken di met dadaelen ti sanga.

San Lucas 16:9

Ket siac cunac cadacayo: Pakigayyemyo dagiti kinabacnang a saan a pudno, tapno inton maibusen awatendacayto cadagiti abong-abong nga agnanayon.

San Lucas 19:7

Ket idi nakitada daytoy, nagtanabutobda amin a cuncunada: Napan nakidagus iti maysa a tao a managbasol.

San Lucas 7:13

Ket idi nakita ti Apo nakipagricna ket kinunana kencuana: Dica agsangit.

San Lucas 7:19

Ket idi inayaban ni Juan dagiti dua cadagiti adadalanna, imbaonna ida iti Apo, tapno cunaenda: Sica daydi unay wenno urayenmi ti sabali?

1 Samuel 12:3

Adtoyac: manacsicayo iti maibusor caniac iti sango ni Jehova, ken iti sango ti pinulotanna: innalac aya ti vaca ti uray siasinoman? wenno innalac aya ti vaca ti uray siasinoman? Wenno siasino ti sinuiticco idi? siasino ti pinagrigatco idi? Wenno iti ima ti siasino ti nangalaac ti panocsoc isu a nangbulsecac cadagiti matac? ket isu isublicto cadacayo.