San Lucas 19:43 - Ti Biblia (1973)

⁴³ Ta umayto dagiti aldaw a dagiti cabusormo licmutendacanto cadagiti sarikedked ket lawlawendacanto ket pairutandacanto iti amin a disso.

Ti Baro a Naimbag a Damag Biblia

⁴³ Dumtengto dagiti aldaw a bangenandaka dagiti kabusormo. Lakuben ken darupendakanto iti amin a suli.

San Lucas 19:43 Iomraidhean Croise

Eclesiastes 9:14

Adda idi maysa a bassit nga ili, ken bassit a bilang dagiti tattao idiay unegna; ket immay ti dackel nga ari a maibusor kencuana, ket isu ti linacubna, ket nangbangon cadagiti dadackel a sarikedked a maibusor kencuana.

Isaias 37:33

Gapuna a castoy ti cuna ni Jehova a maipapan iti ari ti Asiria, Isu dinto umay itoy nga ili, ket dinto met mangibiat iti maysa a pana sadiay, ket dinto met umay iti sangona a sicacalasag, ket dinto met mangaramid iti pagsalingdan a maibusor kencuana.

Ezekiel 26:8

Isu papatayennanto iti campilan dagiti annacmo a babbai iti away; ket agaramidto cadagiti sarikedked a maibusor kenca, ket aggaburto iti gabsuon a maibusor kenca, ket itayagnanto ti sarapa a maicaniwas kenca.

Ezekiel 4:2

Ket isu lacubem, ket mangbangonca iti sarikedked a maicaniwas kencuana, ket mangbangonca iti turod a maibusor kencuana; mangicabilca met cadagiti pacarso a maibusor kencuana, ket mangipasdecca cadagiti makina a pagracrac kencuana iti aglicmut.

San Mateo 22:7

Iti casta daydi ari nacaunget, ket imbaonna dagiti buyotna ket pinucawna dagiti nangpapatay ket pinuuranda ti ciudadda.

San Lucas 19:42

A kinunana: Ay no naawatam coma laeng, sica met uray iti daytoy laeng nga aldaw, dagiti maipapan iti talnam! ngem ita nailingedda cadagiti matam.