San Lucas 18:22 - Ti Biblia (1973)

²² Ket ni Jesus, idi mangngegna daytoy, kinunana kencuana: Agcurangca pay ti maysa a banag: ilacom ti isu-amin a cucuam ket itedmo cadagiti napanglaw, ket addanto gamengmo sadi langit, ket umayca, surutennac.

Ti Baro a Naimbag a Damag Biblia

²² Idi mangngeg daytoy ni Jesus, kinunana, “Adda pay maysa a pagkurangam. Ilakom amin a sanikuam samo ited kadagiti napanglaw ti naglakoam ket addanto kinabaknangmo sadi langit. Kalpasanna, umayka sumurot kaniak.”

San Lucas 18:22 Iomraidhean Croise

Dagiti Salmo 27:4

Maysa a banag ti dinawatco ken Jehova, isu a birokecto; ti panagtaengco coma iti balay ni Jehova iti dagup dagiti al-aldaw ti biagco, tapno agbuybuyaac iti sayaat ni Jehova, ken imutectecac iti uneg ti templona.

San Mateo 19:21

Ni Jesus kinunana kencuana: No cayatmo nga naananayca, inca, ilacom ti amin nga adda kenca, ket itedmo cadagiti napanglaw ket maaddaancanto ti kinabacnang idiay langit: ket umayca, surutennac.

San Lucas 10:42

Ngem maysa a banag ti masapul. Ni Maria pinilina ti nasayaat a bagi, isu a dinto maiccat kencuana.

San Lucas 12:33

Ilacoyo dagiti cucuayo, ket mangtedcayo ti limos; agaramidcayo ti supsupotyo a di agdaan, maysa a gameng a saan nga mapucaw cadagiti langlangit, isu a di maasitgan ti mannanacaw ken di met dadaelen ti sanga.

San Lucas 16:9

Ket siac cunac cadacayo: Pakigayyemyo dagiti kinabacnang a saan a pudno, tapno inton maibusen awatendacayto cadagiti abong-abong nga agnanayon.

San Lucas 18:21

Ket kinunana: Amin dagitoy a banag tinungpalco nanipud idi kinaubingco.

San Lucas 18:23

Ngem, idi nangngegna dagitoy a banag, nagladingit a napalalo, ta nabacnang unay.

San Lucas 9:23

Ket cuncunana cadacuada amin: No asinoman a tao ti mayat nga sumurot caniac, paglicudanna ti bagina, ket alaenna ti cruzna iti inaldaw ket surutennac.

Taga-Filipos 3:13

Cacabsat, diac pagarupen a nagun-odacon; ngem maysa ti aramidec idinto a lipatac dagiti malicudan, camacamec dagiti masangoanan,

2 Pedro 3:8

Ngem dicay lipatan ay-ayaten, daytoy banag a maisup-supadi, a ti maymaysa nga aldaw iti Apo cas la sangaribo a tao-en, ket ti sangaribo a tao-en cas la maymaysa nga aldaw.