San Lucas 18:16 - Ti Biblia (1973)

¹⁶ Ngem ni Jesus inayabanna ida ket kinunana: Bayanyo dagiti ububbing nga umay caniac, ket dicay pawilan ida: ta isuda ti akincucua iti pagarian ti Dios.

Ti Baro a Naimbag a Damag Biblia

¹⁶ Ngem inayaban ni Jesus dagiti ubbing, ket kinunana, “Palubosanyo dagiti ubbing nga umay kaniak. Diyo paritan ida, ta dagiti kas kadakuada ti agtagikua iti Pagarian ti Dios.

San Lucas 18:16 Iomraidhean Croise

Genesis 21:4

Ket ni Abraham kinugitna ni anacna nga Isaac idi adda walo nga alaldawnan, cas imbilin ti Dios kencuana.

2 Cronicas 20:13

Ket amin a Juda nagtacder iti sangoanan ni Jehova, agraman cadagiti babassitda, dagiti assawada, ken dagiti annacda.

Jeremias 32:39

Ket itedconto cadacuada ti maysa a puso ken maysa a dalan, tapno agbutengdanto coma caniac iti agnanayon, a maipaay iti pagimbaganda, ken dagiti annacda iti calpasanda:

San Mateo 19:14

Ngem ni Jesus, kinunana: Bay-anyo dagiti ubbing a babassit nga umay caniac, ket dicay pawilan ida, ta dagiti cacastoy cucuada ti pagarian ti langit.

San Lucas 18:15

Ket inyegda met kencuana dagiti ubbing a babassit, tapno ipatayna ti imana cadacuada; ngem idi makita dagidi adalanna, inungtanda ida.

San Lucas 18:17

Pudno a cunac cadacayo, nga uray siasino a saan nga umawatto ti pagarian ti Dios a cas maysa nga ubing, saanto a sumrec kencuana.

Dagiti Aramid 2:39

Ta ti cari maipaay cadacayo ken cadagiti annacyo, ken cadagiti isu-amin nga adda iti adayu; isu-amin nga ayabanto ti Apo a Diostayo.

1 Taga-Corinto 14:20

Cacabsat, saancay nga agub-ubingan iti isip; ngem iti kinadakes cas cay la coma ubbing, ngem iti panagisisip cacas cay coma tao a nataenganen.

1 Taga-Corinto 7:14

Ta ti lalaki a di mamati mapagsanto ken asawana, ket ti babai a di mamati mapagsanto ken asawana; ta no saan a casta, dagiti annacyo saanda coma a nadalus: ngem ita nasantoanda.

Deuteronomio 29:11

Dagiti annacyo a babassit, dagiti assawayo, ken ti gangannaetmo nga adda iti tengnga dagiti pacpacarsom, manipud agpucpucan iti cayom agpapan agsacdu iti danummo;

Deuteronomio 31:12

Ummongemto dagiti tattao dagiti lallaki ken babbai, ken dagiti ubbing, ken ti gangannaet nga adda iti uneg dagiti ruruanganmo, tapno mangngeganda, ken masursuroda, ken agbutengda ken Jehova a Diosyo, ket tungpalenda nga aramiden amin dagiti sasao daytoy a linteg;

1 Pedro 2:2

A cas ubbing a caiyanac, tarigagayanyo ti awan lalaocna a gatas a naespirituan tapno dumackelcayo gapu kencuana a maipaay iti pannacaisalacan;