San Lucas 18:13 - Ti Biblia (1973)

¹³ Ngem di agsingsingir ti buis idinto nga adda iti adayu, dina maitangad man la coma dagiti matana sadi langit, no di ket dandanugenna ti barucongna, a cuncunana: Dios, mangngaasica caniac, a managbasol.

Ti Baro a Naimbag a Damag Biblia

¹³ “Ngem nagtakder iti adayo ti agsingsingir iti buis ket dina pay itangad dagiti matana sadi langit. Dinandanogna ketdi ti barukongna ket kinunkunana, ‘O Dios, kaasiannak kadi a managbasol!’”

San Lucas 18:13 Iomraidhean Croise

2 Samuel 12:13

Ket ni David kinunana ken Natan, Nagbasolac a maicaniwas ken Jehova. Ket ni Natan kinunana ken David, Casta met ni Jehova iniccatna ti basolmo; dicanto matay.

2 Cronicas 33:19

Ti cararagna met, ken no casano ti panangimdeng ti Dios kencuana, ken amin a basolna ken salungasingna, ken dagiti disso a nangbangonanna cadagiti nangato a disso, ken dagiti Ashera a pinatacderna ken dagiti ladladawan a kinitikitan, idi isu saan pay a nagpacumbaba, adtoy, naisuratda iti historia ni Hozai.

2 Cronicas 33:23

Ket saan a nagpacumbaba iti sango ni Jehova a cas iti panagpacumbaba ni Manases nga amana, no di ket daytoy met laeng nga Amon nagsalungasing ket umadadda nga umadadda.

ESDRAS 9:6

Ket kinunac, O Diosco, mabainac ket mabibinegac a mangitangad iti rupac kenca, Diosco, ta dagiti kinadangkesmi immaduda iti rabaw dagiti ol-olomi, ket ti babacmi dimmackelda agingga cadagiti langlangit.

Ti Libro ni Job 42:6

Gapuna a guraec ti bagic, ket agbabawiac iti tapoc ken dapdapo.

Dagiti Salmo 106:6

Nakipagbasolcami cadagiti ammami, nagapuananmi ti kinadangkes, nagaramidcami a sidadakes.

Dagiti Salmo 119:41

Umay coma met caniac ta kinamanagayatmo, O Jehova. Dayta pay panangisalacanmo, cas mayannurot iti saom.

Dagiti Salmo 130:7

O Israel, manginanamaca ken Jehova; ta ken Jehova adda kinamanagayat, ket adda kencuana nabuslon a pannubbot.

Dagiti Salmo 25:11

Gapu iti caicarian ti naganmo, O Jehova, pacawanem ti kinadakesco, ta dackel.

Dagiti Salmo 25:7

Dica lagipen dagiti basbasol ti kinaagtutuboc, ken kinalabsingco: cas mayannurot iti kinamanagayatmo sica lagipennac coma, gapu iti kinaimbagmo, O Jehova.

Dagiti Salmo 40:12

Ta dagiti di mabilang a kinadakes linicmutdac; dagiti kinakilloc inaddagandac, iti uray la a diac macatungangaw; adaduda ngem dagiti booc ti uloc; ket ti pusoc nagpucaw caniac.

Dagiti Salmo 41:4

Kinunac, O Jehova, caasiannac: papiaem ti cararwac; ta nagbasolac kenca.

Exodo 33:10

Ket amin dagiti tattao nakitada ti monmon nga ulep a siaadda iti ruangan ti Tolda: ket amin dagiti tattao timmacderda ket nagdaydayawda, tumunggal maysa a tao iti ruangan ti toldana.

Isaias 1:18

Umaycayo ita, ket agsusurottayo coma, cuna ni Jehova: uray no dagiti basbasolyo casda la coma iti escarlata, mapapudawdanto a cas la nieve; nupay no nalabbasitda a cas la carmesi, agbalindanto a cas la napudaw a de lana.

Isaias 6:5

Idin kinunac, Asiac pay! ta madadaelac; agsipud ta taoac a narugit dagiti bibigna ket makipagtaengac cadagiti tattao a narugit dagiti bibigda: ta dagiti matac nakitada ti Ari, a ni Jehova dagiti buybuyot.

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Ezekiel 16:63

Tapno malagipmo, ket mariroca, ket nicaanoman dicanto agtimeken, a gapu iti bainmo; intono pacawanec kenca dagiti amin nga inaramidmo, cuna ni Apo Jehova.

Daniel 9:5

Nacabasolcami, ken nagaramidcami a siuulpit, ken nagaramidcami a sidadangkes, ken simmukircami a simmiasicami met laeng cadagiti bilinmo ken pagalagadam;

San Mateo 10:3

Ni Felipe, ken ni Bartolome; ni Tomas ken ni Mateo nga agsingsingir ti buis; ni Santiago, nga anac ni Alfeo, ken ni Tadeo;

San Mateo 6:5

Ket intono agcararagcayo, saancay a cas cadagiti managinsisingpet; ta isuda ayatenda ti agcararag cadagiti sinagoga, ken cadagiti lanlansangan dagiti daldalan a sitatacder, tapno makita ida dagiti tattao. Pudno cunac cadacayo: Inawatda ti gungunadan.

San Mateo 9:13

Ngem incayo, ngarud, ket adalenyo no ania ti cayatna a saoen daytoy Asi ti calicagumac ket saan a daton; ta saanac nga immay nga agayab cadagiti nalinteg, no di ket cadagiti managbasol.

San Marcos 11:25

Ket intono addacayo nga agcararag ket addaancayo iti aniaman a maicaniwas iti asinoman, pacawanenyo: tapno ni Amayo nga adda sadi langit pacawanennanto met dagiti salungasingyo.

San Lucas 17:12

Ket idi simrec iti maysa a puroc, simmabet kencuana dagiti sangapulo a tao nga agcucutel, a nagsardengda iti adayu:

San Lucas 22:41

Ket isu immadayu cadacuada iti cas las magaw-at a batoen; ket nagparintumeng ket nagcararag,

San Lucas 23:48

Ket amin dagiti adu a tao a naguurnong iti daytoy a buyaen, idi nakitada daydi a naaramid, nagawidda a dandanugenda dagiti barucongda.

San Lucas 5:8

Ket idi makita daytoy ni Simon Pedro, nagparintumeng iti sangoanan ni Jesus, a kinunana: Adaywannac Apo, ta taoac a managbasol.

Dagiti Aramid 2:37

Ket idi mangngegda daytoy, napaladingitan ti pusoda, ket kinunada cada Pedro ken cadagidi dadduma nga apostol: Lallaki a cacabsat, ania ti aramidenmi?

Taga-Roma 5:8

Ngem ti Dios ipatalgedna ti ayatna cadatayo, agsipud ta idinto a managbasoltayo pay laeng, ni Cristo natay gapu cadatayo.

2 Taga-Corinto 7:11

Adtoy ngarud, daytoy met laeng a panagladingityo a mayanurot iti Dios, ania ket nga annaden ti pinataudna cadacayo, ania ket a panangipalawagyon iti casasaadyo met laeng, ania ket a pungtoten, ania ket a butengen, ania ket nga essemen, ania ket a regtan, ania ket a kinalinteg ti pammalesen! Iti isu-amin nagparangcayo a nadalus itoy a panggep.

1 Timoteo 1:15

Papatien daytoy a sao, ket maiparbeng nga awaten dagiti isu-amin, a ni Cristo Jesus immay ditoy lubong tapno isalacanna dagiti managbasol; ket siac ti cangronaan cadacuada:

Hebreo 4:16

Umadanitay ngarud a sitatalged iti trono ti parabur awatentayo ti asi ken macasaractayo ti parabur; a tumulong cadatayo iti aldaw ti pannacasapul.

Hebreo 8:12

Ta siac mangngaasiacto cadagiti kinadakesda. Ken diacto lagipenen dagiti basbasolda.