San Lucas 18:12 - Ti Biblia (1973)

¹² Agayunarac ti mamindua iti maysa a lawas; itedco ti pagcapul-lo ti amin a cupcupicupac.

Ti Baro a Naimbag a Damag Biblia

¹² Maminduaak nga agayunar tunggal lawas, ket itedko ti apagkapullo ti amin a masapulak.’

San Lucas 18:12 Iomraidhean Croise

2 Ar-ari 10:16

Ket kinunana, Cumuyogca caniac, ket kitaem ti regtac a maipaay ken ni Jehova. Iti casta isu ti pinaulida idi luganna.

Isaias 1:15

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Malakias 3:8

Ti tao tacawannanto aya ti Dios? nupay casta dacayo tacawandac. Ngem dacayo cunayo, Iti ania ti nangtacawanmi kenca? Cadagiti apagcapullo ken datdaton.

Numero 18:24

Ta ti apagcapullo dagiti annac ti Israel, nga irucbabda, a daton a maitayag ken Jehova, intedcon a maysa a tawid cadagiti Levitas: isu ti gapuna nga insaoc cadacuada, Cadagiti annac ti Israel awanto ti tawidda.

Numero 23:4

Ket ti Dios sinaracna ni Balaam: ket daytoy kinunana kencuana, Sinaganac dagiti pito nga altar ket inrucbabco ti maysa a vaca ken maysa a cordero a lalaki iti tunggal altar.

San Mateo 5:20

Ta siac cunac cadacayo a no ti kinalintegyo saanto a dacdackel ngem ti kinalinteg dagiti escriba ken Fariseo, ni caanoman dicayto sumrec iti pagarian ti langit.

San Mateo 6:1

Agannadcayo ta saancayo nga agaramid iti kinalintegyo iti sangoanan dagiti tao, tapno pagpasindayawyo: ta no saan, awan ti gungunayo ken Amayo nga adda sadi langit.

San Mateo 6:16

Ket intono agayunarcayo, saancay a cas la cadagiti managinsisingpet a naliday ta baliwanda ti rupada, tapno agparangda a nagayunar cadagiti tattao. Pudno cunac cadacayo: Inawatda ti gungunada.

San Mateo 6:5

Ket intono agcararagcayo, saancay a cas cadagiti managinsisingpet; ta isuda ayatenda ti agcararag cadagiti sinagoga, ken cadagiti lanlansangan dagiti daldalan a sitatacder, tapno makita ida dagiti tattao. Pudno cunac cadacayo: Inawatda ti gungunadan.

San Mateo 9:14

Idin immasideg kencuana dagidi adalan ni Juan a cuncunada: Apayapay a dacami ken dagiti Fariseo agayunarcami a masansan, ket dagiti adalam dida agayunar?

San Lucas 11:42

Ngem, asicay pay Fariseo! ta agbayadcayo ti pagcapul-lo ti yerbabuena, ti ruda ken ti amin a nateng; ket liclicanyo ti kinalinteg ken ti ayat ti Dios. Ngem dagitoy a banag rebbengyo coma nga inaramid a dicay met binaybay-an dagidiay.

San Lucas 17:10

Castacay met, inton naaramidyo ti isu-amin a naibilin cadacayo, cunayo: Adadipencami, nga awan capapayan; ta inaramidmi laeng ti rebbengmi nga aramiden.

Taga-Roma 3:27

Adino ngarud ti yan ti panagpasindayaw? Naiccaten. Gapu iti ania a linteg? ti linteg dagiti aramid? saan, no di ket gapu iti linteg ti pammati.

1 Taga-Corinto 1:29

Tapno awan ti agpasindayag a lasag iti imatang ti Dios.

Taga-Galacia 1:14

Ket nangnangronaac idi iti pammati dagiti Judio ngem cadagiti adu cadagiti casadarco, idiay ilic, ket naregtaac pay unay cadagiti ugugali ti pammati dagidi ammac.

Taga-Efeso 2:9

Saan nga aggapu cadagiti ar-aramid, tapno awan ti siasinoman nga agpasindayaw.

1 Timoteo 4:8

Ta ti panangwatwat iti bagi bassit ti magonggona; ngem ti kinasanto mangted ti gonggona iti isu-amin, ta adda cari iti biag nga agdama, ken iti mapasungad.

1 Samuel 15:13

Ket ni Samuel immay ken Saul; ket ni Saul kinunana kencuana, Benditoca coma ken Jehova: tinungpalco ti bilin ni Jehova.