San Lucas 18:11 - Ti Biblia (1973)

¹¹ Ket ti Fariseo, nagtacder, ket nagcararag iti pakinakemna a castoy; Dios, agyamanac kenca, ta saanac a cas cadagiti sabali a tao, a mannanacawda, nakil-loda, mannakicamalalada, ket saanac a cas itoy agsingsingir ti buis.

Ti Baro a Naimbag a Damag Biblia

¹¹ “Nagtakder ti Fariseo iti napakni a lugar ket inkararagna a siuulimek: ‘Agyamanak kenka, O Dios, ta saanak a kas kadagiti dadduma a naagum, naulbod wenno makikamkamalala. Agyamanak met ta saanak a kas iti daytoy nga agsingsingir iti buis.

San Lucas 18:11 Iomraidhean Croise

Dagiti Salmo 134:1

Matmatanyo, benditoenyo ni Jehova, dacayo amin nga ad-adipen ni Jehova, nga iti rabii agtaengcayo iti balay ni Jehova.

Dagiti Salmo 135:2

Dacayo nga agyan iti balay ni Jehova, cadagiti paraangan ti balay ti Diostayo.

Dagiti Proverbio 20:6

Cadagiti caaduan a tattao tunggal maysa iwarnacna ti kinamanagayatna met laeng; ngem iti mapagtalcan a tao siasino ti macasarac?

Dagiti Proverbio 30:12

Adda caputotan a nadalusda cadagiti matada met laeng, ket nupay casta dida mabuggoan iti kinarugitda.

Isaias 1:15

Ket intono itayagyo dagiti im-imayo, ilingedconto dagiti matac cadacayo; wen, intono agaramidcayo cadagiti adu a lualo, diacto ipangag: dagiti im-imayo napnoda iti dara.

Isaias 58:2

Nupay casta isuda birukendac iti inaldaw, ken agrag-oda nga umammo cadagiti dalanco: cas maysa a nacion a nagaramid iti kinalinteg, ket dina indian ti impaannurot ti Diosda, agdawatda caniac iti nalinteg a panangocom; agrag-oda nga umadani iti Dios.

Isaias 65:5

A cunada, Agtukengca, dica duminna caniac, ta siac nasansantoac ngem sica. Dagitoy isuda ti maysa nga asuc iti agongco, maysa nga apuy a sumged iti agmalmalem.

Jeremias 2:28

Ket sadino ti yanda dagiti didiosemo a binangonmo a maipaay kenca? Bumangonda coma, ta bareng maisalacandaca iti pacatutuocam: ta no casano ti bilang dagiti il-ilim, O Juda, castamet ti bilang dagiti didiosmo.

Jeremias 2:35

Ngem kinunam, Siac awan basolco; awan duadua a ti pungtotna nayadayu caniac. Adtoy, iserrecanto iti pangocoman agsipud, ta cunam, Saanac a nagbasol.

Ezekiel 33:31

Ket umayda kenca, a cas ti yaay ti umili, ket agtugawda iti sangoanam a cas ti ilic, ket denggenda dagiti saom, ngem saanda ida a tungpalen; ta cadagiti ngiwatda iparangda ti adu nga ayat, ngem ti pusoda mapan a sumurot iti gongunada.

Mikias 3:11

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

San Mateo 10:3

Ni Felipe, ken ni Bartolome; ni Tomas ken ni Mateo nga agsingsingir ti buis; ni Santiago, nga anac ni Alfeo, ken ni Tadeo;

San Mateo 5:20

Ta siac cunac cadacayo a no ti kinalintegyo saanto a dacdackel ngem ti kinalinteg dagiti escriba ken Fariseo, ni caanoman dicayto sumrec iti pagarian ti langit.

San Mateo 6:5

Ket intono agcararagcayo, saancay a cas cadagiti managinsisingpet; ta isuda ayatenda ti agcararag cadagiti sinagoga, ken cadagiti lanlansangan dagiti daldalan a sitatacder, tapno makita ida dagiti tattao. Pudno cunac cadacayo: Inawatda ti gungunadan.

San Marcos 11:25

Ket intono addacayo nga agcararag ket addaancayo iti aniaman a maicaniwas iti asinoman, pacawanenyo: tapno ni Amayo nga adda sadi langit pacawanennanto met dagiti salungasingyo.

San Lucas 20:47

Isuda a mangalun-on cadagiti balbalay dagiti babbai a balo, ket pagpambarda dagiti atiddag a lualo; dagitoy awatendanto ti dacdackel a pannacadusa.

San Lucas 22:41

Ket isu immadayu cadacuada iti cas las magaw-at a batoen; ket nagparintumeng ket nagcararag,

Taga-Galacia 3:10

Ta dagup dagiti isu-amin a sumurot cadagiti ar-aramid ti linteg, addada babaen ti pannacailunod; ta adda a naisurat: Mailunod ti isu-amin a di agtalinaed iti amin nga adda a naisurat iti Libro ti Linteg, tapno aramidenna.

Taga-Filipos 3:6

Ket no maipapan iti regta, nangidadanes iti Iglesia, ket no maipapan iti kinalinteg nga adda iti linteg, awan pacapilawac.

Paltiing 3:17

Agsipud ta cunam: Siac nabacnangac ket nagunodacon ti kinabacnang, ket awan ti pacasapulac iti aniaman; ket dica ammo a sica ti dacsan-gasat ken marigrigat, ken napanglaw, ken bulsec ken lamolamo: