San Lucas 17:6 - Ti Biblia (1973)

⁶ Ket ti Apo kinunana: No adda coma pammatiyo a cas iti bukel ti mostaza cunaenyo coma itoy sicomoro: Maparutca ket maimulaca iti baybay: ket pagtulnogannacayonto.

Ti Baro a Naimbag a Damag Biblia

⁶ “No adda pammatiyo a kas iti kadakkel ti bukel ti mostasa,” insungbat ti Apo, “mabalinyo a kuna iti daytoy a kayo ti sikamoro, ‘Bag-utem ti bagim ket imulam iti taaw,’ ket agtulnog kadakayo.”

San Lucas 17:6 Iomraidhean Croise

San Mateo 14:29

Ket kinunana: Umayca. Ket dimsaag ni Pedro idi barangay, ket nagna iti rabaw dagiti danum a mapan ken Jesus.

San Mateo 17:20

Ket ni Jesus cunana cadacuada: Gapu iti bassit a pammatiyo: ta pudno conac cadacayo, a no adda coma pammatiyo a cas iti bukel ti mostaza, cunaenyonto itoy bantay: Umalisca manipud ditoy agingga idiay a disso; ket umalisto; ket awanto ti di mabalin cadacayo.

San Mateo 21:21

Ket ni Jesus simmungbat, ket kinunana cadacuada: Pudno cunac cadacayo a no addanto pammatiyo, ket dicayto agduadua, saan la nga aramidenyonto ti castoy iti cayo ti higos, no di uray pay itoy bantay no cunaenyonto: Pumanawca ket agtappuacca iti taaw; maaramidto.

San Marcos 4:31

Isu cas la maysa a bukel ti mostaza, a no maimula iti daga, uray isu ti cababassitan cadagiti amin a bukel nga adda ditoy daga.

San Marcos 9:23

Ni Jesus kinunana kencuana: No adda bassit pannacabalinmo! amin a banag mabalin cadagiti mammati.

San Lucas 13:19

Mayarig iti bukel ti mostaza, nga innala ti maysa a tao ket inpuruacna iti minuyunganna; ket dimmackel ket nagbalin a cayo, ket dagiti tumatayab iti tangatang immaponda cadagiti sangsangana.

San Lucas 17:7

Ket asino cadacayo ti adda maysa nga adipenna nga agarado wenno agpaarab, nga inton agsubli manipud iti talon ket cunaennanto kencuana: Sumrecca a dagus, ket sumangoca iti panganan:

San Lucas 19:4

Ket timmaray iti masangoananna, ket immuli iti maysa a cayo a sicomoro, tapno isu kitaenna; ta lumabas sadiay.

San Lucas 7:13

Ket idi nakita ti Apo nakipagricna ket kinunana kencuana: Dica agsangit.

San Lucas 7:19

Ket idi inayaban ni Juan dagiti dua cadagiti adadalanna, imbaonna ida iti Apo, tapno cunaenda: Sica daydi unay wenno urayenmi ti sabali?

1 Taga-Corinto 13:2

Ket no cupicupac coma ti talunggading ti pammadto, ket ammoc coma dagiti isu-amin a palimed, ken ti amin a sirib; ket no cupicupac coma ti isu-amin a pammati, a mabalinco coma a garawen dagiti banbantay, ngem awan ti ayatco, awan met pategco.