San Lucas 17:3 - Ti Biblia (1973)

³ Kitaenyo dagiti bagbagiyo. No macabasol ni cabsatmo, babalawen; ket no agbabawi, pacawanem.

Ti Baro a Naimbag a Damag Biblia

³ Agannadkayo ngarud iti aramidyo! “Babalawem ti kabsatmo no makabasol. Pakawanem no agbabawi.

San Lucas 17:3 Iomraidhean Croise

Dagiti Salmo 141:5

Ti sililinteg danarennac coma laeng isunto ti maysa a panagayat; ala babalawennac laeng, isunto ti cas sapsapo itoy uloc; ti uloc dina coma pagkedkedan: ta uray pay cadagiti kinadangkesda ti cararagco agcancanayonto laeng.

Exodo 34:12

Agannadca, di la ket ta aramidem ti maysa a tulag cadagiti agnaed iti daga nga papanam, di la ket ta maysanto a pagsilo iti tengngam:

Dagiti Proverbio 17:10

Ti panangtubngar sumrec a naununeg iti maysa nga addaan pannacaawat ngem ti sangagasut a baot iti maysa a maag.

Dagiti Proverbio 27:5

Nasaysayaat ti nabatad a panangtubngar ngem ti ayat a mailemlemmeng.

Dagiti Proverbio 9:8

Dica tubngaren ti managababi, di la ket ta caguranaca: tubngarem ti masirib a tao, ket ayatennacanto.

Levitico 19:17

Dicanto guraen iti napusoan ni cabsatmo: tubngaremto iti napaypayso ti padam a tao ket dicanto mapabasol gapu kencuana.

San Mateo 18:21

Idin ni Pedro immasideg ket kinunana kencuana: Apo, Maminanonto a pacawanec ni cabsatco no macabasol caniac? Agingga ti maminpito?

San Lucas 21:34

Ket agaluadcayo, di la ket ta dagiti puspusoyo mapnoda ti kinarawet ken panagbartec, ken cadagiti tarigagay itoy a biag ket iti casta umayto a kel-laat cadacayo dayta nga aldaw:

Taga-Efeso 5:15

Kitaenyo ngarud a siannad no casano ti pannagnayo, saan a cas la nacuneng, no di ket cas la masirib;

Deuteronomio 4:15

Aluadanyo ngarud a naimbag dagiti bagbagiyo: tangay awan nakitayo a langa iti daydi nga aldaw a pannakisao cadacayo ni Jehova idiay Horeb nanipud idi tengnga ti apuy;

Deuteronomio 4:23

Aluadanyo dagiti bagbagiyo, di la ket malipatanyo ti tulag ni Jehova a Diosyo nga inaramidna cadacayo, ket mangaramidcayo iti maysa a ladawan a kinitikitan a langa ti uray ania a ni Jehova a Diosmo imparitna kenca.

Deuteronomio 4:9

Isuna laeng nga annadam ti bagim, ket aluadam a sireregta ta cararuam, di la ket ta malipatam dagitoy a banbanag a nakita dagiti matam, ken di la ket ta pumanawda ita pusom cadagiti amin nga al-aldaw ti panagbiagmo; ngem ipaammom ida cadagiti annacmo ken cadagiti annac ti annacmo;

Hebreo 12:15

A kitaenyo a siaannad di la ket ta adda siasinoman a tao a mayadayu iti parabur ti Dios; di la ket ta ti aniaman a ramut ti pait tumubtubo ket pagsicorennacayo, ken gapu kencuana adu ti matulawan;

Santiago 5:19

Cacabsatco, no adda cadacayo maisiasinto iti kinapudno, ket isu pagbabawiento ti maysa.

2 Juan 1:8

Igagayo dagiti bagbagiyo, tapno dicay coma mapucaw dagiti banbanag nga inaramidtayo, no di ket awatenyo coma ti maysa a gonggona a naananay.