San Lucas 17:16 - Ti Biblia (1973)

¹⁶ Ket inrocnoyna ti rupana cadagiti sacsaca ni Jesus, a nagyaman kencuana: ket daytoy taga Samaria.

Ti Baro a Naimbag a Damag Biblia

¹⁶ Nagparintumeng iti sangoanan ni Jesus ket nagyaman kenkuana. Samaritano daytoy a lalaki.

San Lucas 17:16 Iomraidhean Croise

Genesis 17:3

Ket ni Abram nagpacleb: ket ti Dios nagsao kencuana, a cunana,

San Mateo 10:5

Dagitoy sangapulo ket dua imbaon ni Jesus idi nalpasna a binilbilin ida a cuncunana: Dicay mapan iti dalan dagiti Gentil ket dicay sumrec iti ili dagiti taga Samaria;

San Mateo 2:11

Ket idi simrecda iti balay, nasaracanda ti ubing ken ni Maria nga inana; ket nagrucbabda, nagdaydayawda kencuana; ket linucatanda dagiti gupgupitda, indatonda kencuana dagiti sagsagutda a balitoc ken incienso ken mirra.

San Marcos 5:33

Daydi babai ngarud, sibubuteng ken agpigpigerger a siaammo iti naaramid kencuana, immay, ket nagparintumeng iti sangoananna, ket impudnona kencuana ti amin a naaramid.

San Lucas 17:17

Ket simmungbat ni Jesus ket kinunana: Saanda a sangapulo aya dagiti nadalusan? Ket dagiti siam adino ti yanda?

San Lucas 5:8

Ket idi makita daytoy ni Simon Pedro, nagparintumeng iti sangoanan ni Jesus, a kinunana: Adaywannac Apo, ta taoac a managbasol.

San Juan 4:9

Daydi babai a taga Samaria, cunana ngarud kencuana: Casano a sica, idinto a Judioca, dumawatca caniac ti inumen, idinto a babaiac a taga Samaria? Ta awan ti panangicancano dagiti Judio cadagiti taga Samaria.

San Juan 5:23

Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

San Juan 8:48

Simmungbat dagiti Judio ket kinunada kencuana: Saan aya a naimbag ti panagcunami a taga Samariaca ket adda sairom?

Dagiti Aramid 1:8

Ngem umawatcayto ti pannacabalin, inton umay cadacayo ti Espiritu Santo; ket dacayto ti sacsic sadi Jerusalem, ken iti isu-amin a Judea, ken Samaria, ken agingga iti ungto ti daga.

1 Taga-Corinto 14:25

Ket dagiti palpalimed ti pusona maiparangarangda ket iti casta, agrucbabto ket daydayawennanto ti Dios, nga ipalawagna, a ti Dios pudno nga adda iti nagtengngaanyo.

Paltiing 19:10

Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.

Paltiing 4:10

Dagidi duapulo ket uppat a lallacay agparintumengda iti sangoanan daydi adda nga agtutugaw iti trono, ket agrucbabda iti daydiay agbiag iti agnanayon, ket ipurruacda dagiti balbalangatda iti sangoanan di trono, a cuncunada:

Paltiing 5:14

Ket dagidi uppat a parsua a sibibiag cuncunada idi, Amen. Ket dagidi lallacay nagrucbabda ket nagdaydayawda.