San Lucas 16:9 - Ti Biblia (1973)

⁹ Ket siac cunac cadacayo: Pakigayyemyo dagiti kinabacnang a saan a pudno, tapno inton maibusen awatendacayto cadagiti abong-abong nga agnanayon.

Ti Baro a Naimbag a Damag Biblia

⁹ Kinuna pay ni Jesus, “Ibagak ngarud kadakayo, pakigayyemyo dagiti naindagaan a sanikuayo tapno inton maibusankayo, maawatkayto iti agnanayon a pagtaengan.

San Lucas 16:9 Iomraidhean Croise

Dagiti Salmo 73:26

Ti lasagco ken ti pusoc marsaac-da; ngem ti Dios isu ti kired toy pusoc ken biangco nga agnanayon.

Dagiti Proverbio 14:24

Ti balangat dagiti masirib isu dagiti kinabacnangda; ngem ti kinamaag dagiti maag kinamaag laeng.

Dagiti Proverbio 19:17

Ti addaan caasi cadagiti napanglaw pabuludanna ni Jehova; ket ti naimbag nga aramidna bayadannanto nga isubli kencuana.

Dagiti Proverbio 23:5

Itaengmonto aya dagiti matam iti daydiay awan? Ta dagiti kinabacnang pudno nga agcayabcabda, cas iti aguila a tumayab nga agpalangit.

Eclesiastes 11:1

Ipalladawmo ta tinapaymo iti rabaw dagiti dandanum; ta isu masaracamto iti calpasan dagiti adu nga al-aldaw.

Isaias 57:16

Ta diacto makisusic iti agnanayon, diacto met agpungtot iti agnanayon; ta ti espiritu mapacsuyan coma iti sangoanac, ken dagiti carcararua nga inaramidco.

Daniel 4:27

Gapuna, O ari, nga anamungam coma toy balacadco, ket isinam dagiti basolmo babaen ti kinalinteg, ken dagiti babacmo iti panangiparangmo iti asi cadagiti napanglaw: bareng no mapaatiddug ti kinatalnam.

San Mateo 19:21

Ni Jesus kinunana kencuana: No cayatmo nga naananayca, inca, ilacom ti amin nga adda kenca, ket itedmo cadagiti napanglaw ket maaddaancanto ti kinabacnang idiay langit: ket umayca, surutennac.

San Mateo 6:19

Saancayo nga agurnong cadagiti gupgupit nga agpaay cadacayo ditoy daga, isu a ti sanga ken ti lati dadaelenda ida, ken isu a dagiti mannanacaw calienda ket tacawenda;

San Mateo 6:24

Awan ti tao a macabalin nga agservi iti dua nga appo; ta guraennanto ti maysa ket ayatennanto ti sabali, wenno sumurotto iti maysa ket umsienna ti sabali: dicay mabalin ti agservi iti Dios ken iti kinabacnang.

San Lucas 11:41

Nangrona pay, ti adda cadacayo ilimosyo; ket adtoy, dagiti amin a banag nadalusda cadacayo.

San Lucas 12:33

Ilacoyo dagiti cucuayo, ket mangtedcayo ti limos; agaramidcayo ti supsupotyo a di agdaan, maysa a gameng a saan nga mapucaw cadagiti langlangit, isu a di maasitgan ti mannanacaw ken di met dadaelen ti sanga.

San Lucas 14:14

Ket nagasatcanto: ta awan ti maisupapacda kenca; ta magonggonaancanto inton panagungar dagiti nalinteg.

San Lucas 16:11

No ngarud no cadagiti kinabacnang a saan a pudno dicayo napagtalcan, asinonto ti mangitalec cadacayo cadagiti napudno?

San Lucas 16:13

Awan ti adipen a macabalin nga agservi iti dua nga apo: ta wenno guraennanto ti maysa ket ayatennanto ti sabali, wenno makidecketto iti maysa ket laisennanto ti sabali. Dicay mabalin ti agservi iti Dios ken cadagiti kinabacnang.

San Lucas 16:4

Ammoc ti aramidecto, tapno inton maiccatac iti kinamayordomo, awatendacto cadagiti balbalayda.

Dagiti Aramid 10:31

Ket kinunana: Cornelio, naipangag ti cararagmo, ket ti Dios nalagipna dagiti limlimosmo.

Dagiti Aramid 10:4

Ket isu minatmatanna ket sibubuteng a nagcuna: Ania, Apo? Ket kinunana kencuana: Dagiti cararagmo ken dagiti limosmo nagpangatoda a nangipalagip iti sangoanan ti Dios.

2 Taga-Corinto 4:17

Ta ti nalag-an a sagabami, nga apagcanito laeng, agaramid cadacami ti saan a marucud a cangato ken agnanayon a cadackel ti dayag:

San Judas 1:21

Agtaengcayo iti panagayat iti Dios, a namnamaenyo ti asi ni Apotayo a Jesu-Cristo, a maipaay iti biag nga agnanayon.