San Lucas 16:8 - Ti Biblia (1973)

⁸ Ket dinayaw di apo daydi mayordomo a di mapagtalcan, agsipud ta nagaramid a nainsiriban, ta dagiti annac daytoy a lubong, nasirsiribda cadagiti caputotanda ngem cadagiti annac ti silaw.

Ti Baro a Naimbag a Damag Biblia

⁸ “Nagbanaganna, dinaydayaw ti among ti ulbod a pagay-aywanenna gapu iti kinasikap nga inaramidna. Nasiksikap ngamin dagiti tattao ditoy lubong iti maipapan kadagiti ar-aramidda ngem dagiti tattao iti lawag.”

San Lucas 16:8 Iomraidhean Croise

Genesis 3:1

Itan ti uleg isu idi a casisicapan cadagiti amin nga animal iti daga nga inaramid ni Jehova Dios. Ket isu kinunana iti babai, Pudno aya a kinuna ti Dios, Saancay a mangan iti amin a cayo iti minuyongan?

2 Samuel 13:3

Ngem ni Amnon adda maysa a gayyemna, a ti naganna Jonadab, nga anac a lalaki ni Samma, a cabsat ni David: ket ni Jonadab lalaki a nasicap unay.

2 Ar-ari 10:19

Gapuna nga ita ayabanyo nga umayda caniac dagiti isu-amin a mammadles ni Baal, isu-amin nga agcarcararag kencuana, ken isu-amin a papadina; awan coma ti agcurang, ta aramidec ti dackel a panagidaton ken Baal; uray siasinonto nga agcurang, dinto agbiag. Ngem ni Jehu inaramidna a sisisicap, iti panggep a pangpucawna cadagiti agcarcararag ken ni Baal.

Dagiti Salmo 17:14

Ken cadagiti tao gapu ita imam, O Jehova, cadagiti tao a nailubongan, a ti apagda adda iti daytoy a panagbiag, ket ti tianda punnoem iti gamengmo: isuda napnecda cadagiti ububbing, ket ibatida ti tidda dagiti cucuada cadagiti maladagada.

Exodo 1:10

Umaycayo, agaramidtayo a sisasaririt cadacuada di la ket ta umadaduda pay, ket no mapasamac ti gubat, tumiponda pay cadagiti cabcabusortayo, ket makicabilda cadatayo, ket pumanawda ditoy a daga.

Dagiti Proverbio 12:8

Ti maysa a tao madayawto cas mayalubog iti kinasiribna; ngem ti nadangkesan iti puso mauyuyawto.

San Mateo 12:32

Ket uray siasino nga agsao iti maibusor iti Anac ti tao, mapacawanto kencuana; ngem uray siasino nga agsaonto ti maibusor iti Espiritu Santo, saan a mapacawanto kencuana, uray itoy a biag, uray iti biag a mapasungad.

San Mateo 17:26

Ni Pedro cunana kencuana: Cadagiti ganganaet. Ni Jesus kinunana kencuana: No casta dagiti annac dida agbayad.

San Lucas 16:10

Ti mapagtalcan iti bassit unay, mapagtalcan met iti adu; ket ti nakil-lo iti bassit unay nakil-lo met iti adu.

San Lucas 16:4

Ammoc ti aramidecto, tapno inton maiccatac iti kinamayordomo, awatendacto cadagiti balbalayda.

San Lucas 16:7

Iti calpasanna, kinunana iti sabali: Ket sica, mano ti utangmo? Ket kinunana: Sangagasut a cavan ti trigo. Ket kinunana kencuana? Alaem cadi ti escrituram ket isuratmo ti walopulo.

San Lucas 18:6

Ket kinuna ti Apo: Denggenyo ti sao ti ocom a nakil-lo.

San Lucas 20:34

Ket ni Jesus kinunana cadacuada: Dagiti annac daytoy a lubong mangasawada ken mayasawada:

San Lucas 20:35

Ngem dagiti maipatonto a maicari iti lubong nga umayto ken ti panagungar dagiti natay, saanda a mangasawa ket dida met mayasawa:

San Juan 12:36

Ita ta adda pay laeng ti silaw cadacayo, mamaticayo iti silaw, tapno agbalincayo nga annac ti lawag. Dagitoy sinao ni Jesus, ket pimmanaw ket inlemmenganna ida.

1 Taga-Corinto 3:18

Awan coma ti mangal-lilaw iti bagina, No siasinoman a tao cadacayo ti agpanunot nga isu nasirib itoy lubong, agbalin coma a nanengneng tapno agbalin nga masirib.

Taga-Efeso 5:8

Ta idi naminsan dacay ti sipnget, ngem ita dacay ti silaw iti Apo: magnacayo a cas annac ti lawag.

Taga-Filipos 3:19

A ti panungpalanda isu ti pannacapucaw, a ti diosda isu ti tianda, ket ti dayagda adda iti bainda; isuda panunutenda laeng ti naindagaan.

1 Taga-Tesalonica 5:5

Ta dacayo amin annacnacayo ti lawag ken annac ti aldaw; datayo saantayo a taga rabii, ken saan met a taga sipnget;

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

1 Juan 3:10

Iti daytoy maiparangarang dagiti annac ti Dios ken dagiti annac ti diablo, siasinoman a saan nga agaramid ti kinalinteg, saan a tao ti Dios, uray ti di agayat ken cabsatna.