San Lucas 16:3 - Ti Biblia (1973)

³ Ket di mayordomo kinunana iti nakemna: Anianto ti aramidec? ta ni apoc iccatennac a mayordomo, Agcali, diac mabalin; makilimos, cabainco.

Ti Baro a Naimbag a Damag Biblia

³ “Kinuna ti tao iti bagina, ‘Ikkatennakon ni amongko iti trabahok. Anianto ti aramidek? Diak kabaelan ti agkali ket mabainak met a makipalpalama.

San Lucas 16:3 Iomraidhean Croise

Ester 6:6

Iti casta ni Aman simrec. Ket ti ari kinunana kencuana, Ania ti maaramidto iti tao a pagrag-oan a dayawen ti ari? Ni Aman kinunana idi pusona, Asino ti pagrag-oan ti ari a pangaramidan iti dayaw a nangnangrona ngem siac met laeng?

Dagiti Proverbio 13:4

Ti cararua ti nasadut agtarigagay, ket awan mapaaddana; ngem ti cararua ti nagaget mapalucmegto.

Dagiti Proverbio 15:19

Ti dalan ti nasadut cas la alad a siit; ngem ti dalan ti nalinteg calsada a dackel.

Dagiti Proverbio 18:9

Casta met daydiay naliway iti aramidna isu ti cabsat ti managdadael.

Dagiti Proverbio 19:15

Ti kinasadut mangiturong iti nargaan a turog; ket ti cararua a nasadut agsagabanto iti bisin.

Dagiti Proverbio 20:4

Ti nasadut saanto nga agarado gapu iti lam-ec; makilimosto ngarud no panagani, ket awanto ti mapaaddana.

Dagiti Proverbio 29:21

Ti mangtaraken a sidudungngo iti adipenna manipud kinaubingna mapagbalinnanto nga anac iti camaudianan.

Isaias 10:3

Ket ania ti aramidenyonto iti aldaw ti isasarungcar, ken ti pannacarba nga umayto nga aggapu iti adayu? Asino ti pagcamanganyo a tumulong cadacayo? ket sadino ti pangibatianyonto ti dayagyo?

Jeremias 5:31

Dagiti mammadto agipadtoda a siuulbod, ket dagiti papadi agturayda maipuon cadacuada; ket ti ilic pagayatanna a casta: ket ania ti aramidenyonto iti pannungpalanna?

Oseas 9:5

Ania ti aramidenyonto intono aldaw ti gimong a nangayed, ken iti aldaw a fiesta ni Jehova?

San Mateo 20:8

Ket idi sumipngeten, ti apo ti cauvasan kinunana idi pagtaltalcanna: Ayabam dagiti mangmangged, ket tangdanam ida iti sangsangcapada, manipud cadagiti naudi agingga cadagiti immun-una.

San Marcos 10:46

Idin dimtengda idiay Jerico: ket idi rimmuarda nanipud Jerico agraman dagiti adalanna ken ti umariwecwec a tattao, ti anac ni Timeo, ni Bartimeo, maysa nga agpalpalama a bulsec adda nga agtutugaw iti dinna ti dalan.

San Lucas 12:17

Ket pacpakinacmenna a cuncuna: Anianto ti aramidec, ta awan ti pangidulinac cadagiti apitco?

San Lucas 16:2

Ket isu inayabanna ket kinunana kencuana: Ania daytoy a nadamagco a maipapan kenca? Idatagmo ti panagaywanmo, ta dicanto mabalinen ti agmayordomo.

San Lucas 16:20

Ket maysa nga agpalpalama a managan Lazaro, a napno cadagiti derder adda idi a nagsadag iti ruanganna.

San Lucas 16:22

Ket naaramid a daydi agpalpalama natay ket impan dagiti angel iti saclot ni Abraham: ket natay met di bacnang ket naitanem.

San Lucas 16:4

Ammoc ti aramidecto, tapno inton maiccatac iti kinamayordomo, awatendacto cadagiti balbalayda.

San Lucas 18:4

Ket isu nagmadi iti sumagmamano nga aldaw; ngem calpasanna; kinunana iti unegna: Uray diac cabuteng ti Dios, ket awan ti panangpadayawco iti tao;

San Juan 9:8

Dagiti carcarruba ngarud, ken dagiti nacakita idi damo kencuana a makilimlimos, kinunada: Saan a daytoy aya daydi agtugtugaw ken makilimlimos?

Dagiti Aramid 3:2

Ket inyegda ti maysa a tao, a pilay nanipud pannacayanacna isu nga icabcabilda nga inaldaw iti ruangan ti templo, a managan ti Napintas tapno dumawat ti limos cadagiti sumrec iti templo;

Dagiti Aramid 9:6

Ngem tumacderca, ket sumrecca iti Ili ket maibaganto kenca ti rebbengmo nga aramiden.

2 Taga-Tesalonica 3:11

Ta madamdamagmi nga adda dadduma cadacayo a magnada iti saan a naurnos, a dida sangoen ti uray ania nga aramid, no di ket manangsalsalida.