San Lucas 16:23 - Ti Biblia (1973)

²³ Ket idi adda a matutuoc idiay Hades intangadna dagiti matana ket nakitana ni Abraham iti adayu, ken ni Lazaro iti saclotna.

Ti Baro a Naimbag a Damag Biblia

²³ Idi agsagaba iti napalalo idiay Hades, timmangad ket nakitana ni Abraham nga adda iti adayo agraman ni Lazaro iti abayna.

San Lucas 16:23 Iomraidhean Croise

Dagiti Salmo 16:10

Ta saanmonto a baybay-an toy cararwac iti Tanem; saanmonto met nga ipalubos a ti santom makitana ti panagrupsa.

Dagiti Salmo 49:15

Ngem ti Dios subbotennanto ti cararwac iti pannacabalin ni Tanem; ta isu awatennacto. (Selah)

Dagiti Salmo 86:13

Ta dackel ti kinamanagayatmo caniac; ken inaonmo toy cararwac iti caungan a Tanem.

Dagiti Salmo 9:17

Dagiti nadangkes mapasublidanto ken Tanem, uray pay dagiti amin a nacion a manglipat iti Dios.

Dagiti Proverbio 15:24

Iti masirib ti dalan ti biag agpangato, tapno mapanawanna ti tanem iti baba.

Dagiti Proverbio 5:5

Dagiti sacana agpababada ken patay; dagiti addangna maicapetda ken Tanem;

Dagiti Proverbio 7:27

Ti balayna isu ti dalan nga agturong ken Tanem, nga agpababa cadagiti silsiled ni patay.

Dagiti Proverbio 9:18

Ngem isu dina ammo a dagiti natay addada sadiay; a dagiti sangailina addada cadagiti yuyeng ni Tanem.

Isaias 14:15

Nupay casta sica maibabacanto ken Tanem, iti cauunegan a paspaset ti dariwangwang.

Isaias 14:9

Ti Tanem iti baba nagaraw a maipaay kenca a sumabet iti yaaymo; inriingannaca cadagiti natay, a dagiti amin met laeng a pangpangolo ti daga; pinatacderna dagiti ar-ari dagiti nasnacion manipud cadagiti tronoda.

San Mateo 11:23

Ket sica, Capernaum maitantanoccanto aya agingga sadi langit? Maipababacanto agingga iti Hades; ta no cadagiti taga Sodoma naaramid coma dagiti datdatlag a naaramid kenca, nataginayon coma agingga ita nga aldaw.

San Mateo 18:9

Ket no ti matam isunto ti pacaitibcolam, suatem kenca ket ibel-lengmo: nasaysayaat kenca ti sumrec iti biag, a maymaysa ti matam ngem iti addaanca ti dua a mata ket maitapuacca iti infierno nga apuy.

San Mateo 23:33

Dacayo nga ul-uleg, caputotan dagiti carasaen! Casanonto ti panaglisiyo iti pannacadusa idiay infierno?

San Mateo 5:22

Ngem cunac cadacayo, nga uray siasino a gumura iti cabsatna, agpeggadto iti pannacaocom; ket uray siasino nga agcunanto iti cabsatna; Ong-ong, agpeggadto iti pangocoman; ket uray siasino nga agcunanto kencuana: Awan nakemmo, agpeggadto iti infierno nga apuy.

San Mateo 5:29

Ket, no ta matam a makincanawan isu ti mangted kenca ti pacaitibcolan, isu suatem, ket ibel-lengmo: ta nasaysayaat kenca a mapucaw ti maysa cadagiti camcamengmo, ngem ti isu-amin a bagim maibel-leng iti infierno.

San Mateo 8:29

Ket adtoy, nagickisda a cuncunada: Sica Anac ti Dios. Ania tibibiangmi kenca? Immayca ditoy tapno parigatennacami iti dina pay tiempo?

San Lucas 16:24

Ket isu nagickis, ket kinunana: Ama Abraham, caasianac, ket ibaonmo ni Lazaro, ta babasaenna coma ti ngudo ti ramayna iti danum, ket palamiisanna toy dilac; ta addaac a matuocan iti daytoy a darang.

San Lucas 16:28

Ta adda lima a cacabsatco; tapno ipanecnecna cadacuada, di la ket ta umayda met ditoy yan ti tooc.

San Lucas 8:28

Ket isu idi makitana ni Jesus nagrucbab iti sangoananna ket nagpuccaw a kinunana: Ania ti pacaibiangac kenca, Jesus, Anac ti Dios a Cangatoan? Dawatec a dinac coma parigaten.

1 Taga-Corinto 15:55

Adino ti yanna, O patay ti panagbal-ligim? Adino ti yanna, O patay ti panniludmo?

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

Paltiing 20:10

Ket daydi diablo a nangallilaw cadacuada naibelleng idi danaw nga apuy ken azufre, isu met a yan daydi animal ken daydi saan a pudno a mammadto; ket matutuocdanto iti aldaw ken rabii iti awan inggana.