San Lucas 16:19 - Ti Biblia (1973)

¹⁹ Adda idi maysa a tao a nabacnang ket nagpagpagananay ti purpura ken lupot a napateg, ket mangan a sibubuslon iti inaldaw:

Ti Baro a Naimbag a Damag Biblia

¹⁹ “Adda idi maysa a baknang a kanayon a sikakawes kadagiti agkakangina a lupot. Inaldaw met nga agbibiag a sibubuslon.

San Lucas 16:19 Iomraidhean Croise

Ester 8:15

Ket rimmuar ni Mardokeo a naggapu iti saclang ti ari agraman naarian a pagan-anay nga azul ken puraw, ken agraman maysa a dackel a balangat a balitoc, ken agraman maysa a lambon a nalapat a lienzo ken purpura: ket nagdir-i ken nagragsac ti ili a Susan.

Dagiti Proverbio 14:24

Ti balangat dagiti masirib isu dagiti kinabacnangda; ngem ti kinamaag dagiti maag kinamaag laeng.

Dagiti Proverbio 31:22

Agaramid iti agservi kencuana met laeng nga apap a napuscol; ti pagan-anayna nalapat a lienzo ken purpura.

Isaias 3:23

Dagiti espejo, ken dagiti nalapat a lienzo, ken dagiti turbante, ken dagiti abungot.

Ezekiel 16:13

Castoy ti pannacaarcosmo iti balitoc ken pirac; ket ti pagan-anaymo nalapat a lienzo, ken seda, ken nabordaan nga aramid; nanganca ti namayecmec nga harina, ken diro, ken lana; ket napintasca unay idi, ket rimmang-ayca agingga iti casasaad a naarian.

Ezekiel 16:49

Adtoy, daytoy ti kinadangkes ni cabsatmo a babai a Sodoma: kinacuspag, kinabuslon iti tinapay, ken nalabes a kinatalged ti adda kencuana ken cadagiti annacna a babbai; ket saanna met a pinapigsa ti ima dagiti napanglaw ken addaan pannacasapul.

Ezekiel 27:7

Ti nalapat a lienzo a nabordaan a naggapu idiay Egipto isu ti layagmo, tapno isu coma kenca ti maipaay a maysa a wagayway; azul ken purpura a naggapu cadagiti purpuro ti Elisa isu ti linongmo.

San Marcos 15:17

Ket isu kinawesanda ti purpura; ket naglagda cadagiti sisiit nga imbalangatda kencuana;

San Marcos 15:20

Ket idi nalpasda a nagang-angawan, inucsubda daydi purpura, ket incauwesda met laeng kencuana dagiti pagananayna, ket inruarda tapno ilansada iti cruz.

San Lucas 15:13

Ket idi napalabas, ti sumagmamano nga aldaw ti inaudi nga anac inurnongna amin ket napan iti maysa a daga nga adayu; ket idiay dinadaelna ti cucuana a nagbiag a nagdacdakes.

San Lucas 16:1

Ket kinunana met cadagiti adalanna: Adda idi maysa a tao a nabacnang, nga adda maysa a mayordomona; ket daytoy impulongda kencuana, nga agdadael cadagiti cucuana.

San Lucas 16:18

Ti tunggal maysa a mangisina iti asawana a babai ket mangasawa ti sabali, macabasol iti pannakiabig iti dina asawa: ket ti mangasawa iti naisina a babai, macabasol iti pannakiabig iti dina asawa.

San Lucas 16:20

Ket maysa nga agpalpalama a managan Lazaro, a napno cadagiti derder adda idi a nagsadag iti ruanganna.

Paltiing 17:4

Ket daydi babai nagcawes iti purpura ken escarlata, ket naarcosan cadagiti balitoc ken batbato a napateg ken perperlas nga adda idi imana ti maysa a copa a balitoc a napno cadagiti macarimon, dagiti met laeng kinarugit ti pannakicamalalana,

Paltiing 18:16

A cuncunada: Asi pay, asi pay daydiay dackel a ciudad a nagcawes iti lupot a nalapat a puraw ken iti purpura, ken iti escarlata, ken naarcosan iti balitoc ken iti bato a napateg, ken perlas.

Paltiing 18:7

No casano ti panagpasindayagna ken panagbuslonna cadagiti ragragsac casta ti itedyo a tuoc ken sangsangit, ta isu cunana iti pusona: Naisaadac a reina, ken saanac a balo, ket uray caano diacto aglac-am ti ladingit.

Uk-ukom 8:26

Ket ti dagsen dagiti ar-aritos a balitoc a dinawatna isu ti sangaribu ket pito a gasut a siclo a balitoc; malacsid dagiti sinan-bulbulan, ken dagiti bitinbitin, ken pagan-anay a purpura nga addada idi cadagiti ar-ari ti Madian, ken malacsid dagiti cawcawar nga addada idi iti aglicmut cadagiti tengnged dagiti camcamelloda.