San Lucas 15:8 - Ti Biblia (1973)

⁸ Wenno asino ti babai nga adda sangapulo a dracmana, no mapucawna ti maysa a dracma, di manggangat ti pagsilawan ket sagadanna ti balay, ket sapulenna a sireregta agingat iti masaracanna?

Ti Baro a Naimbag a Damag Biblia

⁸ Intuloy ni Jesus, “Wenno kas pangarigan, adda sangapulo a bagi ti pirak ti maysa a babai, ket no mapukawna ti maysa, ania ti aramidenna? Gangtanna ti pagsilawan, sagadanna ti balayna, ket agbirok a sipapasnek agingga a masapulanna.

San Lucas 15:8 Iomraidhean Croise

Ezekiel 34:12

Cas ti pastor birukenna ti pangenna iti aldaw nga caaddana iti nagtengngaan dagiti carnerona a naiwara iti adayu, casta ti panangsapulconto cadagiti carneroc; ket luc-atacto ida cadagiti amin a disso a nacaiwarasanda iti naulep ken nasipnget nga aldaw.

San Mateo 5:15

Ket saan met a gangatan dagiti tao ti maysa a silaw ket sa icabil iti siroc ti maysa a salop, no di ket iti pagsilawan, ket lawaganna dagiti isu-amin nga adda iti balay.

San Lucas 15:7

Cunac cadacayo, a casta met nga adaddanto ragsac sadi langit gapu iti maysa a managbasol nga agbabawi, ngem cadagiti siam a pulo ket siam a nasingpet a dida masapul ti panagbabawi.

San Lucas 15:9

Ket inton mabirucanna, urnongenna dagiti ingngana ken cacaarubana, a cuncunana: Makipagragsaccay caniac, ta nasaracac ti dracma a napucawco.

San Lucas 19:10

Ta toy Anac ti tao immay nga agsapul ken mangisalacan iti napucaw.

San Juan 10:16

Adda met sabsabali a carneroc a saanda a naitipon itoy a pagtaracnan: dagidiay masapul nga iyegco ket denggendanto ti timecco; ket addanto maymaysa nga arban, ken maymaysa a pastor.

San Juan 11:52

Ket saan laeng a maipoon iti ili, no di ket tapno isu maurnongna met nga agmaymaysa dagiti annac ti Dios a naiwarawara idi.

Dagiti Aramid 19:19

Ket saan a bassit cadagidi nagan-anito, dagiti nangurnong cadagiti libroda, ket pinuuranda ida iti sangoananda amin; ket pininsarda ti pategda, ket ti dagupna lima pulo a ribo a bagi ti pirac.

Taga-Efeso 2:17

Ket immay ket incascasabana ti cappia cadacayo nga adda idi iti adayu, ken ti cappia cadagidi adda iti asideg: