San Lucas 15:22 - Ti Biblia (1973)

²² Ngem ni amana kinunana cadagiti adipenna: Alaenyo iti madaras ti capatgan a pagan-anay ket cawesanyo, ket icabilyo ti maysa a singsing iti imana, ken zapatos cadagiti sacana;

Ti Baro a Naimbag a Damag Biblia

²² Ngem inayaban ti ama dagiti katulonganna. ‘Darasenyo!’ kinunana. ‘Alaenyo ti kasayaatan a bado ket ikawesyo kenkuana. Singsingan ken sapatosanyo.

San Lucas 15:22 Iomraidhean Croise

Genesis 41:42

Ket ni Faraon iniccatna ti singsingna nga adda pagsellona iti imana, ket incabilna iti ima ni Jose, ket pinagcawesna iti lienzo a nalapat, ket inyuccoranna ti maysa a tanicala a balitoc;

Ester 3:10

Ket sinucto ti ari di singsingna idi ramayna, ket intedna ken Aman nga anac a lalaki ni Amadata nga Agageo, a cabusor dagiti Judios.

Ester 8:2

Ket ti ari sinuctona di singsingna, nga innalana ken Aman, ket isu ti intedna ken Mardokeo. Ket ni Ester insaadna ni Mardokeo nga agturay ti balay ni Aman.

Dagiti Salmo 132:16

Cawesacto met dagiti papadina iti pannacaisalacan; ket dagiti sasantona agdir-idanto a napigsa iti ragsac.

Dagiti Salmo 132:9

Dagiti papadim macawesanda coma iti kinalinteg; ket dagiti sasantom agdir-ida coma iti ragsac.

Dagiti Salmo 18:33

Pagbalinenna dagitoy sacsacac a cas sacsaca ti ugsa: ket idissonac cadagiti nangato a dissoc.

Dagiti Salmo 45:13

Ti anac a babai ti ari idiay laem ti palacio sidadaeg nga awan pagcuranganna: ti pagan-anayna napattopattocan iti balitoc.

Kanta ni Solomon 7:1

Anian a nagimnas dagita sacsacam cadagiti palloca, O anac a babai ti principe! Dagiti nagtimbukel a loppom umaspingda cadagiti alhajas, ti aramid dagiti im-ima ti maysa a nalaing nga agaramid.

Isaias 61:10

Siac agragsacacto unay ken ni Jehova, ti cararuac agrag-onto iti Diosco; ta isu kinawesannac cadagiti pagan-anay ti pannacaisalacan, isu inabbongannac iti lambon ti kinalinteg, a cas maysa a novio nga agbalangat, ken cas maysa a novia nga agaramat cadagiti alajasna.

San Lucas 15:21

Ket di anac kinunana kencuana: Ama, nacabasolac iti maicaniwas iti langit ken iti sangoanam; diac maicarin a managan ti anacmo.

San Lucas 15:23

Ket iyegyo ti vaca a napalucmeg ket partienyo; ket mangantayo ket agraragsactayo.

Taga-Roma 13:14

No di ket, icauwesyo ni Apo Jesu-Cristo ket dicayo agsagana a maipaay iti linalasag tapno matungpal ti derrepna.

Taga-Roma 3:22

Nadiosan a kinalinteg, a magun-odan gapu iti pammati ken Jesu-Cristo, a maipaay cadagiti amin a mamati, ta awan ti pagdudumaan:

Taga-Roma 8:15

Ta saanyo nga inawat ti pakinakem ti pannacaadipen manen tapno agbutengcayo; ngem inawatyo ti pakinakem ti pannacaibilang nga annac, gapuna umawagtayo: Abba, Ama.

Taga-Galacia 3:27

Ta dagupyo a nabautizaran ken Cristo, incawesyo ni Cristo.

Taga-Efeso 6:15

Ket sisasapatozcayo iti pannacaisagana iti evangelio ti cappia;

Deuteronomio 33:25

Dagiti balbalunetmo landoc ken suerdanto; ket cas cadagiti al-aldawmo, ti pigsam castanto.

Paltiing 19:8

Ket naipaay kencuana ti panagcawesna iti lupot a nalapat ken puraw, nasileng ken natarnaw: ta ti lupot a nalapat a puraw isu dagiti aramid a nalinteg dagiti sasanto.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 3:18

Ibalacadco kenca a gumatangca caniac iti balitoc a napasudi iti apuy, tapno bumacnangca coma; ken dagiti pagananay a puraw, tapno agcawesca, ket saan a maiparang ti nacababain a kinalamolamom; ken ti agas ti mata, tapno sapsapoam dagiti matam tapno macakitaca.

Paltiing 6:11

Ket naited iti tunggal maysa cadacuada ti maysa a pagananay a puraw; ket naibaga cadacuada nga aginanada pay iti bassit a pannawen agingga iti maturpos ti dalan dagiti caduada met nga adipen, ken dagiti cacabsatda, a mapapataydanto a cas met cadacuada idi.

Paltiing 7:9

Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;