San Lucas 14:13 - Ti Biblia (1973)

¹³ Ngem no agaramidca ti daya, ayabam dagiti napanglaw, dagiti pawad, dagiti pilay, dagiti bulsec:

Ti Baro a Naimbag a Damag Biblia

¹³ No agpadayaka, imbitaram dagiti napanglaw, dagiti lugpi, dagiti pilay ken dagiti bulsek.

San Lucas 14:13 Iomraidhean Croise

San Lucas 14:21

Ket idi nagsubli daydi adipen, impacaammona dagitoy a banag iti apona. Idin nagpungtot ti ama ti sangacabbalayan ket kinunana idi adipenna; Rumuarca daras cadagiti daldalan, ken cadagiti lanlansangan iti Ili ket iyegmo ditoy dagiti napanglaw, dagiti pawad, ken dagiti bulsec, ken dagiti pilay.

Isaias 58:10

Ket no ta cararuam mangngaasi, iti mabisin, ket bussogem ti cararua a mapaladingit: iti casta tumangcayagto ta lawagmo iti casipngetan, ket ta kinacudrepmo cas la iti matoon;

Dagiti Proverbio 14:31

Ti mamarigat iti napanglaw laisenna ti Namarsua kencuana; ngem ti addaan caasi iti macurangan padayawanna.

Isaias 58:7

Saan aya a tapno iwarasmo ti tinapaymo iti mabisin, ken ti panangalam iti balaymo iti napanglaw a napagtalaw? no makitam ti silalamolamo, tapno isu cawesam: ket dica coma baybay-an ti lasagmo met laeng?

Hebreo 13:2

Dicay lipatan ti panangiparangyo iti ayat cadagiti gangannaet; ta gapu itoy dagiti dadduma pinadagusda dagiti angel, nga dida nadlawan.

Nehemias 8:10

Idin kinunana cadacuada, Incay iti dalanyo, mangancayo iti nalucmeg, ken uminumcayo iti nasam-it, ket ibaonyo dagiti apag iti daydiay a di-naisaganaan ti uray aniaman; ta daytoy nga aldaw isu ti nasantoan iti Apotayo: dicay mapaldaang; ta ti rag-o ni Jehova isu ti pigsayo.

San Mateo 22:10

Ket rimmuar dagiti adipen cadagiti daldalan, ket inurnongda dagiti isu-amin a nasaracanda, dakes man, ken naimbag; ket ti pagbodaan napno cadagiti sangaili.

Deuteronomio 16:14

Ket agragsaccanto iti fiestam, sica ken ti anacmo a lalaki, ken ti anacmo a babai, ken ti bag-enmo a lalaki, ken ti bag-enmo a babai, ken ti Levita, ken ti gangannaet, ken dagiti ul-ulila ken ti balo a babai, nga adda iti uneg dagiti ruruanganmo.

1 Timoteo 5:10

Nga adda naimbag a damagna ti maipapan cadagiti nasayaat nga aramid: no nagtaraken cadagiti annac, no nagpadagus cadagiti gangannaet, no binuggoanna dagiti sacsaca dagiti sasanto, no tinulonganna dagiti naladingit, no sinurotna a sigaganetget dagiti amin a naimbag nga aramid.

Deuteronomio 16:11

Ket sica agragsaccanto iti sango ni Jehova a Diosmo, sica ken ti anacmo a lalaki, ken ti anacmo a babai, ken ti adipenmo a lalaki, ken ti adipenmo a babai, ken ti Levita nga adda iti uneg dagiti ruruanganmo, ken ti gangannaet, ken dagiti ul-ulila ken ti balo a babai, nga adda iti tengngam, iti disso a ni Jehova a Diosmo piliennanto a panginaedan iti naganna.

Deuteronomio 14:29

Ket ti Levita, gapu ta awan bagina ken pannakipagtawidna kenca, ken ti gangannaet, ken dagiti ul-ulila ken ti balo a babai, nga adda iti uneg dagiti ruanganmo, umaydanto ket mangandanto ken mapnecdanto; tapno ni Jehova a Diosmo bendicionannacanto iti amin nga aramidem a pagbannogan ta imam.

1 Timoteo 3:2

Masapul ngarud a ti obispo awan ti pacapilawanna, asawa ti maymaysa a babai, managparbeng, nasayaat ti ricnana, naemma, managpadagus, nalaing a mangisuro;

Ti Libro ni Job 29:13

Ti bendicion daydiay a naisagana a madadael immapay caniac; ket pinagdaniwco gapu iti rag-o ti puso ti babai a balo.

Nehemias 8:12

Ket amin dagiti tattao napanda iti dalanda tapno mangan, ken uminum ken ibaonda dagiti apag, ken agaramidda iti dackel a ragsac, agsipud ta naawatanda dagiti sasao a naipalawag cadacuada.

2 Cronicas 30:24

Ta ni Ezekias nga ari ti Juda intedna idi iti gimong a maipaay a datdaton ti sangaribu a vacvaca a lallaki ken pito ribu a carcarnero; ket dagiti pangpangoloen intedda iti gimong ti sangaribu a vacvaca a lallaki ken sangapulo ribu a carcarnero: ket maysa a dackel a bilang dagiti papadi sinantificarda dagiti bagida met laeng.

2 Samuel 6:19

Ket binunonganna iti isu-amin nga umili, iti isu-amin a caadu met laeng ti Israel, cadagiti lallaki ken babbai a padapada, iti tunggal maysa, maysa a bukel a tinapay, ken maysa nga apag ti lasag, ken maysa a catipkel dagiti uvas a napakebbet. Iti casta isu-amin dagiti tattao nagawid tunggal maysa iti balayna.

Tito 1:8

No di ket managpadagus, naayat iti naimbag, natacneng, nalinteg, nasingpet, managparbeng;

Filemon 1:7

Ta adda adu a rag-oc ken liwliwac gapu iti ayatmo, agsipud ta dagiti puspuso dagiti sasanto naliwliwada gapu kenca, cabsat.

Dagiti Aramid 9:39

Ket timmacder ni Pedro, ket kimmuyog cadacuada: ket idi a dimteng, isu impanda idi nangatngato a silid, ket isu linicmut dagiti amin a babbai a balo, nga agsangsangit ket impakitada dagidi amin a cawes ken pagananay nga inararamid ni Dorcas idi adda pay cadacuada.

San Lucas 11:41

Nangrona pay, ti adda cadacayo ilimosyo; ket adtoy, dagiti amin a banag nadalusda cadacayo.

Dagiti Proverbio 22:9

Ti addaan naparabur a mata benditonto; ta mangted iti tinapayna cadagiti napanglaw.

San Mateo 15:30

Ket dimteng kencuana dagiti umariwecwec a tattao a nangicuyogda cadagiti pilpilay, bulbulsec, umumel, singsingcol ken adu pay a sabali a masakit; ket incabilda ida iti sacaanan ni Jesus, ket isu pinaimbagna ida.

San Lucas 14:12

Ket kinunana met idi nangawis kencuana. No agaramidca ti pangaldaw wenno pangrabii, dica awisen dagiti pagayammo, uray dagiti cacabsatmo, uray dagiti cacabagiam, uray dagiti caaroba a nabacnang; di la ket ta awisendaca met ket supapacandaca.

San Lucas 14:14

Ket nagasatcanto: ta awan ti maisupapacda kenca; ta magonggonaancanto inton panagungar dagiti nalinteg.