San Lucas 14:11 - Ti Biblia (1973)

¹¹ Ta amin a mangitan-octo iti bagina, maipababanto; ket ti agpacumbaba, maitan-octo.

Ti Baro a Naimbag a Damag Biblia

¹¹ Ta maipababanto ti amin a mangitan-ok iti bagina, ket maitan-okto ti amin nga agpakumbaba.”

San Lucas 14:11 Iomraidhean Croise

2 Samuel 22:28

Ket ispalem ti maparigat nga ili; ngem dagiti matam addada iti rabaw dagiti natangsit, tapno ipababam ida.

Ester 6:10

Idin ti ari kinunana ken Aman, Agdarasca, ket alaem ti pagan-anay ken ti cabayo, cas ti kinunam, ket aramidem met laeng ti casta ken Mardokeo a Judio, nga agtugaw idiay ruangan ti ari: dica palubosan a macurangan ti amin a sinaom.

Ti Libro ni Job 22:29

Intono ipababadaca, cunaemto, Adda panangipangato. Ket ti napacumbaba a tao isu isalacannanto.

Dagiti Salmo 138:6

Ta nupay natan-oc ni Jehova, adda pay la panangpadayawna iti napacumbaba; ngem ti napalangguad mabigbigna manipud adayu.

Dagiti Salmo 18:27

Ta isalacanmonto dagiti mairurumen a tattao; ngem dagiti sipapalangguad a matmata pagbabaemto.

Dagiti Proverbio 15:33

Ti panagbuteng ken ni Jehova sursuro ti sirib; ket umun-una ti kinapacumbaba ngem ti dayaw.

Dagiti Proverbio 18:12

Iti casacbayan ti pannacadadael, ti puso ti tao agpalangguad; ket iti casacbayan ti kinadayaw adda ni kinapacumbaba.

Dagiti Proverbio 25:27

Saan a nasayaat ti pannangan iti adu a diro: casta met iti tao ti panagbirucda iti dayawda met laeng nacas-ang.

Dagiti Proverbio 29:23

Ti tangsit ti tao mangipababanto kencuana; ngem ti sipapacumbaba ti espirituna maragpatnanto ti dayaw.

Isaias 2:11

Ti napalangguad a panagkitkita ti tao mapaemmanto, ken ti kinatangsit dagiti tattao maparucbabto, ket ni Jehova laeng ti madaydayawto iti dayta nga aldaw.

Isaias 2:17

Ket ti kinapalangguad ti tao maparucnoyto, ket ti kinatangsit dagiti tattao maipababanto; ket ni Jehova laeng ti maitan-octo iti dayta nga aldaw.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

San Mateo 23:12

Ket siasinoman nga agpasindayaw maipababanto; ket siasinoman nga agpacumbaba maitanocto.

San Lucas 1:51

Dackel ti gapuanan ti tackiagna: Winarawarana dagiti nacuspag iti panagpanpanunot dagiti pusoda.

San Lucas 1:52

Iniccatna dagiti agtuturay cadagiti tronoda, Ket intan-ocna dagiti nababa a casasaad.

San Lucas 14:12

Ket kinunana met idi nangawis kencuana. No agaramidca ti pangaldaw wenno pangrabii, dica awisen dagiti pagayammo, uray dagiti cacabsatmo, uray dagiti cacabagiam, uray dagiti caaroba a nabacnang; di la ket ta awisendaca met ket supapacandaca.

San Lucas 18:14

Cunac cadacayo a daytoy nagawid iti balayna a napacawan nga immun-una ngem daydi maysa; ta uray siasino nga agpasindayaw maipababanto; ket ti agpacumbaba, maitanocto.

Santiago 1:9

Ngem ti cabsat a nababa ti casasaadna, agrag-o coma iti pannacaitan-ocna:

Santiago 4:10

Agpacumbabacayo iti imatang ti Apo, ket isu itan-ocnacayto.

Santiago 4:6

Ngem isu mangted iti dacdackel a parabur. Gapuna cuna ti Surat: Ti Dios bumusor cadagiti natangsit, Ngem mangted ti parabur cadagiti napacumbaba.

1 Pedro 5:5

Casta met dacayo a saan a panglacayen, agtulnogcayo cadagiti panglacayen; ket dacay amin, agcawescayo iti kinaemma, nga agtitinnulongcayo, ta ti Dios tallicudanna dagiti natangsit, ngem iccana ti parabur dagiti napacumbaba.

1 Pedro 5:6

Agpacumbabacayo ngarud iti mannacabalin nga ima ti Dios, tapno isu itanocnacay coma iti pannacaipaayna nga aldaw;

1 Samuel 15:17

Ket ni Samuel kinunana, Nupay sica bassitca idi iti imatangmo met laeng, saanca aya a naaramid nga olo dagiti capcaputotan ti Israel? Ket ni Jehova pinulotannaca nga agari iti Israel;