San Lucas 14:10 - Ti Biblia (1973)

¹⁰ Ngem inton maawisca inca, ket agtugawca iti cababaan a saad; ta inton umay ti nangawis kenca, cunaenanto: Gayyem, umalisca iti nangatngato: itinto casta addanto dayawmo cadagiti makisango kenca iti panganan.

Ti Baro a Naimbag a Damag Biblia

¹⁰ “Ngem no maawiska, inka ketdi agtugaw iti kanumoan a lugar tapno umayto kenka ti nangawis ket kunana, ‘Gayyem, umayka idiay nasaysayaat a pagtugawan.’ Iti kasta, maidaydayawkanto iti imatang dagiti sangaili.

San Lucas 14:10 Iomraidhean Croise

Dagiti Proverbio 15:33

Ti panagbuteng ken ni Jehova sursuro ti sirib; ket umun-una ti kinapacumbaba ngem ti dayaw.

Isaias 60:14

Ket dagiti annac a lallaki dagidiay a namaladingit kenca umaydanto a sirurucnoy kenca, ket amin dagiti nanguyuyaw kenca agrucnoydanto cadagiti dapanmo; ket naganendacanto Ti Ili ni Jehova, Ti Sion ti Santo ti Israel.

Paltiing 3:9

Adtoy, siac itdec manipud iti sinagoga ni Satanas, dagidiay mangnagan iti bagida Judio, ket saan met no di ket agulbodda: Adtoy, aramidecto nga umayda ken agrucbabda cadagiti sacsacam, ket maammoanda a dinungdongngoca.

1 Samuel 15:17

Ket ni Samuel kinunana, Nupay sica bassitca idi iti imatangmo met laeng, saanca aya a naaramid nga olo dagiti capcaputotan ti Israel? Ket ni Jehova pinulotannaca nga agari iti Israel;