San Lucas 13:7 - Ti Biblia (1973)

⁷ Ket kinunana idi agaywan iti minuyungan: Adtoy, tal-lo a tawenen nga umumayac agsapul ti bunga daytoy a cayo nga higos ket diac macasarac: pucanem, apayapay macasalin pay laeng iti daga?

Ti Baro a Naimbag a Damag Biblia

⁷ Kinunana ngarud iti pagay-aywanenna, ‘Kitaem, tallo a tawenen nga um-umayak ditoy nga agbirok iti bunga daytoy nga igos. Awan pay nasarakak a bungana. Pukanemon! Apay nga ibusenna ti kinataba ti daga?’

San Lucas 13:7 Iomraidhean Croise

Exodo 32:10

Isu ti gapuna ita nga bay-annac, tapno bumara ti pungtotco cadacuada, ken tapno ibusec ida: ket sica ti aramidecto a dackel a nacion.

Daniel 4:14

Isu nagpuccaw a natbag, ket castoy ti kinunana, Pucanenyo ti cayo, ket putdenyo dagiti sangana, rurusenyo, dagiti bulongna, ket ipurruacyo ti bungana: pumanaw coma dagiti animal nga adda iti sirocna ken dagiti tumatayab cadagiti sangana.

Levitico 19:23

Ket no macagtengcayon iti daga ken maimulmulayonton ti amin a kita ti caycayo a macan, ibilangyonto dagiti bungbungada a cas awan ti pannacacugitda: tallo a tawen nga addadanto cadacayo a cas saan a nacugit; dagita a bungbunga saanda a macan.

Levitico 25:21

No casta ibaonconto ti bendicionco cadacayo iti maicanem a tawen, ket agbunganto iti maipaay cadagiti tallo a tawen.

San Mateo 7:19

Tunggal cayo a saan a mangted ti bunga a nasayaat, mapucan ket maisungrod iti apuy.

San Lucas 13:8

Ket isu simmungbat ket kinunana kencuana: Apo, bay-am pay laeng iti daytoy a tawen, agingga iti caliac iti arubayanna ket gaburac ti pataba:

San Lucas 3:9

Ket itatta met laeng ti wasay naisaaden iti ramut dagiti caycayo: amin a cayo ngarud, a saan nga agbunga ti nasayaat mapucan, ket maisungrod iti apuy.

San Juan 15:2

Isu-amin a santacco a di agbunga iccatennanto: ket amin dagiti sanga nga agbunga isu ti dalusanna, tapno mangted coma ti adadu a bunga.

San Juan 15:6

No adda saan nga agnaed caniac, maibel-lengto iti ruar a cas ti santac ket magangonto: ket urnungendanto ken ibel-leng iti apuy, ket mapuuranto: