San Lucas 13:17 - Ti Biblia (1973)

¹⁷ Ket idi sinaona dagitoy a banag, nabainan dagiti isu-amin a cabusorna: ket amin dagiti adu a tao nagragsacda cadagiti amin a banbanag a nagloriaan nga inaramidna.

Ti Baro a Naimbag a Damag Biblia

¹⁷ Nabainan amin a kabusor ni Jesus gapu iti insungbatna. Ngem nagragsak dagiti tattao gapu kadagiti amin a nakaskasdaaw nga inaramidna.

San Lucas 13:17 Iomraidhean Croise

Dagiti Salmo 109:29

Macawesan coma dagiti casupadic iti pannacaibabain, ket macumotanda coma iti panagbainda met laeng a casla cagayda.

Dagiti Salmo 111:3

Ti aramidna kinadayaw ken kinadaeg; ket ti kinalintegna agpaut nga agnanayon.

Dagiti Salmo 132:18

Dagiti cabusorna cawesacto iti pannacaibabain; ngem kencuana ti balangatna agrangpayanto.

Dagiti Salmo 40:14

Mababainanda ken mariruda cadi a padapada dagiti manurotsurot itoy cararwac tapno dadaelenda: mapagsanudda cadi ken maibabain dagiti agayat iti pacaranggasac.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Isaias 4:2

Iti dayta nga aldaw ti saringit ni Jehova nasayaatto ken nadayag, ket ti bunga ti daga mangnibinibinto ken nataerto unay a maipaay cadagiti nailiclic iti Israel.

Isaias 45:24

Masasao a maipapan caniac, ken ni Jehova laeng ti puon ti kinalinteg ken kinapigsa; kencuana met laeng mapanto dagiti tattao; ken amin dagiti gumura kencuana maibabaindanto.

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

San Lucas 14:6

Ket dida nabalin a sinungbatan dagitoy a banag.

San Lucas 18:43

Ket naigiddato a nacakita, ket simmursurot kencuana ket nagdaydayaw iti Dios: ket amin dagiti umili idi nakitada daytoy, dinaydayawda ti Dios.

San Lucas 19:48

Ngem dida nacasarac ti pamcuatanda; ta dagiti amin nga umili pagayayatanda unay a dengdenggen.

San Lucas 20:40

Dida ngarud naitureden ti nagintuud kencuana ti uray ania.

Dagiti Aramid 4:21

Ket isuda, idi nalpas ti panangam-amesda ti nalal-lalo pay cadacuada, ken idi dida nacasarac iti pamayan a pangdusaanda cadacuada, gapu cadagidi umili pinalubosanda ida; ta amin a tattao dinaydayawda ti Dios gapu iti daydi a naaramid.

2 Timoteo 3:9

Ngem didanto rumang-ayen iti masangoanan; ta maiparangarangto cadagiti isu-amin ti caawan ti nakemda, a cas met pannakaiparang ti kinaawan a nakem dagidi.

Tito 2:8

Palawag a nasayaat, a saan a mabalin a mababalaw, tapno ti cumappon iti bangir a bumusor, agbain coma, agsipud ta awan ti aniaman a dakes a mabalinna a saoen a maipapan cadacayo.

1 Pedro 3:16

Nga adda nasayaat a nakemyo; tapno iti daydiay met laeng a pangsao-anda ti dakes cadacayo, mabainan dagiti manguyaw iti nasayaat a panagbiagyo ken Cristo.