San Lucas 12:52 - Ti Biblia (1973)

⁵² Ta manipud ita aglalasindanto dagiti lima iti maysa a balay: tal-lo maibusor cadagiti dua; ket dua maibusor cadagiti tal-lo.

Ti Baro a Naimbag a Damag Biblia

⁵² Manipud ita, mabingbingay ti maysa a familia a lima ti kamkamengna. Kontraen dagiti tallo ti dua, ket kontraen dagiti dua ti tallo.

San Lucas 12:52 Iomraidhean Croise

Dagiti Aramid 28:24

Ket dagiti dadduma pinatida dagidi saona; ngem dagidi sabsabali saanda a namati.

San Juan 16:2

Paruarendacayto cadagiti sinagoga: Ngem umay pay ti horas a siasinoman a mamapatayto cadacayo, panunutennanto a mangidaton ti pagservina iti Dios.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.

Dagiti Salmo 41:9

Wen, ti pay caingongotco unay a gayyem, a nagtalcac, isu a nakicaan iti canec, incugtarna ti mucodna caniac.

San Lucas 12:51

Ipapanyo nga, immayac a mangted ti talna ditoy daga? Saan, cunac cadacayo; ngem panaglalasin ketdi;

San Lucas 12:53

Aglalasindanto, ti ama bumusor iti anac a lalaki ket ti anac a lalaki bumusor iti ama; ti ina bumusor iti anacna a babai, ket ti anac a babai bumusor iti inana; ti catugangan a babai bumusor iti manugangna a babai ket ti manugang a babai bumusor iti catuganganna a babai.