San Lucas 12:19 - Ti Biblia (1973)

¹⁹ Ket cunacto iti cararuac: Cararua, adu dagiti gameng nga indulinmo a maisagana iti adu a taoen; aginanaca, manganca, uminumca, agragsacca.

Ti Baro a Naimbag a Damag Biblia

¹⁹ Ket kunakto iti bagik: ‘Naggasatkan, bagi, ta adda amin a masapulmo iti adu a tawen. Aginanaka, manganka, uminumka, ket agragsakka.’

San Lucas 12:19 Iomraidhean Croise

Ti Libro ni Job 14:1

Ti tao, a mayanac iti babai, ababa dagiti aldawna, ken napno iti riribuc.

Dagiti Salmo 49:18

Uray pay iti bayat ti panagbiagna binenditona ti cararwana, (ken dagiti tattao idaydayawdaca, no agaramidca iti naimbag kenca met laeng),

Dagiti Salmo 62:10

Dica pagtalcan ti panangilupit, ket dica mapaubbaw iti panagagaw: No ti sanicua umadu, dica italinaed ta pusom.

Dagiti Proverbio 10:2

Dagiti gamgameng ti kinadakes awan mamaayda; ngem ti kinalinteg mangispal manipud ken patay.

Dagiti Proverbio 14:24

Ti balangat dagiti masirib isu dagiti kinabacnangda; ngem ti kinamaag dagiti maag kinamaag laeng.

Dagiti Proverbio 18:11

Ti sanicua ti nabacnang a tao isu ti nabileg nga ilina, ket cas natayag a bacud iti panangipagarupna.

Dagiti Proverbio 23:5

Itaengmonto aya dagiti matam iti daydiay awan? Ta dagiti kinabacnang pudno nga agcayabcabda, cas iti aguila a tumayab nga agpalangit.

Dagiti Proverbio 27:1

Dica pagpasindayaw ti aldaw no bigat; ta dica ammo ti mapagteng iti maysa nga aldaw.

Eclesiastes 11:9

Agrag-oca, O agtutubo a lalaki, iti kinaagtutubom, ket paragsakennaca coma ta pusom cadagiti aldaw ti kinaagtutubom, ket magnaca cadagiti daldalan ta pusom, ken iti imatang dagita matam; ngem ammoem a gapu amin cadagitoy a banbanag iyegnacanto ti Dios iti pannacaocom.

Eclesiastes 2:24

Awan sabali a naimimbag nga agpaay iti tao ngem iti macanna coma ken mainumna, ken iti panangparag-ona iti cararuana iti kinaimbag ti nagbannoganna. Daytoy met nakitac, a naggapu iti ima ti Dios.

Isaias 22:13

Ket, adtoy, ti rag-o ken ragsac, ti panangparti cadagiti vacvaca ken carcarnero, pannangan iti lasag ken panaginum iti arac: mangantayo coma ken uminumtayo, ta intono bigat mataytayto.

Isaias 5:11

Asi pay dagiti bumangon a masapa iti bigat, tapno sumurotda iti naingel nga inumen; nga idiayda a marabiian unay, agingga iti paggilayaben ida ti arac!

Isaias 5:8

Asi pay dagiti mamagtitipon iti balay ken balay, ken mamagtitipon ti talon ken talon agingga iti awan pagdissoan, ket maaramidcayo nga agtaeng a dacdacayo iti tengnga ti daga!

Isaias 56:12

Umaycayo, cunada, mangalaacto iti arac, ket agpennectayo iti naingel nga inumen; ket intono bigat caslanto iti daytoy nga aldaw, aldaw a dackel nga aglablabes ti cadackelna.

Oseas 12:8

Ket kinunana, Kinapudnona siac bimmacnangac, nasaracac ti kinabacnang; cadagiti amin a trabjoc awanto ti masaracda caniac a kinadakesco nga isu ti basol.

Amos 6:13

Dacayo nga agragsac iti awan capapayanna, a cunayo, Saanmi aya a nagun-od dagiti sarsara iti bucodmi a pigsa?

Habakuk 1:16

Gapuna nga agdaton iti iketna, ken mangpuur iti incienso iti lasana: agsipud ta gapu cadacuada ti apagna nalucmeg, ken ti taraonna nawadwad.

San Lucas 12:18

Ket kinunana: Aramidecto daytoy: racrakecto dagiti camaligco, ket bangonecto ida a dacdackel; ket idulinconto idiay dagiti amin nga apitco ken gamgamengco.

San Lucas 16:19

Adda idi maysa a tao a nabacnang ket nagpagpagananay ti purpura ken lupot a napateg, ket mangan a sibubuslon iti inaldaw:

San Lucas 21:34

Ket agaluadcayo, di la ket ta dagiti puspusoyo mapnoda ti kinarawet ken panagbartec, ken cadagiti tarigagay itoy a biag ket iti casta umayto a kel-laat cadacayo dayta nga aldaw:

1 Taga-Corinto 15:32

No siac, cas ugali ti tao, nakicabilac cadagiti narungsot nga animal idiay Efeso, ania ti magongonac, no dagiti natay saanda nga agungar? Mangantayo ken uminumtayo, yantangay intono bigat mataytayto.

Taga-Filipos 3:19

A ti panungpalanda isu ti pannacapucaw, a ti diosda isu ti tianda, ket ti dayagda adda iti bainda; isuda panunutenda laeng ti naindagaan.

1 Timoteo 5:6

Ngem ti agbibiag cadagiti ragragsac, idinto a sibibiag, adda a natay.

1 Timoteo 6:17

Cadagiti nabacnang itoy lubong ibilinmo cadacuada a dida agtangtangsit, ket dida met imaldit ti inanamada cadagiti kinabacnang a pagduaduaan, no di ket iti Dios. Isu a mangted cadatayo iti nawadwad cadagiti isu-amin a pagnam-ayantayo;

2 Timoteo 3:4

Mangliliput, nasubeg, natangsit, managayat cadagiti ragragsac, a nangnangrona ngem iti panagayatda iti Dios;

Santiago 5:5

Nagbiagcayo a sinanam-ay ditoy rabaw ti daga; ket naalayon ti ragsacyo, pinalucmegyo dagiti puspusoyo, a cas ti maysa nga aldaw ti panagparti.

1 Pedro 4:3

Ta ti aldaw a napalabas immanayen a panagaramid iti pagayayatan dagiti Gentil, a panagbiag iti kinaderrep, dagiti tarigagay nga aglablabes, dagiti panagbarbartec, dagiti kinabuklis, dagiti aglablabes a daydaya ken dagiti macarimon a panagrucbab cadagiti ladladawan a didiosen:

Paltiing 18:7

No casano ti panagpasindayagna ken panagbuslonna cadagiti ragragsac casta ti itedyo a tuoc ken sangsangit, ta isu cunana iti pusona: Naisaadac a reina, ken saanac a balo, ket uray caano diacto aglac-am ti ladingit.

1 Samuel 30:16

Ket idi nga isu naisalogna, adtoy, nga isuda addada a naisacnap iti amin a rabaw ti daga, nga agcacaanda ken aginumda, ken agsasalada, a gapu iti amin a naruay a samsam nga innalada iti daga dagiti Filisteos, ken iti daga ti Juda.