San Lucas 11:40 - Ti Biblia (1973)

⁴⁰ Agcacacuneng, ti nagaramid iti akinruar saan aya nga isu met ti nagaramid iti akin-uneg?

Ti Baro a Naimbag a Damag Biblia

⁴⁰ Maagkayo! Ti Dios a nangaramid iti akinruar, saanna aya nga inaramid met ti akin-uneg?

San Lucas 11:40 Iomraidhean Croise

Genesis 1:26

Ket ti Dios kinunana, Aramidentayo coma ti tao iti ladawantayo, cas caaspingtayo: ket iturayanda coma dagiti ic-ican ti taaw, ken dagiti tumatayab cadagiti langit ken dagiti an-animal, ken ti amin a daga, ken dagiti amin nga agcarcarayam nga aguy-uyas iti rabaw ti daga.

Genesis 2:7

Ket ni Jehova Dios binukelna ti tao iti tapuc ti daga, ket impuyotna iti agongna ti anges ti biag; ket ti tao nagbalin a cararua a sibibiag.

Dagiti Salmo 14:1

Ti maag kinunana iti pusona, Awan ti Dios. Isuda agrupsada, nagaramiddan iti nacarurrurod a gapuanan; awan siasino-man nga agaramid iti naimbag.

Dagiti Salmo 33:15

Isu a mangsucog cadagiti puspusoda amin, a mangututob cadagiti amin nga ar-aramidda.

Dagiti Proverbio 1:22

Casano ti capaut ti panangayatyonto iti kinanengneng, dacayo a nanengneng? Ket dagiti managuyaw, ken panaggura dagiti maag iti pannacaammo?

Dagiti Proverbio 8:5

O dacayo a nanengneng, awatenyo ti kinamanakem; ket, dacayo a maag, agmannacaawat cadi ta pusoyo.

Jeremias 5:21

Denggenyo ita daytoy, O maag nga umili, ken awan ti pannacaawatna; nga adda matana, ngem saan a macakita; nga adda lapayagna, ngem saan a macangngeg;

Zacarias 12:1

Ti awit a sao ni Jehova a maipapan iti Israel. Castoy ti cuna ni Jehova, a mangyucrad cadagiti langlangit, ken mangicabil iti pamuon ti daga, ken mangbukel iti espiritu ti tao iti unegna:

Numero 16:22

Ket nagpaclebda ket kinunada, O Dios, a Dios dagiti espiritu ti isu-amin a lasag, macabasolto ti maysa a tao, ket sica pagungtamto iti dagup ti gimong?

San Mateo 23:17

Dacayo a maag ken bulbulsec. Ta ania ti nangnangrona ti balitoc wenno ti Templo a mangsantificar iti balitoc?

San Mateo 23:26

Sica Fariseo a bulsec, ugasam nga umuna ti uneg ti copa ken ti pinggan, tapno ti ruarna madalusan met.

San Lucas 12:20

Ngem kinuna kencuana ti Dios: Nacuneng! ita a rabii masublian a dawaten kenca ti cararuam: ket dagiti adda nga insaganam asinonto ti agtagicua cadacuada?

San Lucas 24:25

Ket kinunana cadacuada: O nacuneng a tattao ken naladaw ti panagpuspusoyo a mamati cadagiti isu-amin a sinao dagiti mammadto!

1 Taga-Corinto 15:36

Nanengneng: ti imulan met laeng saan nga agbiag, no di umuna a matay:

Hebreo 12:9

Ket maysa pay, adda amma ti lasagtayo, isuda a nangdusa cadatayo, ket nagraemtayo cadacuada; dinto nangnangrona a paiturayantayo iti Ama dagiti carcararua, ket agbiagtayo?