San Lucas 11:26 - Ti Biblia (1973)

²⁶ Ket iti casta mapan ket mangala ti sabali a pito nga espiritu a dacdakes ngem isu; ket sumrecda ken agbalayda idiay, ket ti tungpal daytoy a tao rumsua a dacdakes ngem iti immununa.

Ti Baro a Naimbag a Damag Biblia

²⁶ Rummuar ket mangisangpet iti pito nga espiritu a dakdakes pay ngem isu. Kaduana ida nga agnaed sadiay. Iti kasta, dakdakes ti maud-udi a kasasaad dayta a tao ngem ti immuna.”

San Lucas 11:26 Iomraidhean Croise

Sofonias 1:6

Ken dagidiay agbawing iti isusurot ken Jehova; ken dagidiay saan a nagbiruc ken Jehova, wenno saan a nagsaludsud maipapan kencuana.

San Mateo 12:45

Iti casta mapan ket mangala ti icuyugna a sabali a pito nga espiritu a dacdakes ngem isu, ket sumbrecda ken agbalayda sadiay; ket rumsua a dacdakes ti camaudianan a casasaad daydiay a tao ngem iti immuna: casta met ti maaramidto itoy dakes a caputotan.

San Mateo 23:15

Asicayo pay, escriba ken Fariseo, a managinsisingpet! ta lawlawenyo ti baybay ken daga tapno macaalacayo ti maysa a sumurot cadacayo; ket no mapasurotyon pagbalinenyo; a maicari iti infierno a mamindua nga adadda pay ngem dacayo.

San Lucas 11:25

Ket inton umay, masaracanna a nasagadan ken naarcosan.

San Lucas 11:27

Ket naaramid nga idi sasaoenna dagitoy a banag, maysa a babai iti gimong, nagpuccaw ket kinunana ken cuana; Nagasat ti tian a nagawit kenca, ken dagiti suso a sinusoam.

San Juan 5:14

Idi cuan masaracan ni Jesus idiay Templo, ket kinunana kencuana: Adtoy, a napaimbagcan: dica agbasolen, di la ket ta mapasamac kenca ti dacdakes.

1 Juan 5:16

No ti maysa a tao makitana ni cabsatna nga agbasbasol iti maysa a basol a saan a maipaay iti ipapatay, rebbengna nga idawdawat, ket ti Dios iccannanto ti biag; cayatna a sao-en, dagiti agbasol a saan a maipaay iti ipapatay. Adda basol a maipaay iti ipapatay saan a daytoy ti cunac nga idawdawatto.