San Lucas 11:22 - Ti Biblia (1973)

²² Ngem no umay ti napigpigsa ngem isu, ket abakennanto, alaennanto kencuana dagiti isu-amin nga igamna a nagcammatalcanna, ket bingayenna dagiti inabacna.

Ti Baro a Naimbag a Damag Biblia

²² Ngem no rauten ken parmeken ti napigpigsa a lalaki, agawenna amin ti armas a nagtaltalkan ti akimbalay. Kalpasanna, bingbingayenna dagiti tinakawna.

San Lucas 11:22 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

Exodo 15:9

Ti cabusor kinunana, Camatecto, macamacamconto, Iburayconto ti samsam; Ti calicagumco mapnecto cadacuada; Asutecto ti igamco, ti imac dadaelennanto ida.

Isaias 27:1

Iti dayta nga aldaw ni Jehova babaen ti natangken ken dackel ken napigsa a campilan dusaennanto ti leviathan a nasiglat nga uleg, ken ti leviathan a calawikiw nga uleg; ken papatayennanto ti olimaw nga adda iti baybay.

Isaias 53:12

Gapuna nga isu ibingayacto iti sangcaapag cadagiti natan-oc, ket isu bingayennanto ti samsam cadagiti napigsa; gapu ta imbucbocna ti cararuana ken patay, ket naibilang cadagiti managlabsing: nupay casta inawitna ti basol dagiti adu, ken nagaramid iti panangibabaet cadagiti managlabsing.

San Lucas 11:21

No ti napigsa a tao siiigam nga agaywan iti paraanganna, amin dagiti cucuana addada a sitatalged:

San Lucas 11:23

Ti awan caniac, sumalungasing caniac: ket ti saan a makipagurnong caniac, agiwara.

Taga-Efeso 6:11

Icawesyo ti amin a cabal a nadiosan tapno mabalinyo ti agtalinaed a bumusor cadagiti pangal-lilaw ti sairo.

Taga-Efeso 6:13

Gapuna, alaenyo ti amin a cabal a nadiosan, tapno mabalinyo ti sumarikedked inton dakes nga aldaw, ket inton naisaganayon amin, addacayo a sititibker.

Taga-Colosas 2:15

Idi nga inabacna, dagiti kinaturay ken dagiti pannacabalin, imparangna iti napatac, ti panagballigina cadacuada iti cruzna.

1 Juan 3:8

Ti agaramid iti basol cucua ti diablo, ta nanipud idi damo, ti diablo agbasbasol. Gapu itoy a panggep naiparangarang ti Anac ti Dios, tapno pucawenna dagiti ar-aramid ti diablo.

1 Juan 4:4

Dacayo tattaonacayo ti Dios, annacco a dongdongngoen, ket inabacyo ida; ta dacdackel daydiay adda cadacayo, ngem ti adda iti lubong.