San Lucas 11:13 - Ti Biblia (1973)

¹³ No ngarud no dacayo, idinto a dakescayo, ammoyo ti mangted cadagiti nasayaat a sagsagut cadagiti annacyo, dinto aya nangnangrona ni Amayo a nailangitan a mangtedto ti Espiritu Santo cadagiti agdawat kencuana?

Ti Baro a Naimbag a Damag Biblia

¹³ No dakayo, idinto a dakeskayo, ammoyo ti mangted iti naimbag kadagiti annakyo, dinto ket ad-addan ti pannangted ti Ama sadi langit iti Espiritu Santo kadagiti agdawat kenkuana!”

San Lucas 11:13 Iomraidhean Croise

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

Dagiti Salmo 51:5

Adtoy a nayanacac iti kinadakes; ket iti basol impasngaynac ni inac.

Dagiti Proverbio 1:23

Taliawenyo cadi toy panangtubngarco: Adtoy, iparucpocconto ti espirituc cadacayo; ipacaammocto dagiti saoc cadacayo.

Isaias 49:15

Mabalinan aya ti maysa a babai a lipatan ti maladagana nga agsuso, a dina ket coma caasian ti anac ti aanacanna? wen, dagitoy mabalin a macalipatda, ngem saanac a macalipat kenca.

Ezekiel 36:27

Ket isaadconto ti Espirituc iti unegyo, ket papagnaencayto cadagiti linlintegco, ket tungpalenyonto digiti bilbilinco, ken aramidenyo ida.

Joel 2:28

Ket maaramidto iti calpasanna, nga ibucbocconto ti Espirituc iti amin a lasag; ket dagiti annacyo a lallaki ken babbai agipadtodanto, dagiti lallacayyo agtagtagainepdanto cadagiti tagtagainep; dagiti agtutuboyo a lallaki macakitadanto cadagiti sirsirmata:

San Mateo 5:16

Casta coma ti panaglawag ti silawyo iti sangoanan dagiti tao; tapno makitada dagiti naimbag nga aramidyo, ket dayawenda coma ni Amayo nga adda sadi langit.

San Mateo 5:45

Tapno annacnacayo ni Amayo nga adda sadi langit, ta paruarenna ti initna cadagiti dakes ken cadagiti naimbag ket pagtudoenna cadagiti nalinteg ken nakil-lo.

San Mateo 6:14

Ta no pacawanenyo dagiti tao cadagiti pammaldaangda, pacawanennacayto met ni Amayo a nailangitan.

San Mateo 6:30

Ket no ti Dios casta ti panangawesna iti root cadagiti cataltalonan nga ita agbiag, ket inton bigat maisungrod iti dalican. Saan aya a nangnangrona a dacayo ti cawesannanto, O dacayo a bassitan pammati?

San Mateo 6:32

Ta dagiti Gentil ipangpangronada a sapulen amin dagitoy a banbanag a ni Amayo a nailangitan ammona ti pannacasapulyo amin cadagitoy.

San Mateo 7:11

Ngarud no dacayo, idinto a dakescayo, ammoyo ti mangted cadagiti nasayat a sagsagut cadagiti annacyo, Saan aya a nangnangrona pay ni Amayo nga adda sadi langit, a mangtedto cadagiti nasayaat a banbanag cadagiti agdawat kencuana?

San Lucas 11:12

Wenno, no dumawatto ti maysa nga itlog, itednanto kencuana ti maysa a manggagama?

San Lucas 11:2

Ket kinunana cadacuada: No agcararagcayo, cunayo: Amami, (nga addaca sadi langit.) Madaydayaw coma ti naganmo. Umay coma ti pagariam. (Maaramid coma ti pagayatam, no casano idiay langit, casta met ditoy daga.)

San Lucas 18:7

Ket ti Dios dinanto aramiden aya ti kinalinteg cadagiti pinilina, nga umawawag kencuana iti aldaw ken rabii, ket addanto anusna cadacuada?

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

Dagiti Aramid 2:38

Ket ni Pedro kinunana cadacuada: Agbabawicayo, ken mabautizaran ti tunggal maysa cadacayo iti nagan ni Jesu-Cristo a maipaay iti pannacaiccat dagiti basbasolyo; ket awatenyonto ti parangcap ti Espiritu Santo.

Taga-Roma 5:17

Ta no ti ipapatay nagari gapu iti basol daydi maysa, nangnangrona pay, a dagiti immawat iti kinawadwad ti parabur ken ti sagut ti kinalinteg, agaridanto iti biag gapu iti sabali, nga isu ni Jesu-Cristo.

Taga-Roma 7:18

Ta ammoc a saan nga agnaed ti naimbag a banag caniac, cayatco a sao-en, iti lasagco; ta ti panagpanggep nalaca caniac, ngem ti panagtungpal iti naimbag, awan.

Taga-Roma 8:32

Daydi saan a nangipaidam iti Anacna met laeng, no di ket inyawatna gapu cadatayo amin, dina aya iparaburto cadatayo dagiti amin a banbanag a mairaman kencuana?

Tito 3:3

Ta nacunengtayo met idi naminsan, nasukir, naal-lilaw, a nagtulnogtayo cadagiti nadumaduma a kinagaramugam ken ragragsac; a nagbiagtay iti kinadakes ken apal, a mannakigura a naggiginnuratayo.