San Lucas 11:1 - Ti Biblia (1973)

¹ Ket naaramid nga idi adda iti maysa a disso nga agcarcararag, ken idi nalpas, maysa cadagidi adalanna kinunana kencuana: Apo, isuronacami nga agcararag a cas met ti panangisuro ni Juan cadagiti adalanna.

Ti Baro a Naimbag a Damag Biblia

¹ Iti maysa nga aldaw, agkarkararag ni Jesus iti maysa a lugar. Idi malpasen, kinuna ti maysa kadagiti adalanna, “Apo, isuronakami man nga agkararag, kas iti panangisuro ni Juan kadagiti adalanna.”

San Lucas 11:1 Iomraidhean Croise

Dagiti Salmo 10:17

Jehova, nangngegmo ti calicagum dagiti naemma: saganaemto dagiti pusoda, iyemdengmonto ta lapayagmo a dumngeg;

Dagiti Salmo 19:14

Dagiti sasao toy ngiwatco ken ti pampanunot toy pusoc, maawatda cadi ita saclangmo, O Jehova, batoc, ken manubbot caniac.

San Lucas 10:42

Ngem maysa a banag ti masapul. Ni Maria pinilina ti nasayaat a bagi, isu a dinto maiccat kencuana.

San Lucas 11:2

Ket kinunana cadacuada: No agcararagcayo, cunayo: Amami, (nga addaca sadi langit.) Madaydayaw coma ti naganmo. Umay coma ti pagariam. (Maaramid coma ti pagayatam, no casano idiay langit, casta met ditoy daga.)

San Lucas 6:12

Ket napasamac cadagidi nga aldaw nga immuli iti bantay nga agcararag, ket nagpatnag iti panagcararagna iti Dios.

San Lucas 7:13

Ket idi nakita ti Apo nakipagricna ket kinunana kencuana: Dica agsangit.

San Lucas 7:19

Ket idi inayaban ni Juan dagiti dua cadagiti adadalanna, imbaonna ida iti Apo, tapno cunaenda: Sica daydi unay wenno urayenmi ti sabali?

San Lucas 9:18

Ket naaramid nga idi agcarcararag a maymaysa, addada dagiti adalanna; ket inintuudna cadacuada a kinuna: Asinoac iti panagcuna dagiti adu a tao?

San Lucas 9:28

Ket iti agwalo nga aldaw iti calpasan dagitoy a sasao incuyogna ni Pedro ken ni Juan ken ni Santiago, ket ummuli iti bantay a nagcararag.

Hebreo 5:7

Isu, a cadagidi aldaw ti panaglasagna, idinto a nangidaton cadagiti carcararag ken dawdawat a nabuyugan iti nasged nga araraw ken lulua, iti daydiay macabalin idi a mangispal kencuana iti ipapatay; ket idinto a naipangag gapu iti nadiosan nga amacna,

San Judas 1:20

Ngem dacayo, cacabsat, rumang-aycayo iti nasantoan unay a pammatiyo, nga agcarcararagcayo iti Espiritu Santo.