San Lucas 10:42 - Ti Biblia (1973)

⁴² Ngem maysa a banag ti masapul. Ni Maria pinilina ti nasayaat a bagi, isu a dinto maiccat kencuana.

Ti Baro a Naimbag a Damag Biblia

⁴² Ngem maysa laeng ti masapul. Pinili ni Maria ti kasayaatan ket saanto a maikkat kenkuana.”

San Lucas 10:42 Iomraidhean Croise

Dagiti Salmo 119:111

Dagiti pamanecnecmo inawatco ida a cas tawid nga agnanayon; ta isuda ti ragrag-o toy pusoc.

Dagiti Salmo 119:173

Ta imam sisasagana cadi a mangarayat caniac; ta pinilic dagiti al-alagadem.

Dagiti Salmo 119:30

Pinilic ti dalan ti kinamanagtalinaed: dagiti pagbilbilinam incabilco ditoy sangoc.

Dagiti Salmo 142:5

Imkisac kenca, O Jehova; kinunac, Sica ti camangco, eppegco ditoy daga dagiti sibibiag.

Dagiti Salmo 17:15

Ngem no caniac, imatangacto ta rupam iti naincalintegan; mapnecacto, no agriingac, nga agbuybuya ita langam.

Dagiti Salmo 27:4

Maysa a banag ti dinawatco ken Jehova, isu a birokecto; ti panagtaengco coma iti balay ni Jehova iti dagup dagiti al-aldaw ti biagco, tapno agbuybuyaac iti sayaat ni Jehova, ken imutectecac iti uneg ti templona.

Dagiti Salmo 73:25

Siasino ti tagicuaec sadi langit no saan a sica? Ket awan ditoy rabaw ti daga ti aniaman a tarigagayac no saan a sica.

Eclesiastes 12:13

Daytoy isu ti pagbanagan ti panggep: amin nangngegan: Agbutengca iti Dios, ket salimetmetam dagiti bilbilinna; ta daytoy isu ti dagup ti rebbeng ti tao.

San Marcos 8:36

Ta ania ti malac-am ti tao iti pannacaalana iti amin a lubong, ket mapucawnamet ti biagna?

San Lucas 10:39

Ket daytoy adda maysa a cabsatna, a managan Maria, isu a timmugaw met iti sacaanan ni Jesus ket nagdengngeg ti saona.

San Lucas 11:1

Ket naaramid nga idi adda iti maysa a disso nga agcarcararag, ken idi nalpas, maysa cadagidi adalanna kinunana kencuana: Apo, isuronacami nga agcararag a cas met ti panangisuro ni Juan cadagiti adalanna.

San Lucas 12:20

Ngem kinuna kencuana ti Dios: Nacuneng! ita a rabii masublian a dawaten kenca ti cararuam: ket dagiti adda nga insaganam asinonto ti agtagicua cadacuada?

San Lucas 12:33

Ilacoyo dagiti cucuayo, ket mangtedcayo ti limos; agaramidcayo ti supsupotyo a di agdaan, maysa a gameng a saan nga mapucaw cadagiti langlangit, isu a di maasitgan ti mannanacaw ken di met dadaelen ti sanga.

San Lucas 16:2

Ket isu inayabanna ket kinunana kencuana: Ania daytoy a nadamagco a maipapan kenca? Idatagmo ti panagaywanmo, ta dicanto mabalinen ti agmayordomo.

San Lucas 16:25

Ngem kinuna kencuana ni Abraham: Anac, laglagipem nga inawatmon dagiti nam-aymo idi panagbiagmo, ket ni Lazaro casta met inawatna dagiti rigat; ngem ita isu malioliwa ditoy, ket sica matutuocca.

San Lucas 18:22

Ket ni Jesus, idi mangngegna daytoy, kinunana kencuana: Agcurangca pay ti maysa a banag: ilacom ti isu-amin a cucuam ket itedmo cadagiti napanglaw, ket addanto gamengmo sadi langit, ket umayca, surutennac.

San Lucas 8:18

Imdenganyo ngarud cas mangngegyo; ta siasinoman nga addaan, maicanto pay, ket siasinoman nga awanan, uray ti panpanunutenna a cucuana, maiccatto pay.

San Juan 11:1

Ket masakit idi ti maysa a tao, ni Lazaro, taga Betania, a puroc da Maria ken ni cabsatna a Marta.

San Juan 11:19

Ket adu cadagiti Judio ti immay cada Marta ken ni Maria, tapno liuliwaenda ida maipoon ken ni cabsatda.

San Juan 12:3

Ni Maria ngarud nangala ti maysa a libra ti bangbanglo a napulpulos a nardo, a napateg unay ket sinapsapoanna dagiti sacsaca ni Jesus, ket pinunasanna ida cadagidi boocna: ket ti balay napno ti ayamuum daydi bangbanglo.

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

San Juan 5:24

Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

San Juan 6:27

Agtrabajocayo, saan a gapu ti taraon a mapucaw, no di ket gapu iti taraon a mataginayon a maipaay iti biag nga agnanayon, nga itedto cadacayo ti Anac ti tao: ta isu pinanecnecan ti Ama a Dios.

1 Taga-Corinto 13:3

Ket no iwarasco coma dagiti isu-amin a cucuac tapno maipacan cadagiti napanglaw, ket no yawatco coma toy bagic tapno mapuuran, ngem awan ti ayatco, awan coma ti magonggonac.

Taga-Galacia 5:6

Ta ken Cristo Jesus uray ti pannacacugit, uray pay met ti saan a pannacacugit awan ti pannacabalinda no di ket ti pammati nga agaramid gapu iti ayat.

Deuteronomio 30:19

Awagac ti langit ken ti daga a pagsacsi iti maicaniwas kenca ita nga aldaw nga incabilco iti sangom ti biag ken ti patay, ti bendicion ken ti lunod: isu ti gapuna a piliem ti biag tapno agbiagca, sica ken ti putotmo;

Josue 24:15

Ket no dakes ti panangipagarupyo iti panagservi ken Jehova, agpilicayo ita nga aldaw no siasino ti pagservianyonto: no ketdi dagiti didios a nagservian idi dagiti ammayo idi addada dita ballasiw ti Carayan, wenno cadagiti didios dagiti Amorreos, a ti dagada pagtaenganyo: ngem siac ken ti balayco agservicamto ken Jehova.

Josue 24:22

Ket ni Josue kinunana iti ili, Dacayo dagiti macasacsi a maibusor cadacayo met laeng a dacayo piniliyo cadacayo ni Jehova, nga isu ti pagservianyo. Ket isuda kinunada, Dacami dagiti macasacsi.