San Lucas 10:21 - Ti Biblia (1973)

²¹ Idi met la nga horas ni Jesus nagragsac iti Espirituna ket kinunana: Agyamanac kenca, Ama, Apo ti langit ken daga, ta inlimedmo dagitoy a banag cadagiti mamasirib ken mannacaaw-at ket imparangarangmo ida cadagiti babassit; wen, Ama, ta casta ti nacaayayo iti imatangmo.

Ti Baro a Naimbag a Damag Biblia

²¹ Iti dayta met laeng nga oras, napno ni Jesus iti rag-o babaen ti Espiritu Santo. Kinuna ni Jesus, “Agyamanak kenka, Ama, sika nga Apo ti langit ken daga, ta impakaammom kadagiti awan adalna ti inlimedmo kadagiti mamasirib ken kadagiti nasaririt. Wen, Ama, ta kasta ti nagayatam a maaramid.

San Lucas 10:21 Iomraidhean Croise

Dagiti Salmo 24:1

Ti daga cucua ni Jehova, ken amin nga adda kencuana; ti lubong, ken dagiti agnaed kencuana.

Dagiti Salmo 25:14

Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

Dagiti Salmo 8:2

Manipud iti ngiwat dagiti maladaga ken agsusu binangonmo ti pigsa, maipanggep cadagiti sumuppiat kenca, tapno pagulimekem coma ti cabusor ken ti manangibales.

Isaias 29:14

Gapuna, adtoy, baliwacto nga aramiden ti maysa a nacascasdaaw nga aramid iti tengnga daytoy nga ili, maysa met laeng a nacascasdaaw nga aramid ken datdatlag; ket ti kinasirib dagiti tattaoda a mamasirib mapucawto, ken ti pannacaawat dagiti tattaoda a manakem mailemmengto.

Isaias 35:8

Ket addanto idiay ti maysa a calsada, ken maysa a dalan, ket managanto Iti dalan ti kinasanto; ti saan a nadalus saanto a magna kencuana; no di ket isu maipaayto iti nasubbot; dagiti agbariwas a tattao, wen tattao a maag, didanto mayawawan idiay.

Isaias 53:11

Makitananto ti panagrigat ti cararuana, ket mapnecto; gapu iti pannacaammo kencuana met laeng ti nalinteg nga adipenco palintegennanto dagiti adu; ken isu awitennanto dagiti kinadangkesda.

Isaias 62:5

Ta cas ti agtutubo a lalaki mangasawa iti maysa a virgen, castanto ti panangasawa kenca dagiti annacmo a lallaki; ket cas ti novio agragrag-o iti novia, castanto ti panagrag-o ti Dios kenca.

Isaias 66:1

Castoy ti cuna ni Jehova, Ti langit isu ti tronoc, ket ti daga isu ti pagbatayan dagiti sacsacac: ania a kita ti balay ti bangonenyonto a maipaay caniac? ken anianto a disso ti paginanaac?

Sofonias 3:17

Ni Jehova a Diosmo adda iti nagtengngaam, ti maingel a mangisalacanto; agrag-onto kenca a mabuyugan iti panagragragsac; aginananto iti ayatna; agragsacto kenca a mabuyugan iti panagcancanta.

San Mateo 16:17

Ket simmungbat ni Jesus, ket kinunana kencuana: Nagasatca, Simon, anac ni Jonas; ta saan nga ti lasag wenno dara, ti nangipaltiing kenca no di ket ni Amac nga adda sadi langit.

San Mateo 21:16

Ket kinunada kencuana: Mangngegmo ti sasaoen dagitoy? Cuna cadacuada ni Jesus: Wen, uray caano saanyo aya a nabasa daytoy: Iti ngiwat dagiti maladaga ken dagiti agsussuso, inananaymo ti pannacaidayaw?

San Mateo 3:7

Ngem idi nakitana dagiti adu cadagidi Fariseo ken Saduceo nga um-umay iti pammautizarna, kinunana cadacuada: Dacayo caputotan dagiti carasaen. Asino ti namalacad cadacayo a pumanaw iti pungtot nga umayto?

San Marcos 10:15

Pudno cunac cadacayo, a ti saan nga umawatto iti pagarian, ti Dios a cas la maysa nga ubing, dinto sumrec kencuana.

San Lucas 15:5

Ket inton masaracannan icabilna a siraragsac cadagiti abagana.

San Lucas 15:9

Ket inton mabirucanna, urnongenna dagiti ingngana ken cacaarubana, a cuncunana: Makipagragsaccay caniac, ta nasaracac ti dracma a napucawco.

San Juan 11:41

Iniccatda ngarud ti bato. Ket ni Jesus, intangadna dagiti matana, ket kinunana: Ama, agyamanac kenca ta impangagnac.

2 Taga-Corinto 4:3

Ket no ti evangeliomi naabbongan pay laeng, naabbongan a maipaay cadagiti mapucaw:

Taga-Efeso 1:11

Isu met a nacaaramidantayo a sanicuana, idinto a natudingantay idi, cas ti panggep daydiay agararamid cadagiti isu-amin a banag cas mayalubog iti nakemna met laeng:

Taga-Efeso 1:5

Idinto a iti ayat tinudingannatayo idi damo a maibilang nga annacna gapu ken Jesu-Cristo, a maipaay met la kencuana, cas ti pagayatan ti nakemna,