San Lucas 10:20 - Ti Biblia (1973)

²⁰ Ngem dicay agayayat iti daytoy, a dagiti espiritu paiturayanda cadacayo; agayayatcay ketdi ta dagiti nagnaganyo naisuratdan idiay langit.

Ti Baro a Naimbag a Damag Biblia

²⁰ Ngem saankayo koma nga agragsak gapu ta agtulnog dagiti dakes nga espiritu kadakayo. Agragsakkayo ketdi ta naisurat dagiti nagnaganyo sadi langit.”

San Lucas 10:20 Iomraidhean Croise

Paltiing 20:15

Ket no ti siasinoman saan a nasaracan a naisurat iti pagbasaan ti biag, naitappuac idiay danaw nga apuy.

Paltiing 20:12

Ket nakitac dagiti natay, babassit ken dadackel, a nagtatacder iti sangoanan di trono; ket nabistrad dagiti pagbasaan; nabistrad met ti sabali a pagbasaan, nga isu ti pagbasaan ti biag, ket dagiti natay naocomda cadagiti banbanag a naisurat cadagiti pagbasaan cas mayannurot cadagiti aramidda.

Paltiing 21:27

Ket saanto a sumrec kencuana uray caano ti aniaman a narugit, wenno uray siasino nga agaramid ti macarimon wenno ulbod; no di laeng dagidiay adda a naisurat iti pagbasaan ti biag a cucua ti Cordero.

Hebreo 12:23

Iti gimung a sapasap, ken Iglesia dagiti inauna nga annac, a nailanad ti naganda idiay langit, ken iti Dios nga Ocom dagiti isu-amin, ken cadagiti espiritu dagiti nalinteg, a naaramidda nga awan pagcurangandan,

Paltiing 3:5

Ti agbal-liginto castoyto a macawesan cadagiti pagananay a puraw; ket uray caano diacto punasen ti naganna iti libro ti biag, no di ket ipaduyacyacconto ti naganna iti sangoanan ni Amac ken dagiti angelna.

Daniel 12:1

Ket iti dayta a pannawen agtacderto ni Miguel, a dackel a principe, isu nga agtacder a maipaay cadagiti annac ti ilim; ken addanto pannawen ti riribuc, isu nga awan idi uray caanoman nanipud iti caadda ti nacion agingga met laeng iti dayta a pannawen: ket iti dayta a pannawen ti ilim maispalto, tunggal maysa a masaracto a naisurat iti libro.

Ezekiel 13:9

Ket ti imac bumusorto cadagiti mammadto nga agkita cadagiti ulbod a sirmata, ken agipadles cadagiti tiri: isuda awandanto iti gimong ti ilic, ket saandanto met a maisurat iti registro ti balay ti Israel, ket didanto met macastrec iti daga ti Israel; ket mabigbigyonto a siac ni Apo Jehova.

Exodo 32:32

Nupay casta ita, no pacawanem ti basolda—; ket no saan, punasennac, dawatec kenca, iti libro a sinuratam.

Taga-Filipos 4:3

Ket dawatec kenca met, matalec a catulongan, a tulungam coma dagitoy a babbai, isuda a nakipagbannog caniac iti evangelio, agraman met ken Clemente, ken cadagiti dadduma pay a catulongac, a dagiti nagnaganda addada iti libro ti biag.

Paltiing 13:8

Ket isu-amin dagiti agnaed iti rabaw ti daga pagdaydayawandanto, dagidiay saan a naisurat dagiti nagnaganda iti libro ti biag ti Cordero a napapatay, nanipud idi pannacabangon toy lubong.

Isaias 4:3

Ket maaramidto, a ti mabati idiay Sion, ken ti matda idiay Jerusalem, managananto a nasantoan, ti tumunggal maysa a naisurat cadagiti agbibiag idiay Jerusalem;

Dagiti Salmo 69:28

Mapunasda coma iti libro ti biag, ket saanda a mailista cadagiti nalinteg.

San Mateo 10:1

Ket idi nga inayabanna dagiti sangapulo ket dua nga adalanna, iniccanna ida ti pannacabalin cadagiti espiritu a narugit, tapno pagtalawenda ida, ket paimbagenda ti amin a kita ti sakit ken amin a kita ti anannayen.

San Mateo 26:24

Toy anac ti tao mapan a pudno cas iti adda a naisurat kencuana: ngem, asi pay dayta tao a gapu kencuana maiyawatto toy Anac ti tao! naimbag coma iti dayta a tao no saan coma a nayanac.

San Mateo 27:5

Ket imbacalna dagiti pirac iti uneg ti santuario ket pimmanaw, ket napan, ket nagbitay.

Jeremias 17:13

O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.

Paltiing 17:8

Daydiay animal a nakitam, isu ti adda idi ket awan ita, ket nganngani rummuar iti mangliwengliweng, ken mapan iti pacapucawan. Ket dagiti agnaed iti rabaw ti daga, a dagiti nagnaganda saanda a naisurat iti pagbasaan ti biag nanipud idi pannacabangon toy lubong agsiddaawdanto inton makitada ti animal, no casano ti caaddana idi, ket awan ita ken caaddananto.