San Lucas 10:16 - Ti Biblia (1973)

¹⁶ Ti dumngeg cadacayo, denggennac; ket ti mamagtalaw cadacayo, pagtalawennac, ket ti mamagtalaw caniac, pagtalawenna ti nangibaon caniac.

Ti Baro a Naimbag a Damag Biblia

¹⁶ Kinuna ni Jesus kadagiti adalanna, “Ti siasinoman a dumngeg kadakayo, siak ti denggenna. Ngem ti saan nga umawat kadakayo, siak ti saanna nga awaten. Ket ti saan nga umawat kaniak, ti nangibaon kaniak ti saanna nga awaten.”

San Lucas 10:16 Iomraidhean Croise

Exodo 16:7

Ket intono bumigat, makitayonto ngarud ti dayag ni Jehova, gapu ta mangngegna dagiti dandanengdengyo a maicaniwas ken Jehova: ket siasino cami aya nga danengdenganyo iti maibusor cadacami?

Exodo 16:8

Ket ni Moises kinunana, Daytoy ti maaramidto, no iccannacayonto ni Jehova no rumabii iti lasag a macan, ken iti bumigat ti tinapay a cacapnec; gapu ta ni Jehova mangngegna dagiti dandanengdengyo a panangdanengdengyo iti maicaniwas kencuana: ket siasinocami aya? dagiti tantanabutobyo saanda a maicaniwas cadacami no di ket maicaniwas ken Jehova.

Malakias 1:6

Ti anac a lalaki dayawenna ni amana, ket ti adipen iti apona: no siac ngarud ti ama, sadino ti yan ti pannacadayawco? ket no siac ti apo, sadino ti yan ti panagbuteng caniac? cuna ni Jehova dagiti buybuyot cadacayo, O papadi, a manglalais iti naganco, ket dacayo cunaenyo, Iti ania ti nanglaisanmi iti naganmo?

Numero 14:11

Ket ni Jehova kinunana ken Moises, Casanonto ti cabayag ti panangumsina caniac daytoy nga ili? Casanonto ti cabayag ti dida pammati caniac, gapu cadagiti amin a pagilasinan nga inaramidco iti tengngada?

Numero 14:2

Ket amin nga annac ti Israel nagdanengdengda iti maicaniwas ken Moises, ken maicaniwas ken Aaron: ket ti dagup ti gimong kinunada cadacuada, Dicami coma ket natay iti daga nga Egipto! wenno dicami coma ket natay ditoy a let-ang!

Numero 16:11

Isu ti gapuna a sica ken amin a cadduam nagtitiponcayo a naummong a bumusor ken Jehova: ket ni Aaron, Siasino aya a pagdanengdenganyo iti maibusor kencuana?

San Mateo 10:40

Ti umawat cadacayo, siac ti awatenna; ket ti umawat caniac awatenna ti nangibaon caniac.

San Mateo 18:5

Ket uray siasino nga umawatto iti maysa a casta nga ubing iti naganco, awatennac:

San Marcos 9:37

Siasinoman nga umawatto a gapu iti naganco iti maysa cadagiti cacastoy nga ubbing, siac ti awatenna; ket ti umawat caniac, saan a siac ti awatenna, no di daydiay nangibaon caniac.

San Lucas 9:48

Ket cunana cadacuada: Uray siasino nga umawatto itoy ubing iti naganco, awatennacto; ket uray siasino nga umawat caniac, awatenna ti nangibaon caniac; ta ti canumoan cadacay amin, isu met laeng ti cangatoan.

San Juan 12:44

Ket ni Jesus nagpucaw ket kinunana: Ti mamati caniac, saan a siac ti patienna no di ti nangibaon caniac.

San Juan 12:48

Ti tumal-licod caniac ket dina awaten dagiti saoc adda mangocom kencuana; ti sao nga insaoc isu ti mangocomto kencuana iti camaudianan nga aldaw.

San Juan 13:20

Pudno, pudno, cunac cadacayo, ti umawat iti ibaonconto, siac ti awatenna; ket ti umawat caniac, awatenna ti nangibaon caniac.

Dagiti Aramid 5:4

No di coma nalaco, di coma natda kenca? ket uray nalaco, saan aya nga adda iti biangmo? Apay nga inawatmo daytoy a banag ita pusom? Saanca a nagulbod cadagiti tao, no di ket iti Dios.

Taga-Galacia 4:14

Ket dicay inum-umsi ken dicay naglicudan daydi pacasuutanyo idi iti lasagco; no diket inawatdac a cas maysa nga angel ti Dios, a cas ken Cristo Jesus.

1 Taga-Tesalonica 4:8

Gapuna, dagiti sumukir, saan a tao ti paidenda, no di ket ti Dios, isu a mangted cadacayo ti Santo nga Espirituna.