San Lucas 10:13 - Ti Biblia (1973)

¹³ Asica pay, Corazin Asica pay Betsaida! ta no idiay Tiro ken Sidon naaramid coma dagiti datdatlag a naaramid cadacayo, nabayag coman a nagbabawida, a nagcawes ti nakersang a lupot ken nagtugaw iti dapo.

Ti Baro a Naimbag a Damag Biblia

¹³ “Asikanto pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida kadagiti basbasolda babaen iti panagtugawda a sikakawes iti nakersang a lupot ken panangiwarakiwakda iti dapu kadagiti bagbagida.

San Lucas 10:13 Iomraidhean Croise

Ti Libro ni Job 42:6

Gapuna a guraec ti bagic, ket agbabawiac iti tapoc ken dapdapo.

Isaias 61:3

A mangipaay cadagidiay nga agdung-aw idiay Sion, a mangted cadacuada iti balangat iti lugar ti dapu, ti lana ti rag-o iti lugar ti dung-aw, ti pagan-anay ti dayaw iti lugar ti espiritu ti ladingit; tapno managananda coma caycayo ti kinalinteg, ti panagmulmula ni Jehova, tapno madaydayaw coma.

Ezekiel 26:1

Ket naaramid idi maicapul-lo ket maysa a tawen, iti umuna nga aldaw ti bulan, a ti sao ni Jehova dimteng caniac, a kinunana,

Daniel 9:3

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Amos 1:9

Castoy ti saoen ni Jehova: Maipuon iti tallo a salungasing ti Tiro, wen, maipuon iti uppat, diacto ibawing ti dusana; gapu ta inyawatda ti amin nga umili iti Edom, ket dida linagipen ti naincabsatan a tulag.

1 Timoteo 4:2

Gapu iti pinaginsisingpet dagiti agsao cadagiti ulbod, idinto a timmangken ti concienciada, a cas la namarcaan ti landoc a bumarbara;

Paltiing 11:3

Ket itdecto ti palubos cadagiti dua a sacsic, ket agipadtodanto cadagiti sangaribo dua gasut ket innem a pulo nga aldaw, a sipapanesda cadagiti lupot a nakersang.