San Lucas 1:9 - Ti Biblia (1973)

⁹ Cas ugali ti kinapadi napagasatan a sumrec iti Templo ti Apo a mangidaton iti incienso.

Ti Baro a Naimbag a Damag Biblia

⁹ Kas kadawyan dagiti papadi, nagbibinnunotda no siasino ti sumrek iti Templo ti Apo a mangpuor iti insenso iti altar. Napagasatan ni Zacarias ket simrek iti Templo ti Apo.

San Lucas 1:9 Iomraidhean Croise

1 Cronicas 23:13

Dagiti annac a lallaki ni Amram: da Aaron ken Moises; ket nailasin ni Aaron, tapno mangsantificar cadagiti casasantoanan a banbanag, isu ken dagiti annacna a lallaki, iti agnanayon, tapno agpuurda iti incienso iti sango ni Jehova, tapno agannongda kencuana, ken tapno mangbendicionda iti naganna iti agnanayon.

1 Cronicas 6:49

Ngem ni Aaron ken dagiti annacna a lallaki indatagda iti rabaw ti altar ti daton a mapuuran, ken iti rabaw ti altar ti incienso, a maipaay iti amin nga aramid iti, casantoan unay a disso, ken mangaramid iti pannacaicappia a maipaay iti Israel, a cas mayannurot iti amin nga imbilin ni Moises nga adipen ti Dios.

2 Cronicas 26:16

Ngem idi nga isu napigsa, ti pusona nagpalangguad, iti casta nga isu nagaramid a sidadangkes, ket sinalungasingna ni Jehova a Diosna; ta napan iti templo ni Jehova tapno puuranna ti incienso iti rabaw ti altar.

2 Cronicas 29:11

Annacco, saancayo coma a naliway; ta ni Jehova pinilinacayo nga agtacder iti sangona, nga agannong kencuana, ken tapno dacayo coma dagiti ministrosna, ken puuranyo ti incienso.

Numero 16:40

Nga isu ti panglaglagipan a maipaay cadagiti annac ti Israel, tapno awan ti gangannaet a saan a putot ni Aaron nga umasideg a mamasged iti incienso iti sango ni Jehova; tapno saan coma a cas ken Core, ken cas cadagiti cadduana: cas imbaga ni Jehova kencuana nga inaramatna ni Moises.

San Mateo 27:5

Ket imbacalna dagiti pirac iti uneg ti santuario ket pimmanaw, ket napan, ket nagbitay.

Hebreo 9:6

Ket idi dagitoy a banbanag naisaganada a castoy, dagiti papadi cancanayon a sumsumrecda idi immuna a tabernaculo, tungpalenda ti panagservi iti Dios;

1 Samuel 2:28

Ket saan aya nga isu ti pinilic cadagiti isu-amin a capcaputotan ti Israel tapno isu coma ti padic, nga umuli iti altarco, a mangpuur iti incienso, a mangicawes iti maysa nga efod iti saclangco? Ket saanco aya nga inted iti balay ni amam dagiti amin a datdaton a maaramid iti apuy dagiti annac ti Israel?