San Lucas 1:8 - Ti Biblia (1973)

⁸ Ket naaramid nga idi madama nga agannong iti kinapadina iti pannacabatangna iti sangoanan ti Dios,

Ti Baro a Naimbag a Damag Biblia

⁸ Iti maysa nga aldaw, dimteng ti batang ti bunggoy ni Zacarias nga agserbi iti Templo, ket madama nga ar-aramidenna ti rebbengna a kas padi.

San Lucas 1:8 Iomraidhean Croise

1 Cronicas 24:19

Dagitoy idi ti ornosda iti panagservida, tapno sumrecda iti balay ni Jehova a mayalubog iti annuroten a naited cadacuada gapu ken ni Aaron nga amada, cas ni Jehova ti Dios ti Israel, imbilinna kencuana.

1 Cronicas 24:2

Ngem da Nadab ken Abiu natayda iti sango ni amada, ket awananda cadagiti annac: gapuna a da Eleazar ken Itamar tinungpalda ti akem ti padi.

2 Cronicas 11:14

Ta dagiti Levitas pinanawanda dagiti cabangibangda ken iti cucuada, ket napanda idiay Juda ken Jerusalem: ta ni Jeroboam ken dagiti annacna a lallaki pinaruarda ida, tapno saanda coma nga agannong iti akem ti padi ken Jehova;

2 Cronicas 31:19

Castamet maipaay cadagiti annac a lallaki ni Aaron a padi nga adda idi cadagiti taltalon dagiti palpalosot dagiti il-ilida, iti tunggal ili adda idi dagiti lallaki a nainagananda, tapno mangted cadagiti ap-apag cadagiti amin a lallaki cadagiti papadi, cadagiti amin a naibilang idi cadagiti capuonan dagiti Levitas.

2 Cronicas 31:2

Ket ni Ezekias dinutocanna dagiti pannacadasdasig dagiti papadi ken Levitas a mayannurot cadagiti pannacadasdasigda, tunggal tao a mayalubog iti annongna, dagiti papadi ken Levitas nga agpadpada, gapu cadagiti datdaton a mapuuran ken gapu cadagti datdaton ti cappia, tapno agannong, ken tapno mangted iti panagyaman, ken agdaydayaw iti uneg dagiti ruangan ti pacarso ni Jehova.

2 Cronicas 8:14

Ket tinudinganna, a mayalubog iti impaannurot ni David nga amana, dagiti pannacadasdasig dagiti papadi iti panagservicioda, ken dagiti Levitas cadagiti akemda, nga agdayaw, ken agannong iti sango dagiti papadi, a cas masapul ti rebbeng iti tunggal aldaw; dagiti agaywan ti ruangan met cadagiti pannacadasdasigda iti tunggal ruangan: ta casta ti imbilin ni David a lalaki ti Dios.

ESDRAS 6:18

Ket insaadda dagiti papadi cadagiti pannacabingbingayda, ken dagiti Levitas cadagiti pannacadasdasigda, a maipaay ti panagservi iti Dios, nga adda idiay Jerusalem; cas naisurat iti libro ni Moises.

Exodo 28:1

Ket yasidegmo kenca ni Aaron a cabsatmo, ken dagiti annacna agraman kencuana, manipud iti tengnga dagiti annac ti Israel, tapno mangakem caniac iti annung ti padi, ni met Aaron, ni Nadab ken ni Abiu, ni Eleazar ken ni Ithamar, annac ni Aaron.

Exodo 28:41

Ket icapetmonto ida cada Aaron a cabsatmo, ken cadagiti annacna a maigiddan kencuana; ket sapsapoamto ida, ken consagrarem ida ken santificarem ida, tapno agannungda caniac iti akem ti padi.

Exodo 29:1

Ket daytoy ti aramidemto a panangisaad cadacuada a nasantoan, tapno agakemda caniac iti annung ti padi: mangalaca iti bumaro a vaca, ken dua a lallaki a carcarnero nga awan pilawda,

Exodo 29:44

Ket santificarecto ti tolda ti gimong, ken ti altar: ni Aaron ken dagiti annacna santificarecto, tapno agakemda caniac iti annung ti padi.

Exodo 29:9

Ket cawesamto ida cadagiti barbarikes, ni Aaron ken dagiti annacna, ket icapetmo cadacuada dagiti pannacacallogong: addanto cadacuada ti kinapadi gapu iti agnanayon a pagalagadan; ket consagraremto da Aaron ken dagiti annacna a lallaki.

Exodo 30:30

Ket sapsapoamto ni Aaron ken dagiti annacna, ket santificarem ida, tapno agannungda caniac iti akem ti padi.

Numero 18:7

Ket sica ken dagiti annacmo a lallaki agraman kenca salimetmetanyonto ti kinapadiyo iti isu-amin a banbanag ti altar, ken maipaay ti adda iti uneg ti abbong: ket agservicayto: itedco cadacayo ti kinapadi cas sagut nga annongen: ket ti sangsangaili nga umadani mapapatayto.

San Lucas 1:5

Cadagiti aldaw ni Herodes, Ari sadi Judea, adda ti maysa a padi a managan Zacarias, iti batang ni Abias; ket ti asawana idi maysa cadagiti annac ni Aaron, ket ti naganna Elisabet.

San Lucas 1:7

Ket awan anacda; ta ni Elisabet lupes, ket agpadpadada nga aduan unayen iti tawen.