San Lucas 1:79 - Ti Biblia (1973)

⁷⁹ A manglawag cadagiti agtutugaw iti sipnget ken aniniwan ni patay; A mangidalan cadagiti sacsacatayo iti dalan ni talna.

Ti Baro a Naimbag a Damag Biblia

⁷⁹ Ket manipud sadi langit, silnaganna dagiti agbibiag iti kasipngetan ni patay, Ket iturongna dagiti addangtayo iti dalan ti kappia.”

San Lucas 1:79 Iomraidhean Croise

Ti Libro ni Job 10:22

Ti daga nasipnget a cas ti cangitingitan ti rabii, ti daga ti aniniwan ni patay, nga awan ti aniaman nga ornos. Ken isu a ti lawag cas la iti cangitingitan ti rabii.

Ti Libro ni Job 3:5

Ti kinasipnget ken aniniwan ni patay isu ti dawatenda coma a maipaay a bucodda. Maysa nga ulep agraeng coma iti rabawna; amin a mangpasipnget iti aldaw mangkigtot coma kencuana.

Dagiti Salmo 107:10

Cas cadagidiay a nagtugaw iti kinasipnget ken iti linong ni patay, a sibabaludda iti leddaang ken landoc,

Dagiti Salmo 107:14

Inaonna ida iti kinasipnget ken iti linong ni patay, pinugsatna dagiti parautda.

Dagiti Salmo 23:4

Wen, uray magnaac iti ginget ti sipnget ni patay, diacto agbuteng iti dakes; ta sicucuyogca caniac: ti barasmo ken sarucodmo, mamakiredda caniac.

Dagiti Salmo 25:12

Asino a tao ti agbuteng ken Jehova? Daydiay isuronanto iti dalan a pilienna.

Dagiti Salmo 44:19

Rinebbanacami a nasakit unay iti yan dagiti as-aso nga atap, ken inabongotannacami iti aniniwan ni patay.

Dagiti Proverbio 3:17

Dagiti dalanna dalan ida a nacay-ayo, ket amin a danana natalna.

Dagiti Proverbio 8:20

Magnaac iti dalan ti kinalinteg, iti tengnga dagiti dandana ti kinajusticia;

Isaias 42:16

Ken yegconto ti bulsec iti maysa a dalan a dida ammo: cadagiti dandana a dida ammo ti pangidalanacto cadacuada; ti sipnget aramidecto a lawag iti sangoananda, ken palintegec ti nakillo a disso. Dagitoy a banbanag aramidecto, ken diacto ida baybay-an.

Isaias 42:7

Tapno luctam dagiti bulsec a mata, tapno iruarmo dagiti nabalud iti nailet a pagbaludan, ken dagiti agtutugaw iti nasipnget a pagbaludan iruarmo ida.

Isaias 48:17

Castoy ti cuna ni Jehova, ti Mannubbotmo, ti Santo ti Israel: Siac ni Jehova a Diosmo, a mangisuro kenca a maipaay iti gungunam, a mangiturong kenca iti dalan a papanam coma.

Isaias 48:22

Awan ti talna iti nadangkes, cuna ni Jehova.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 49:9

A cunaem cadagiti adda a nabalud, Rumuarcayo; cadagiti adda iti kinasipnget, Agparangcayo. Agarabdanto cadagiti daldalan, ken cadagiti nalucasan a pantoc ti pagpaarabandanto.

Isaias 59:8

Ti dalan ti talna dida ammo; ket awan ti kinajusticia cadagiti pagnaanda: inaramidda ida a nakillo a daldalan; uray asino a mapan idiay dina ammo ti talna.

Isaias 9:2

Ti umili a nagnagna iti casipngetan nacakita iti maysa a dackel a lawag; dagiti nagtaeng iti daga ti aniniwan ni patay, naglawag ti silaw cadacuada.

Jeremias 2:6

Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Jeremias 6:16

Castoy ti cuna ni Jehova, Agtacdercayo cadagiti daldalan ket cumitacayo, ket damagenyo dagiti daan a dandana, sadino ti yan ti nasayaat a dalan; ket magnacayo idiay, ket macasaraccayo iti inana a maipaay cadagiti cararuayo: ngem isuda kinunada, Saancamto a magna kencuana.

San Mateo 4:16

Dagiti umili a nagtugaw cadagiti sipnget, Nacakitada ti dackel a lawag; Ket dagiti nagtugaw iti disso ken linong ni patay, Ti silaw linawaganna ida.

San Lucas 2:32

Maysa a silaw a manglawag cadagiti Gentil, Ken dayaw dagiti tattaom nga Israel;

San Juan 1:9

Adda idi ti silaw a pudno, a manglawag iti amin a tao nga umay ditoy lubong.

San Juan 12:46

Siac immayac a silaw ditoy lubong tapno amin a mamati caniac, saanda nga agtaeng iti sipnget.

San Juan 8:12

Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

San Juan 9:5

Bayat ti caaddac ditoy lubong, siac ti silaw ti lubong.

Dagiti Aramid 10:36

Ti sao nga inturongna cadagiti annac ti Israel, ti panangicascasaba ti evangelio ti talna a maipoon ken Jesu-Cristo, (isu ti Apo dagiti isu-amin.)

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Taga-Roma 3:17

Ket ti dalan ti talna dida naammoan:

Taga-Efeso 5:8

Ta idi naminsan dacay ti sipnget, ngem ita dacay ti silaw iti Apo: magnacayo a cas annac ti lawag.