San Lucas 1:6 - Ti Biblia (1973)

⁶ Ket agpadpadada a nasingpet iti sangoanan ti Dios, a nagnagnada nga awan nacababalawanda, cadagiti amin a bilbilin ken linlinteg ti Apo.

Ti Baro a Naimbag a Damag Biblia

⁶ Iti imatang ti Dios, nagbiag a sililinteg dagiti agassawa. Awan pagkurangan ti panagtungpalda kadagiti amin a paglintegan ken bilin ti Apo.

San Lucas 1:6 Iomraidhean Croise

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Genesis 6:9

Dagitoy dagiti caputotan ni Noe. Ni Noe isu idi lalaki a nalinteg ken naananay cadagiti caputotanna: nakipagna ni Noe iti Dios.

Genesis 7:1

Ket ni Jehova kinunana ken Noe, Sumrecca ken amin a cabbalaymo iti daong; ta nakitaca a nalinteg iti sangoanac itoy a caputotan.

1 Ar-ari 15:5

Ta ni David inaramidna daydi a nalinteg cadagiti mata ni Jehova, ket saan a simmiasi iti aniaman a banag nga imbilinna kencuana cadagiti amin nga aldaw ti panagbiagna, malacsid laeng ti maipanggep ken Uria a Heteo.

1 Ar-ari 9:4

Ket no maipapan kenca, no magnaca iti sangoc, a cas pannagna ni David nga amam iti kinatarnaw ti puso, ken kinasingpet, nga aramidem amin ti cas imbilinco kenca, ket salimetmetam dagiti ipapaalagadco ken dagiti linlintegco;

2 Ar-ari 20:3

Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a puso a napalongdoan, ket inaramidco daydiay a naimbag ita imatangmo. Ket ni Ezekias nagsangit iti nasaem.

2 Cronicas 17:4

No di ket nagsapul iti Dios ni amana, ket nagna cadagiti bilbilinna, ken saan a mayannurot cadagiti ar-aramid ti Israel.

Ti Libro ni Job 1:1

Adda idi maysa a lalaki idiay daga nga Hus, a ti naganna Job: ket lalaki a napalongdo ken nalinteg, ken maysa a managaligaget iti Dios, ken linicilicanna ti dakes,

Ti Libro ni Job 1:8

Ket ni Jehova kinunana ken Satanas, Inotobmo ni adipenco a Job? ta awan ti umasping kencuana idiay daga, maysa a napalongdo ken nalinteg a lalaki maysa a managaligaget iti Dios, ken liclicanna ti dakes.

Ti Libro ni Job 9:2

Kinapudnona ammoc a casta: ngem casano ti pannacapalinteg ti tao iti Dios?

Dagiti Salmo 119:6

Iti casta saanacto a maibabain, no adda panagraemco cadagiti amin a bilbilinmo.

San Lucas 1:7

Ket awan anacda; ta ni Elisabet lupes, ket agpadpadada nga aduan unayen iti tawen.

San Lucas 16:15

Ket kinunana cadacuada: Dacayo dagiti mangidayaw ti bagiyo met laeng iti sangoanan dagiti tao; ngem ti Dios ammona dagiti puspusoyo; ta ti natan-oc cadagiti tattao nacaap-aprang iti imatang ti Dios.

San Lucas 2:25

Ket adtoy, adda idi ti maysa a lalaki idiay Jerusalem, a managan Simeon; ket daytoy a tao, nasingpet, ken managdaydayaw, agururay idi ti liuliwa ti Israel; ket ti Espiritu Santo adda kencuana.

Dagiti Aramid 2:25

Ta cuna ni David a maipapan kencuana: Agnanayon a nakitac ti Apo iti sangoanac: Ta adda iti macanawanco, tapno saanacto a magaraw.

Dagiti Aramid 23:1

Ket ni Pablo idi a minatmatanna daydi consejo, kinunana: Lal-laki a cacabsat, siac nagbiagac agraman nadalus a conciencia iti sangoanan ti Dios agingga itoy nga aldaw.

Dagiti Aramid 24:16

Ket gapu itoy siac agnanayon met nga agawaac ti maysa a conciencia nga awan coma ti pagbabawyanna iti maipapan iti Dios ken cadagiti tao.

Dagiti Aramid 8:21

Awan ti bagim wenno gundawaymo itoy a banag; ta ti pusom saan a nalinteg iti imatang ti Dios.

Taga-Roma 8:4

Tapno ti kinalinteg ti linteg matungpal coma cadatayo a saan nga agbiag a linalasag, no di ket naespirituan.

1 Taga-Corinto 11:2

Siac daydayawencayo gapu ta cadagiti isu-amin a banag malagipdac ket salimetmetanyo a di agbalbaliw dagiti sursuro a cas idi inyawatco ida cadacayo.

2 Taga-Corinto 1:12

Ta ti pagragsacanmi isu daytoy: Ti panagpanecnec ti concienciami, a binuyogan ti kinasanto ken ti kinapudno ti Dios, saan a ti sirib a linalasag, no di gapu iti parabur ti Dios, nagbiagcam ditoy lubong, a maipaay cadacayo a nangnangrona.

Deuteronomio 5:33

Magnacayto laeng iti amin a dana nga ni Jehova a Diosyo imbilinna cadacayo tapno agbiagcayo ken agbalincayo a naimbag ken tapno manayon dagiti al-aldawyo iti daga a tagicuaenyonto.

Taga-Filipos 2:15

Tapno awan coma ti pacababalawanyo ket natarnawcayo, annacnacayo, ti Dios nga awan pacapilawanyo, iti nagtengngaan ti maysa a kaputotan a nakil-lo ken managdacdakes, ket iti tengngada aglawagcayo a cas la silsilaw iti lubong.

Taga-Colosas 1:22

Gapu iti natao-an a bagina babaen ti patay, tapno agparangcayo a sasanto ket awan tulawyo ket awan ti pacapilawanyo iti sangoananna:

1 Taga-Tesalonica 3:13

Tapno mapapigsa dagiti puspusoyo, iti kinasanto nga awan ti pacapilawanda, iti sangoanan ti Dios ken Amatayo, intono iyaay ni Apotayo a Jesus a cuyugen dagiti isu-amin a sasantona.

2 Pedro 3:14

Gapuna ay-ayaten, yantangay ur-urayenyo dagitoy a banag, agawaanyo tapno masaracancay coma a sitatalna, nga awan ti tulaw, ket awan ti pacapilawanyo iti sangoananna.

1 Juan 2:29

No ammoyo nga isu nalinteg, ammoenyo met nga isu-amin nga agaramid iti kinalinteg, naipasngayda kencuana.

1 Juan 2:3

Ket gapu itoy, maammoantayo nga isu am-ammotayo, no salimetmetantayo dagiti bilbilinna.

1 Juan 3:7

Annacco a dongdongngoen, dicay ituloc nga iyao-awannacayo ti uray siasino; ti agaramid iti kinalinteg, nalinteg, a cas met isu nalinteg.