San Lucas 1:20 - Ti Biblia (1973)

²⁰ Ket adtoy, agumelcanto ket dicanto macapagsao agingga iti aldaw a pannacaaramid daytoy, agsipud ta dica pinati dagiti saoc isuda a matungpalto inton tiempona.

San Lucas 1:20 Iomraidhean Croise

2 Ar-ari 7:19

Ket daydiay a capitan simmungbat iti lalaki ti Dios, a kinunana, Ita, adtoy, no ni Jehova agaramid coma iti tawtawa idiay langit, mabalin coma a maaramid daytoy? Ket isu kinunana, Adtoy, nga isu ti makitamto cadagiti matam, ngem dicanto mangan kencuana:

2 Ar-ari 7:2

Idin ti capitan nga iti imana pagsammakedan di ari simmungbat iti lalaki ti Dios, ket kinunana, Adtoy, a no ni Jehova agaramid coma iti tawtawa idiay langit, mabalin a maaramid daytoy? ket isu kinunana, Adtoy, nga isu ti makitamto cadagita matam, ngem dicanto mangan kencuana.

Exodo 4:11

Ket ni Jehova kinunana kencuana, Asino ti nangaramid iti ngiwat ti tao? wenno asino ti mamagumel, wenno mamagtuleng, wenno mamagkita, wenno mamagbulsec ti tao? Saan aya nga siac a Jehova?

Isaias 7:9

Ket ti olo ti Efraim isu ti Samaria, ket ti olo ti Samaria isu ti anac ni Remalias. No saancayo a mamati, pudno a dicayto mataginayon.

Ezekiel 24:27

Iti dayta nga aldaw ti ngiwatmo aglucatto iti daydiay a nacatalaw, ket agsaocanto ket saancanton nga umel: iti casta agbalinca a tanda cadacuada; ket mabigbigdanto a siac ni Jehova.

Ezekiel 3:26

Ipadketconto dayta dilam dita ngadasmo, tapno agumelca, ken saancanto a mangbabalaw cadacuada; ta isuda nasukirda a balay.

Daniel 10:15

Ket idi a naibagana caniac ti mayannurot cadagitoy a sasao, indumogco ti rupac iti daga ket nagumelac.

Numero 20:12

Ket ni Jehova kinunana cada Moises ken Aaron, Gapu ta dicayo namati caniac, tapno santificarendac cadagiti matmata dagiti annac ti Israel, isu ti gapuna dicayto ipan daytoy a gimong iti daga nga intedco cadacuada.

San Marcos 16:14

Calpasan dagitoy nagparang cadagiti sangapulo ket maysa met laeng, idi addada a mangmangan ket binabalawna ida gapu iti awan a pammatida ken tangken ti pusoda, gapu iti dida pinati dagiti nacakita kencuana a nagungaren.

San Marcos 9:19

Ket isu sinungbatanna ida, a cunana: O caputotan a di mammati, agingga iti caano a makipagianac cadacayo? agingga iti caano nga iturturedcayto? iyegyo caniac.

San Lucas 1:19

Ket simmungbat di angel a kinunana kencuana: Siac ni Gabriel nga agserservi iti sangoanan ti Dios; ket nabaonac a makisao ken mangyeg kenca itoy naimbag a damag.

San Lucas 1:21

Ket dagiti umili ururayenda idi ni Zacarias ket masmasdaawda iti panagmayengna idiay Templo.

San Lucas 1:22

Ket idi rimmuar saana a nabalin ti nakisao cadacuada; ket naammoanda nga isu nacakita ti datdatlag idiay Templo ket isu sininsiniasanna ida ket nagumel.

San Lucas 1:45

Ket nagasat ti namati, ta matungpalto dagiti pinaibaga ti Apo kencuana.

San Lucas 1:64

Ket naigiddato a naluc-atan manen ti ngiwatna ken dilana, ket nagsao a nagdaydayaw iti Dios.

Taga-Roma 3:3

Ta ania ngarud no dagiti dadduma cadacuada nagbanagda nga awan pammatida? ti kinaawan pammatida iccatennanto aya ti kinamatalec ti Dios?

2 Timoteo 2:13

No saantay a mapagtalcan agtalinaedto a matalec; ta dina mabalin nga ilibac ti bagina.

Tito 1:2

Babaen ti pananginanama iti biag nga agnanayon, nga ti Dios, a dina mabalin ti agulbod, incarina idi sacbay dagiti ginasgasut a tawen;

Hebreo 6:18

Tapno gapu cadagiti dua a banag a di agbalbaliw, isu a saan a nabalin a pagulbodan ti Dios, adda maysa a napigsa a pagbilgantayo, datayo a nagtalaw tapno agcamangtayo, babaen ti panginanamaan a naicabil iti sangoanantayo:

Paltiing 3:19

Cadagiti isu-amin a dungdungngoec siac babalawec ken gugurac ida; aggagetca ngarud ket agbabawica.