San Lucas 1:13 - Ti Biblia (1973)

¹³ Ngem ti angel kinunana kencuana: Zacarias, dica agbuteng, ta naipangag ti cararagmo; ket ni asawam nga Elisabet ipasngayannacanto ti maysa nga anac a lalaki ket panaganamto ti Juan.

Ti Baro a Naimbag a Damag Biblia

¹³ Ngem kinuna ti anghel kenkuana, “Dika agbuteng, Zacarias! Impangag ti Dios ti kararagmo. Aganakto ni Elisabet nga asawam. Lalakinto ti anakyo ket panaganamto iti Juan.

San Lucas 1:13 Iomraidhean Croise

Genesis 17:10

Daytoy ti tulagco a salimetmetanyonto, siac ken sica ken dagiti putotmo iti calpasam: tumunggal lalaki cadacayo macugitto.

Genesis 17:19

Ket ti Dios kinunana, Pudno unay, ni Sara nga asawam mangyanacto kenca iti maysa a lalaki, ket panaganamto iti Isaac: ket patalgedacto ti tulagco kencuana, a panagcaycaysa nga agnanayon cadagiti putotna iti calpasanna.

Genesis 18:14

Adda aya banag a naricut unay ken Jehova? Iti tiempo a nakedngan agsubliacto kenca, no madanon daytoy met la a tiempo, ket ni Sara addanto anacna.

Genesis 25:21

Ket ni Isaac nagdawat ken Jehova maipuon iti asawana, ta lupes idi ket ni Jehova inannugutna, ket ni Rebeca nga asawana nagsicug.

Dagiti Salmo 113:9

Pagtagibalayenna ti babai a lupes, ket pagbalinenna a naragsac nga ina dagiti annac. Idaydayawyo ni Jehova.

Dagiti Salmo 118:21

Agyamanacto kenca; ta sinungbatannac, ket nagbalinca a salacanco.

Isaias 8:3

Ket napanac ken mammadto a babai, ket isu nagsicug, ken nangipasngay iti maysa a lalaki. Sa kinuna ni Jehova caniac, Panaganam iti nagan a Maher-salal-hash-baz.

Daniel 10:12

Idin kinunana caniac, Dica agbuteng, Daniel, ta nanipud idi damo nga aldaw a panangipapusom nga umawat ken agpacumbaba iti sangoanan ti Diosmo, dagiti saom naipangagda: ket umayac gapu cadagiti saom.

Oseas 1:4

Ket ni Jehova imbagana kencuana: Ipanaganmo kencuana ti Jezrael; ta iti mabiit manipud ita, siac ibalesconto ti dara ni Jezrael iti balay ni Jehu, ket pasardengecto iti pagarian ti balay ti Israel.

Oseas 1:6

Ket nagsicug manen ken inyanacna ti maysa a babai. Ket imbaga ni Jehova kencuana, Ipanaganmo kencuana ti Lo-ruhama; ta siac, awanen ti caasic iti balay ti Israel, nga uray casano diac coma pacawanen ida.

San Mateo 1:21

Ket aganacto iti maysa a lalaki; ket panaganamto iti Jesus; ta isu isalacannanto ti ilina cadagiti basbasolna.

San Mateo 14:27

Ngem ni Jesus dagus a kinasaona ida a cuncunana: Agtalgedcayo; siac; dicay agbuteng.

San Mateo 28:5

Ket simmungbat di angel ket kinunana cadagiti babbai: Dicay agbuteng: ta ammoc a sapsapulenyo ni Jesus, daydi nailansa iti cruz.

San Marcos 16:6

Ngem isu cunana cadacuada: Saancay nga agkigtot! sapulenyo ni Jesus Nazareno, daydi nailansa iti cruz: nagungaren; awan ditoy; kitaenyo ti disso a nangicabilanda kencuana!

San Lucas 1:14

Ket sica addanto rag-o ken ragsacmo, ket adunto ti agragsac iti pannacayanacna.

San Lucas 1:30

Ket daydi angel kinunana kencuana: Maria, dica agbuteng, ta nacasaracca ti gracia ken Apo Dios.

San Lucas 2:21

Ket idi matungpalen ti walo nga aldaw ta isu ti pannacacugit ti ubing, pinanagananda ti JESUS, isu a pinangnagan ti angel idi di pay naisicog.

Dagiti Aramid 10:31

Ket kinunana: Cornelio, naipangag ti cararagmo, ket ti Dios nalagipna dagiti limlimosmo.

Uk-ukom 6:23

Ket ni Jehova kinunana kencuana, Talna ti adda kenca; dica agbuteng: dicanto matay.

1 Samuel 2:21

Ket ni Jehova sinarungcaranna ni Anna, iti casta a nagsicug, ket nangyanac iti tallo nga annac a lallaki ken dua nga annac a babbai. Ket ni ubing a Samuel dimmackel iti sango ni Jehova.