Levitico 9:4 - Ti Biblia (1973)

⁴ Ken maysa a vaca a lalaki ken maysa a carnero a lalaki a datdaton iti cappia nga irucbab iti sango ni Jehova; ken maysa a daton a macan a nalaocan iti lana: ta ita nga aldaw ni Jehova agparang cadacayo.

Ti Baro a Naimbag a Damag Biblia

⁴ ken toro a baka ken kalakian a karnero a maidatag a kas daton a pakikappia. Masapul nga idatagda iti Apo a mapakuyogan iti daton a makan a nalaokan iti lana. Nasken nga aramidenda daytoy ta agparang ti Apo kadakuada ita nga aldaw.”

Levitico 9:4 Iomraidhean Croise

Exodo 16:10

Ket naaramid nga idi nga agsasaon ni Aaron iti amin a gimong dagiti annac ti Israel, kimmitada iti agpalet-ang, ket, adtoy, ti dayag ni Jehova nagparang iti ulep.

Exodo 19:11

Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Exodo 24:16

Ket ti dayag ni Jehova nagsaad iti rabaw ti bantay Sinai, ket ti ulep binungonna iti bayat ti innem nga aldaw: ket iti maicapito nga aldaw inayabanna ni Moises nanipud iti nagtengngaan ti ulep.

Exodo 29:43

Ket idiay danonecto dagiti annac ti Israel; ket ti Tolda mapasantonto gapu iti dayagco.

Ezekiel 43:2

Ket, adtoy, ti dayag ti Dios ti Israel immay nanipud iti dalan ti daya; ket ti timecna cas la ti daranudor dagiti adu a dandanum; ket ti daga nagraniag babaen ti dayagna.

Ezekiel 43:27

Ket intono matungpalda dagiti aldaw maaramidto nga iti maicawalo nga aldaw, ken iti masacbayan, dagiti papadi aramidendanto dagiti datonyo a mapuuran iti rabaw ti altar, ken dagiti datonyo iti cappia; ket awatencayto, cuna ni Apo Jehova.

Levitico 2:1

Ket no adda mangipaay iti daton a bel-laay ken Jehova, ti namayecmec nga harina idatonnanto; ket buyatannanto iti lana, sana icabilto ti incienso;

Levitico 3:1

Ket no ti idatonna maysa a sacrificio dagiti datdaton iti cappia; no mangidaton cadagiti vacvaca, uray calakian, uray cabayan, ti awan pilawna ti idatonnanto iti saclang ni Jehova.

Levitico 9:23

Ket da Moises ken Aaron simrecda iti tolda ti gimong, ket sada rimmuar, ket binendicionanda ti ili: ket ti dayag ni Jehova nagparang cadagiti amin a tattao.

Levitico 9:3

Ket ibagamto cadagiti annac ti Israel ket cunam, Mangalacayo iti maysa a calding a lalaki a daton gapu iti basol; ken maysa nga urbon a vaca ken maysa a cordero nga awan pacapilawanda, a saggaysa ti tawenda nga agservi a daton a mapuuran;

Levitico 9:5

Ket inyegda ti imbilin ni Moises iti sango ti tolda ti gimong: ket amin ti gimong immadanida ket nagtacderda iti saclang ni Jehova.

Levitico 9:6

Ket ni Moises kinunana, Daytoy ti imbilin ni Jehova a rebbengyo nga aramiden: ket ti dayag ni Jehova agparangto cadacayo.

Numero 14:10

Ngem amin a gimong cayatda nga uburen ida iti batbato. Ket ti dayag ni Jehova nagparang iti tolda ti gimong cadagiti amin nga annac ti Israel.

Numero 16:19

Ket ni Core inummongna ti dagup ti gimong a maibusor cadacuada iti ruangan ti tolda ti gimong: ket ti dayag ni Jehova nagparang iti amin a gimong.