Levitico 9:3 - Ti Biblia (1973)

³ Ket ibagamto cadagiti annac ti Israel ket cunam, Mangalacayo iti maysa a calding a lalaki a daton gapu iti basol; ken maysa nga urbon a vaca ken maysa a cordero nga awan pacapilawanda, a saggaysa ti tawenda nga agservi a daton a mapuuran;

Ti Baro a Naimbag a Damag Biblia

³ Kalpasanna, ibagam kadagiti Israelita a mangalada iti kalakian a kalding a maidaton gapu iti basol, urbon ti baka a maysa ti tawenna, ken urbon ti karnero a maysa ti tawenna nga awan depektoda a maidatag a daton a mapuoran

Levitico 9:3 Iomraidhean Croise

Genesis 37:31

Ket innalada ti bado ni Jose, ket nangrucrucda ti maysa a calding a lalaki, ket impaslepda ti bado iti dara;

ESDRAS 10:19

Ket impaayda ti imada tapno pagtalawenda coma dagiti assawada a babbai; ket idinto a nacabasolda, isuda indatagda ti maysa a carnero ti arban a maipaay iti babacda.

ESDRAS 6:17

Ket indatagda iti daytoy a pannacaisibbo ti balay ti Dios ti sangagasut a vacvaca a lallaki, duagasut a carcarnero, uppat a gasut a corcordero; ken maipaay iti daton ti basol a maipaay iti amin nga Israel, sangapulo ket dua a calding a lallaki a mayannurot iti bilang dagiti caputotan ti Israel.

Exodo 12:5

Ti corderoyo awanto ti pacapilawanna, lalaki nga agtawen iti maysa: isu nga alaenyonto cadagiti carcarnero wenno cadagiti calcalding:

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Levitico 10:16

Ket ni Moises sigaganetget a nagsapul iti calding ti daton gapu iti basol, ket, adtoy, napuuranen ket nagpungtot ken Eleazar ken Itamar, nabati nga annac a lallaki ni Aaron ket kinunana,

Levitico 12:6

Ket no masungpot dagiti al-aldaw a panagdalusna, maipaay iti anacna a lalaki wenno babai, yegnanto iti padi ti maysa a cordero a tumawenen cas daton a mapuuran, ken maysa nga urbon ti calapati, wenno maysa a pagaw a daton gapu iti basol agingga iti ruangan ti tolda ti gimong:

Levitico 14:10

Ket itinto maicawalo nga aldaw mangalanto iti dua a cordero a lallaki nga awan pilawda, ken maysa a cordero a cabayan awan pilawna, nga agtawenen ken tallo a pagcasangapulo nga apag ti maysa nga efa ti namayecmec nga harina a maipaay a daton a macan a nalaocan iti lana, ken maysa a log ti lana.

Levitico 16:15

Calpasanna patayennanto ti calding a daton gapu iti basol a maipaay iti ili, ket ipannanto ti darana iti uneg ti abbong, ket aramidennanto iti dara ti calding, ti cas inaramidna iti dara ti vaca a lalaki, ket iwarsinanto iti rabaw ken iti sangoanan ti tugaw ti caasi:

Levitico 16:5

Ket mangalanto iti gimong dagiti annac ti Israel dagiti dua a calding a lallaki nga idaton gapu iti basol, ken maysa a carnero a lalaki a daton a mapuuran.

Levitico 23:12

Ket iti aldaw a panangililiyo iti rineppet, mangipaaycayto ti maysa a cordero a lalaki nga awan pilawna, a maysa ti tawenna a maipaay a maysa a daton a mapuuran ken Jehova.

Levitico 4:23

No ti babacna a nacabasolanna maipacaammo kencuana, yegnanto a datonna ti maysa a calding, a lalaki nga awan pilawna;

Levitico 4:3

No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

Levitico 9:2

Ket kinunana ken Aaron, Alaem ti maysa nga urbon cadagiti vacvaca a maipaay a daton gapu iti basol, ken ti maysa a carnero a lalaki a maipaay a daton a mapuuran, nga awan pacapilawanda, ket idatonmo ida iti saclang ni Jehova.

Levitico 9:4

Ken maysa a vaca a lalaki ken maysa a carnero a lalaki a datdaton iti cappia nga irucbab iti sango ni Jehova; ken maysa a daton a macan a nalaocan iti lana: ta ita nga aldaw ni Jehova agparang cadacayo.

Taga-Roma 8:3

Ta ti saan a mabalinan ti linteg, idinto a napacapuy gapu iti lasag, inaramid ti Dios, nga imbaonna ti Anacna a caasping ti lasag a managbasol ket gapu iti basol, impatayna ti dusa ti basol iti lasag:

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

1 Pedro 2:24

Isu met laeng a nangawit cadagiti basbasoltayo iti bagina iti rabaw di cayo, tapno idinto a nataytayo cadagiti basbasol, agbiagtayo a maipaay iti kinalinteg: gapu cadagiti sugsugatna naagasancayo.

1 Pedro 3:18

Ta ni Cristo nagsagaba met gapu cadagiti basbasol, iti naminpinsan daydi nalinteg gapu cadagiti nakil-lo, tapno iragpatnatayo iti Dios, idi napapatay no maipapan iti lasag, ngem sibibiag no maipapan iti espiritu:

Paltiing 5:9

Ket icancantada ti maysa a canta a baro, a cuncunada: Maicarica a mangala iti libro, ken manglucat cadagiti sellona; ta napapatayca idi, ket nagatangmo a maipaay iti Dios babaen ti daram met laeng, dagiti tattao ti amin a capututan, ken pagsasao, ken ili ken pagarian.