Levitico 9:10 - Ti Biblia (1973)

¹⁰ Ngem ti taba, ken dagiti beckel, ken ti culapot ti dalem ti daton gapu iti basol pinuuranna iti rabaw ti altar; cas imbilin ni Jehova ken Moises.

Ti Baro a Naimbag a Damag Biblia

¹⁰ Pinuoranna iti altar ti taba, dagiti bekkel ken ti kasayaatan a paset ti dalem kas imbilin ni Yahweh ken ni Moises.

Levitico 9:10 Iomraidhean Croise

Dagiti Salmo 51:17

Dagiti sacrificio a maipaay iti Dios isu ti espiritu a nadudog; ti nadudog ken sibabawi a puso, O Dios, saanmonto a laisen.

Exodo 29:13

Ket alaemto amin a taba a mangbungon cadagiti lalaem, ken ti culapot ti dalem, ken dagiti dua nga beckel, ken ti taba nga adda iti rabawda, ket puuramto ida iti rabaw ti altar.

Dagiti Proverbio 23:26

Anacco, itdem caniac ta pusom; ket dagiti matam pagayatanda coma dagiti daldalanco.

Isaias 53:10

Nupay casta naay-ayo ni Jehova iti pinangpalitemna kencuana; isu pinalidayna: intono aramidem ti cararuana a maysa a daton a gapu iti basol, makitananto ti caputotanna, paatiddugennanto dagiti al-aldawna, ket ti pagayatan ni Jehova rumang-ayto itiimana.

Isaias 57:15

Ta castoy ti cuna ti Nangato ken Natan-oc nga agnaed iti agnanayon, a ti naganna Santo; Agnaedac iti nangato ken nasantoan a disso, agraman iti daydiay addaan iti maysa nga espiritu a napagbabawi ken napacumbaba, tapno biagec manen ti espiritu ti napacumbaba ken tapno biagec manen ti puso ti napagbabawi.

Isaias 66:2

Ta amin dagitoy a banbanag inaramid ti imac, ket iti casta addada amin dagitoy a banbanag, cuna ni Jehova: ngem itoy a tao imatangacto, daydiay met laeng nga isu napanglaw ken napagbabawi nga espiritu, ken daydiay nga agkintayeg iti saoc.

Levitico 9:11

Ket ti lasag ken ti lalat pinuuranna iti apuy iti ruar ti pacarso.

Levitico 9:9

Ket dagiti annac a lallaki ni Aaron indatagda ti dara kencuana, ket isu insawsawna ti ramayna iti dara, sana incabil cadagiti sarsara ti altar, ket imbuyatna ti dara iti poon ti altar;